Fragtskip Óla Ragg
Gamlar og nýjar myndir af flutningaskipum og öðrum skipum.


Færslur: 2013 Ágúst

30.08.2013 16:31

Taranger

Þann 5 maí 1941 fundu skipverjar á m/b SIGURFARA MB 95 skipstjóri Bergur Guðjónsson  17 skipbrotsmenn af norsku skipi. Svona segir Moggin frá þessu þ 6 maí
"Vélbáturinn Sigurfari af Akranesi fann í gær lítinn seglbát, er á voru 17 skipreika Norðmenn, 48 sjómílur til hafs frá Akranesi. Voru mennirnir allilla á sig komnir sökum kulda og vosbúðar, en lítt særðir.

Bergur Guðjónsson skipstjóri





Höfðu þeir hrakist á báti sínum síðan á föstudaginn var, að þýzkur kafbátur sökkti skipi því, er þeir voru á, vestan við Ísland. Áhöfnin á norska skipinu, Taranger hét það, voru alls 33 menn. - Komust allir skipverjar í tvo báta, nema skipstjóiinn, er féll i fyrstu atlögu.

Og skip hans SIGURFARI



Annar björgunarbáturinn var vélknúinn, fóru í hann 15 menn, en 17 í hinn, þann er bátverjar á Sigurfara fundu. Björgunarbátarnir fylgdust að fyrsta sólarhringinn, en urðu viðskila á laugardaginn. Skipbrotsmennirnirvoru fluttir til Akraness, þar sem þeim var hjúkrað eftir föngum



                                       Photo Courtesy of Library of Contemporary History, Stuttgart

Skipið var smíðað hjá Burmeister & Wain í Kaupmannahöfn Danmörk 1930 sem:TARANGER  Fáninn var:norskur Það mældist: 2984.0 ts, 4879.0 dwt. Loa: 121.30. m, brd 16.70. m Skipið  gekk aðeins undir þessu eina nafni og fáninn var sá sami



Svona  urðu endalok skipsins


Þessi skip komu einnig við sögu björgunnar mannana af TARANGER


HMS BEGONIA



                                                                                                          © photoship
HMS WOLVERINE



                                                                                                          © photoship

29.08.2013 19:51

FLORA II

Þann annan ágúst 1940 bjargaði áhöfn togarans Júní frá Hafnarfirði skipstjóri Steinarr Kristjánsson 30 skipbrotsmönnum af danska skipinu FLORA II. Togarinn var á heimleið þegar þeir urðu varir við flugvél sem hringsólaði lágt yfir smábletti á hafinu. Þóttust togaramenn vita að hún væri að vekja athygli þeirra á einhverju.
 
Steinarr Kristjánsson skipstjóri Hann varð seinna farsæll kaupskipaskipstjóri



Og hélt togarinn á staðinn þar fann skipshöfn hans tvo björgunarbáta frá fyrrgreindu skipi. Innanborðs voru tuttugu og fjórir áhafnarmeðlimir fjórar skyttur og einn farþegi.Í bókinni "Mennirnir í brúnni" er kafli um Steinarr skipstjóra: Í sex og hálfri línu segir hann frá atvikinu.

Skip hans í umrætt skifti



Og lýsingin endar svona:"Við hirtum þá upp,en á þetta mátti aldrei minnast, það var hernaðarleyndarmál" Og ég hef leitað í þess tíma daglöðum en á þessa björgun er hvergi minnst einu einasta orði.Og í bókinni "Virkinu í norðri" III bindi sem kom út 1984 og ég hef stuðs mikið við í samningu þessara færsla er ekki minnst einu orði á þessa björgun Heldur:skrítið mál

FLORA II


                                                                                       © Handels- og Søfartsmuseets.dk

Skipið var smíðað hjá  Burmeister & Wain í Kaupmannahöfn Danmörk 1909  sem:FLORA  Fáninn var:danskur Það mældist: 1218.0 ts, 939.0 dwt. Loa: 77.30. m, brd 10.50. m 1940 tók breska herstjórnin skipið yfir og bætti II fyrir aftan nafnið Það nafn bar það svo síðast  undir þá breskum fána




