Ég er svollítið upptekin nú um stundir við að grúska í fortíðinni fyrir aðra en mig sjálfan því er og verður alveg á næstunni "fátt um fína drætti" hvað síðuna varðar en ég er ekki hættur. Í þessu grúski mínu rakst ég á þessa grein í "Fylkir" (blaði útgefnu hér í Eyjum) þ 22 okt 1954. Í gær voru því sextíu ár  frá þessum atburði

Fréttin í Fylki 22-10-1954



TRÖLLAFOSS er eitt af þeim skipum sem ekki mega gleymast í siglingasögu Íslands. Skipið  vakti víða athygli fyrir snyrtimennsku. Flaggskip flotans þess tíma hvað stærð varðaði.Um skipið og áhöfn þess mætti skrifa heila bók. Og merkilegt að engin ritfær maður skyldi ekki skrifa sögu Bjarna Jónssonar skipstjóra. Sem var fyrsti íslenski skipstjórinn á skipinu sem var keypt notað 1948. En Bjarni sigldi í báðum heimstyrjöldunum. Hann var m.a. á Ceres þegar hún var skotin í kaf 1917. Í seinna stríðinu var hann með Dettifoss og Lagarfoss eftir að Gullfoss var kyrrsettur í Kaupmannahöfn 1940. Bjarni var alla tíð vellátinn sem skipstjóri.