Við höfum minnst á Skipaútgerð Ríkisins en hún fékk nýtt skip 1939 Esju

Við íslendingar misstum yfir tvö hundruð sjómenn  að talið er af styrjaldarástæðum. Við mistum þrjú flutningaskip. Þó má þvinga þá tölu upp í fimm ef  Gullfoss sem var kyrrsettur í Kaupmannahöfn og Snæfell sem kyrrsett var í Kristianssand eru talin með En þau áttu ekki afturkvæmt.1941 var þremur leiguskipum Eimskipafélagsins, Heklu , Sessu og Montana sökkt og með þeim fórust 16 íslenskir sjómenn (Með Heklu 14 menn Með Sessu 24 þar af 2 íslendingar en áhöfn Montana bjargaðist)

 

Á stríðsárunum urðu ýmsar breytingar á kaupskipaflotanum fyrir utan skipstapanna. Að vísu keypti Sviði h/f í Hafnarfirði portúgalst skip Ourem úr strandi Létu Sviðamenn sem náðu skipinu út gera við það og var það skírt Hrímfaxi

Eimskipafélagið hafði strax á árinu 1938 smíði eins farþegaskips og tveggja vöruflutningaskipa á prjónunum. En ekkert var af þeim framkvæmdum vegna stríðsins. þess í stað keyptu þeir tvö skip af útgerðum innanlands. Eða réttara sagt þeir keyptu allt hlutafélagsins í öðru  félaginu upp og var eitt skip innifalið Þetta var skipafélagið Ísafold og es Edda II. Sem fékk nafnið Fjallfoss

1945 kaupir svo Eimskipafélagið es Kötlu af Eimskipfélagi Reykjavíkur og skipið skírt Reykjafoss Svo 1948 kaupir Eimskipafélag Íslands, þá stærsta skip íslenska kaupskipans frá USA Coastal Courser sem þeir skíra Tröllafoss

1945 kaupir Haukur h/f og Baldur h/f nýbyggt tréskip í Canada sem fékk nafnið Haukur, Saga þessa skips var stutt en það sökk í sinni fyrstu ferð til Evrópu Skipið var hlaðið sementi frá London. Allir skipverjar björguðust

Uppúr þessu verður svo blómaskeið íslenskrar farmennsku. Ný skipafélög líta dagsins ljós með nýjum, skipum. Meðal annars Skipadeild SÍS sem byrjar á fjórum nýjum skipum. Hafskip með fjögur ný skip. Jöklar byrja með fjórum nýjum skipum, einu aðkeyptu. Sementsverksmiðjan með eitt nýtt skip Síðan t.d, Nes h/f Neskip h/f Jón Franklín, Guðmundur A Guðmundson,Víkur h/f Ok h/f, Sjóleiði  h/f,Fragtskip h/f með nokkur aðkeypt skip Skipaleiðir h/f  Hólmi h/f ( með nýtt skip) Bifröst h/f

Ef einhver hefur nennt að lesa þetta má sá hinn sami ekki taka þetta sem einhverja sagnfræði. Því þetta er bara byggt að miklu leiti á glompóttu minni síðuhaldara sem svo leitaði í gömlum bókum og blöðum.  Og svo að síðustu er hérna trúlofunarfrétt sem ég rakst á í grúski mínu. Fréttin birtist 10 júlí 1951. Ég held að ég þurfi ekki að kynna fólkið í neðri fréttinni

 Meðal ávaxta af þessari trúlofun er maður sem heitir Hilmar ef menn hafa ekki "fattað"