                                                                                       © Handels- og Søfartsmuseets.dk
Þetta segir U-Boat.net um endalok skipsins

28.08.2013 17:20

ATOS

Í byrjun ágúst 1940 bjargaði skipshöfn togarans SKUTULS frá Ísafirði skipstjóri Matthías Guðmundsson 27 skipbrotsmönnum af sænsku skipi Svona segist lottskeytamanni Skutuls Bergþóri Guðmundssyni frá atburðinum í viðtali við blaðamann Alþýðublaðsins sem birtist þ 10 ágúst:" Hinn 3. ágúst vorum við staddir um 8 sjómílur sunnan Skeryvore, á vesturströnd Skotlands. Sást til tveggja lífbáta á siglingu og voru mennirnir í bátunum undir árum. Var frekar dimmt yfir en hægviðri og hlýtt í veðri. Stefnu var þegar breytt og haldið að bátunum. Reyndust þetta vera björgunarbátar af ss ATOS fræa Helsingborg í Svíþjóð Eigandi A/B Atos (Allan Börjesson), Helsingborg  Skipstjórinn gaf mér greinilegar upplýsingar um ferðir skipsins og annað, viðvíkjandi sjóslysinu eða réttara sagt, árás kafbátsins.



Matthísa Guðmundsson skipstjóri





Skipstjórinn heitir F. Funning, ög er frá Hernösand í Svíþjóð. Var ég búinn að vera skipstjóri á Atos, segir hann, í 6 ár samfleytt. Skipið var 2500 smálestir að stærð á leið til Petsamo í Finnlandi er kafbáturinn sökkti skipinu. Kl. 09.20 þ. 3.ágúst var. s.s. Atos statt á 56° norðurbr. og 7° vesturlengdar. Sást þá kafbátur í ca. 1 sjóm. fjarlægð. Skaut kafbáturinn þegar tundurskeyti á skipið og varð ægileg sprenging í afturhluta þess. Afturmastrið féll út af bakborðslunningunni og allar lúkur af afturlestinni fuku eins og fiður langt út á sjó. Bátsmaðurinn á Atos var við að laga til og "súrra bómur" við afturmastur skipsins og sást hann ekki eftir að sprengingin varð. Var hann sá eini, sem fórst með skipinu. 27 manns björguðust, 26 karlmenn og ein kona. Heitir hún Gertrud Bergström,og var farþegi ásamt Berström manni sínum  sem var umboðsmaður fyrir sænskt rafmagns firma í London. Var hann í verzlunarerindum og ætlaði til Svíþjóðar. Bæði voru þau barnfædd í Svíþjóð, en Bandaríkjaborgarar. Sögðu þau mér, að þau hefðu komið á heimili Péturs Benediktssonar í London fyrir tveim mánuðum og ætlað reyna að komast yfir ísland til Svíþjóðar, en svo hefðu þau fengið þessa heppilegu ferð, sem fór þó á annan veg en ætlað var.

Og skipið hans SKUTULL ÍS 451



Hún var skólaus í silkisokkum um borð og varð ég að lána frúnni skóna mína, sem ég keypti í Vestmeyjum á sjómannadaginn. S. s. Atos var fullfermt af mjög dýrmætum vörum, svo sem radíólömpum, bómull, skotfærum, sem áttu að notast til veiðiferða í íshaliriu, sykur, kaffí og allskonar stykkjavörur. Var farmurinn virtur á 26 milljónir sænskar 'krónur, sem fóru í hafið á nokkrum minútum. Skipið var nýkomið frá New York með fullfermi af vörum til Liverpool, en fór svo þaðan, þegar losað hafði verið og lestaði aftur í Glasgow og átti svo að fara til Petsamo. Skipið lagði af stað á föstudaginn 2. ágúst, en hvarf morgunin eftir með allan sinn dýrmæta farm í djúp hafsins, eíns og svo mörg önnur skip, síðan styrjöldin hófst.

ATOS





Skipsverjunum af Atos leið öllum vel eftir. ástæðum, en þeir vildu helst halda sig á bátapalli,og voru að sjá mjög taugaóstyrkir og viðbrigðulir við hvert hljóð sem þeim fannst athugavert. Um hádegi á sunnudag komum við til Fleetwood* og tók lóðsskipið alla skipsbnotsmennina með sér til lands, Síðar um kvöldið voru það allt uppdubbað og hið hressasta og sagði okkur að sumt af áhöfninni mundi fara til Liverpool, en sumt til London og skildi þar með okkur. og skipsbrotsmönnum af s.s. Atlos". Þannig lauk frásögn loftskeytamannsins á SKUTLI

ATOS hér sem MARIE nýsmíðuð


Skipið var smíðað hjá Helsingör Værft í Helsingör Danmörk 1902 sem:MARIE  Fáninn var:sænskur  Það mældist: 1286.0 ts, 2161.0 dwt. Loa: 88.80. m, brd 13.00. m Skipið  gekk undir þessum nöfnum1917 UPPLAND - 1924 ATOS Nafn sem það bar síðast  undir sama fána

Þannig  segir U-Boat.net frá endalokum skipsins



27.08.2013 19:21

Hver er þetta ??

Góður vinur og velunnari síðunnar Finn Bjørn Guttesen sendi mér þessa mynd. Og spurði hvort þetta væri íslenskt skip. Það tel ég ekki vera. En mér finnst ég samt kannast við það. Nú bið ég lesendur síðunnar að koma með álit ef þeir þekkja það.

Hvert er skipið ??


                                                                                       © Finn Bjørn Guttesen

27.08.2013 16:50

MAERSK MC-KINNEY MOLLER

Það gat nú ekki verið hægt annað en nýjasta skip Mærsk Líne hlyti nafn hins ötula sonar og sonasonar stofnenda  Mærsk Line skipafélagsins,Mærsk Mc-Kinney Möller (1913-2012). Afi hans Peter Mærsk Møller  stofnaði ásamt syni sínum "Arnold Peter MøllerDampskibsselskabet Svendborg (Steamship Company Svendborg) með DKK 150,000 sem hlutafé. Þetta var fyrsti vísirinn að hina mikla veldi sem Mærsk Line er í dag. Skipafélagið var að taka við stærsta nú fljótandi gámaskipi.

MAERSK MC- KINNEY  MÖLLER


                                                                           ©  Maersk Line

Skipið var smíðað hjá  Daewoo SB & ME Co í  Okpo S-Kóreu 2013 sem: MAERSK MC-KINNEY MOLLER Fáninn var: danskur Það mældist: 194849.0 ts, 194153.0 dwt. Loa: 399.00. m, brd 59.00.m

Hér nýfarin undir Stórabeltisbrúna

                                                                           ©  Maersk Line
Að koma til Gautaborgar

                                                                           ©  Maersk Line

Hér að koma til Rotterdam

                                                                           ©  Hannes van Rijn

                                                                           ©  Hannes van Rijn

26.08.2013 18:17

Beaverdale

Þann sjötta apríl 1941 var togarinn GULLTOPPUR skipstjóri Halldór Gíslason að veiðum 45 sml SV af Reykjanesi þegar sást til  seglbáts sem vegna smæðar sinnar þótti athygli verður. Hætti skipið veiðum og hélt áleiðis að honum.Kom í ljós að þetta var einn af þremur björgunarbátum breska flutningaskipsins Beaverdale. Sem þýskur kafbátur U-48 hafði sökkt með tundurskeytum og fallbyssuskothríð.þ 1 apríl 33 skipbrotsmenn voru í bátnum sem skipshöfnin á Gulltopp bjargaði En 26 skipbrotsmönnum var svo einhverjum dögum seinna bjargað af sjómönnum frá Hellissandi

Halldór Gíslason skipstjóri



Og skipið hans GULLTOPPUR



BEAVERDALE

                                                                                                                 © photoship


Skipið var smíðað hjá Armstrong, Whitworth & Co í High Walker Bretlandi 1928 sem: BEAVERDALE Fáninn var:breskur Það mældist: 6000.0 ts, 9956.0 dwt. Loa: 153.20. m, brd 18.90. m Skipið  gekk aðeins undir þessu eina nafni og fáninn var sá sami Enn hér  má sjá endalok skipsins á U-Boat.net


BEAVERDALE


                                                                                                                 © photoship



                                                                                                                 © photoship

26.08.2013 17:15

Saga IV

Nú heitir þetta skip Saga verið selt til Afríku Jónas Garðars og félagar fengu skipið kyrrsett í Færeyjum í vor vegna vangoldina launs áhafnar.í vor. Það var svo selt á nauðungar uppboði þar á miðvikudaginn var og var sem fyrr segir seti til Afríku

SAGA


                                                                                                          © Marcel & Ruud Coster
Skipið var smíðað hjá Orsköv Christensens í Frederikshavn Danmörk 1989 sem:GREENLAND SAGA  Fáninn var:danskur  Það mældist: 2469.0 ts, 3200.0 dwt. Loa: 87.10. m, brd 14.60. m Skipið hefur gengið undir þessum nöfnum: 2007 AXEL - 2012 SAGA  Nafn sem það bar síðast er ég vissi undir færeyiskum fána En ég veit ekki undir hvaða fána það er komið nú eða þann 26 ágúst

SAGA



                                                                                                          © Marcel & Ruud Coster
Hér sem AXEL

                                                                                                          © Marcel & Ruud Coster





                                                                                                          © Marcel & Ruud Coster

26.08.2013 12:45

Komin á kreik

Karlinn er komin aftur úr "Borg Óttans" með' afréttar svefnvenjur
 

20.08.2013 21:42

Súlan

Út af færslunni í gær sendi Tryggvi Sig mér mynd af SÚLUNNI EA 300 Myndin er sennilega tekin á "millistríðsárunum" af afa Tryggva og nafna Tryggva Gunnarssyni



Og til samanburðar myndin sem ég birti í gær Þar sést að brúin er sú samam nema þetta skyggni eða hvað þetta svo er á brúarþakinu Og ég man eftir skipinu með brúna eins og á efri myndinni En það er kominn stærri bátapallur á skipið að sjá á neðri myndinni



20.08.2013 20:55

Frí

Kallinn er að fara í borg óttans til smá lagfæringa.  Það þarf að athuga svefnvenjur hans Út af því liggur síðan í dvala nokkra daga



Þessvegan á hann að heimsækja hinar góðu hjúkrunarkonur á Borgarspítalanum. Og sofa nei ekki hjá þeim en á spítalanum eina nótt

Maður þyrfti víst lengra til að hitta ´ana þessa . En við eigum ekki síður fallegar konur sem hjúkrunarkonur. En þegar eins áliðið er á líftíman og  hjá kallinum verður maður bara að láta sig dreyma. Þessvegna verður svefninn að vera í lagi Og þær ætla að kippa því í lag..á Borgó  Æ æ nei nú er ég komin langt út á of hálan ís Svo nú held ég kja...



 

Svo verðu kallinn frískur og fínn á eftir





20.08.2013 18:33

Hilmir aftur

Nú er árið 1941 Þ 23 mars kom togarinn HILMIR til Fleetwood með tíu skipbrotsmenn af norska olíuskipinu BEDUIN sem skipshöfn togarans hafði bjargað. Þetta var í annað skifti sem skipshöfnin á HILMI tókst að bjarga skipbrotsmönnum úr neyð..Það skemmtilega við þetta var að einum skipbrotsmanninum norskum var þarna bjargað í þriðja skiftið af íslensku skipi eftir að hans skipi hafði verið verðið sökkt. Hann sagði við Jón Sigurðsson skipstjóra á HILMI að hann myndi hætta til sjós hættu íslendingasr að sigla til útlanda. Þórólfur var annað skipið sem hafði bjargað norðmanninum en hann mundi ekki nafn þriðja skipsins

B/V HILMIR


Þessi mynd á ekkert skyld við söguna hér á eftir

Og skipstjóri hans Jón Sigurðsson


Jón Sigurðsson var einn af okkar snildar skipstjórnarmönnum sem kunnu sjómennsku til hlítar. Hann var Eyrbekkingur að uppruna og hafði stundað sjó á opnum bátum þaðan Síðar á skútum og togurum . Hann var skipstjóri á B/V Surprise í Halaveðrinu og slapp frá .því með óskemmt skip En svo var það 1938 að HILMIR fær á sig mikinn brotsjó. þegar það var á leið til Englands.Það laskast mikið Manninn sem stóð við stýrið tók fyrir borð og Jón sem var í brú skipsins slasaðist mikið  Fyrir frábæra frammistöðu áhafnarinnar tókst að koma skipinu til hafnar í Aberdeen  Og vakti það furðu margra hve illa þetta litla skip var útleikið

BEDUIN

                                                                                                     © Sjöhistorie.no

Skipið var smíðað hjá Götaverken í Gautaborg Svíþjóð 1936 Sem Beduin fáninn var norskur Það mældist 8136.0 ts 12520.0 dwt. Loa: 138.80. m, brd 18.10. m Skipið  gekk aðeins undir þessu eina nafni og fána

BEDUIN

                                                                                         © söhistoriska museum se

Hér má lesa um endalok skipsins sem voru nokkuð söguleg

20.08.2013 13:40

Litli bjargar stóra

Hér verður sagt frá er B/V Hafsteinn (ca 300 ts) bjargaði alveg nýju bresku 8800 dwt skipi og fjörutíu sjómönnum.

Fyrirsögn Morgunblaðsins um atburðinn í des 1940



Skipstjóranum á Hafsteini Oddi E Kristinsyni segist svona frá björguninni þá kominn til Reykjavíkur 19 desember  "Á fimtudagskvöld, 5. þ. m. heyrðum við neyðarkall frá skipi og vorum við þá staddir ca. 180 sjóm. suður af Vestmannaeyjum. Neyðarkallið hélt stöðugt áfram.Við héldum í áttina til kallsins. Um kl. 11 á föstudagskvöld komum við að skipinu, sem neyðarkallið sendi. Það var um 200 sjóm. NNV af Barrow Head. Þá var komið versta veður, stormur og stórsjór. Við gátum þá ekkert aðhafst.

Oddur E Kristinsson skipstj.




Veðrið hélst næstu nótt. Við héldum okkur í námunda við skipið.  Þetta skip, sem hér var í nauðum statt, var enskt flutningaskip,
"Empire Thunder", frá Newcastle, 5900 tonn að stærð. Skipið var alveg nýtt og var þetta fyrsta ferð þess. Það var á leið til Kanada og hafði engan farm. Aðalvél skipsins hafði brotnað og var skipið því ósjálfbjarga með öllu; rak fyrir sjó og vindi. A skipinu var 40 manna áhöfn. Skipið hafði á annan sólarhring verið að senda út neyðarkall, án þess að nokknr hjálp kæmi. Á laugardagsmorgun var byrjað að vinua við skipið. Veður var enn óhagstætt, norðan rok og mikill sjór.

Skipið hans B/V HAFSTEINN





Við skutum rakettum yfir skipið, en vegna storms og sjógangs vildi línan slitna. Það var ekki fyr en í 5. sinn, að tókst aðdraga línuna milli skipanna. Um kl. 12 á laugardag byrjuðum við að draga skipið. Veður var slæmt, en vindur fremur hagstæður. Ferðin gekk nú vel allanlaugardag og fram á miðjan dag á sunnudag. En- þá gekk vindurinn til SV og hvessti mjög. Höfðum við nú alís ekki að draga hið stóra skip, sem tók svo mjög á sig. Ráku bæði skipin og í áttina til lands. Horfði því mjög illa um björgunina. Gekk þannig til frá hádegi á sunnudag til kvölds. En á sunnudagskvöld breyttist vindstaðan og gekk til vesturs. Gátum við nú farið að draga aftur. Upp frá því gekk alt vel og um kl. 2 á mánudag komum við með skipið til hafnar. Tókst björgunin að óskum.

ENPIRE SNOW systurskip EMPIRE TUNDER

                                                                                           © photoship

Skipið var smíðað hjá Pickersgill í Southwick í Bretlandi 1940  sem:EMPIRE THUNDER  Fáninn var: breskur Það mældist: 5965.0 ts, 8800.0 dwt. Loa: 126.50. m, brd 16.50. m Skipið  gekk aðeins undir þessu  eina nafni og fána En það var ekki langlíft eins og sjá má hér


19.08.2013 20:10

Meir 1940

Höldum áfram að fjalla um björgunar aðgerðir íslendinga á N-Atlandshafi í WW 2

ÞORMÓÐUR

Þ
21 okt bjargaði skipshöfnin á línuveiðaranum ÞORMÓÐI frá Akranesi 13 mönnum af breska skipinu  PACIFIC RANGER Svona segist Guðna Pálssyni skipstjóra á Þormóði frá atburðinum  í blaðaviðtali þ 25 okt þá kominn til Reykjavíkur:  "Það var mánudaginu 21.október kl. 8.45 árd. og vorum við. þá staddir 92 sm. NV af Barra Head á Skotlandi á leið heim tii Islands. Sáu þeir þá seglbát alllangt undan og héldu í áttina til hans.

Guðni Pálsson skipstjóri

Er þeir komu að seglbátnum sáu þeir að þetta var björgunarbátur frá skipi. í bátnum voru 13 menn og margir þeirra illa til reika, votir og klæðlitlir. Skipbrotsmennirnir voru teknir um borð í "Þormóð", þeir háttaðir niðri í káetu og færðir í þur föt og gefin heit mjólk. Fjórir skipbrotsmannanna voru berfættir og illa hafðir. Hrestust þeir skjótt. Skipbrotsmennirnir voru Englendingar og voru af m.s. "Paeifieranger"frá London, 10 þús. smálestir.

Skipið hans Þormóður MB 61




Skipið var skotið í kaf laugardaginn 12. okt. og var þá 170 sm. NV af frlandi. Á skipinu voru 55 menn og komust allir í 3 báta. Er "Þormóður" bjargaði þessum 13 mönn
um, höfðu þeir verið 2 sólarhringa að velkjast í bátnum. Þeir vissu ekkert um hina bátana. "Þormóður" kom með hina 13 skipbrotsmenn hingað til Reykjavíkur

PACIFIC RANGER 

                                                                                             © Uboat.net

Skipið var smíðað hjá Burmeister & Wain í Kaupmannahöfn Denmörk 1929 sem: PACIFIC RANGER  Fáninn var:breskur Það mældist: 4158.0 ts, 6865.0 dwt. Loa: 133.00. m, brd 18.40. m Skipið  gekk aðeins undir þessum eina nafni og fána

Hérna má sjá endalok skipsins á U-boat.net

SÚLAN

Svo var það 12 desember að áhöfn SÚLUNNAR EA  bjargaði þrjátíu og sjö skipbrotsmönnum agf belgíska skipinu MACEDONIER Svona sagðist skipstjóra SÚLUNNAR Aðalsteinn Magnússon  frá atburðinum í blaðaviðtali  Þ 27 des 1940: 

Alsteinn Magnússon skipstjóri




"þann 12 des sl var "Súlan" stödd 10 sjómílur suður af S t Kilda. Flaug þá ensk flugvél yfir skipið og skaut flugeldium til þess að gefa til kynna, að þörf væri á aðstoð. Sáu pá skipverjar rauða bfossia í stefnu á eyjuna. Var þá snúið þangað, og flaug flwgvélrn
þangað líka.

Skipið hans SÚLAN EA 300


Eftir 7 minútna siglingu fundu skipverjar bát með 11 mönnum af belgíska
skipinu, Maodo'nniere, 8600 srnálestir að staerð, sem skotið hafði verið í kaf með tuhdurskeyti Stýrimaðurinn af skipinu stjórnaði bátnum, og sagði hann að annar bátur væri þar nálægt með 26 mönnum. Eftir ofurlitla stund fannst báturinn eftir tilvisun
flugvélarinnara. Fór "Súlan" með skipbriotsmennina til Fleetwood og voru allir
hressir, er þangað kom Tivísun lokið

MACEDONIER

                                                                                             © Uboat.net

Skipið var smíðað hjá Lloyd Royal Belge í Whiteinch Skotlandi 1921  sem:MACEDONIER  Fáninn var:belgískur Það mældist: 4793.0 ts, 5227.0 dwt. Loa: 122.10. m, brd 15.90. m Skipið  gekk aðeins undir þessu eina nafni og fána

Hérna   má sjá endalok skipsins á U- boat .net

19.08.2013 12:42

Aska

Hér kemur færslan sem segir af þegar sjómenn af tveimur íslenskum togurum þeim SNORRA GOÐA (skipstjóri Magnús Runólfsson) og Arinbirni hersi (skipstjóri Steindór Árnason) björguðu milli þrjú og fjögur hundruð manns af franska herflutningaskipinun Aska. Aðfaranótt þess 16 sept 1940 Í gömlum heimildum er skipið ýmist kallað ASCA eða ASCHA og þetta ruglaði mig .

Svona segir Alþýðublaðið frá þ 20 sept 1940




En nú er ég búinn að fá þetta á hreint Skipið hét ASKA Tíðindamaður Morgunblaðsins náði tali af Magnúsi Runólfsssyni skipstjóra þ 20 sept.Þá komin til Reykjavíkur: "Við vorum á heimleið um nótt er við urðum varir við stórt skip á siglingu nálægt okkur. Flugvél steypti sér úr háalofti yfir skipið og lét falla sprengju er hitti það. Ekki höfðum við séð til ferða flugvélarinnar fyrri en hún steypti sér yfir skip þetta. Síðan beindu flugmenn fluginu til okkar og flaug vélin tvo hringi rjett yfir siglutoppa skips okkar og hvarf því næst út í myrkrið. Skipið sem fyrir sprengjunni varð, stóð í björtu báli miðskips. Sigldum við rakleitt þangað til þess að bjarga skipverjum. Eins gerði Arinbjörn hersir. Nú urðu verkaskifti milli okkar.

Magnús Runólfsson skipstj. varð seinna hafnsögumaður





Arinbjörn sigldi til björgunarbátanna, sem skipverjar höfðu komið á flot og bjargaði mönnunum úr þeim eftir því sem til þeirra náðist og eins af fljótandi flekum. Bárust bátarnir frá hinu brennandi skipi. En sakir elda í skipinu voru þar margir björgunarbátar, sem ekki hafði tekist að koma á flot.

Skip Magnúsar SNORRI GOÐI




Fjöldi manna hékk í köðlum og kaðalstigum utan á skipinu og gáfu frá sér neyðaróp. Við settum út björgunarbát okkar, það er vélbátur. Var honum lagt að hinu brennandi skipi og fólkið tínt upp í hann. Á björgunarbátnum voru 4 af skipverjum okkar. Þeir skiftust á að fara þessar ferðir. Þeir höfðu alls farið átta björgunarferðir þegar tundurspillir og dráttarbátur kom á vettvang. Það var sýnilega hætta að nálgast hið brennandi skip. Því altaf gat maður búist við því, að sprenging yrði í skipinu.

Steindór  Árnason skipstjóri




En þetta gekk alt vel. Á meðan menn okkar voru á ferðinni að hinu sökkvandi skipi, náðum við í allmarga menn, sem höfðu bjargað sér út á fljótandi fleka. Tundurspillirinn ætlaði að Nú lögðumst við upp að hlið tundurspillisins og fóru þeir menn, sem, við höfðum bjargað yfir í hann Ekki höfðum við tölu á því, hve mörgum við björguðum . En þeir voru 18 í bátnum eitt sinn er ég taldi þá. Við áætluðum að við hefðum náð nokkuð á 3. hundraðmanns.

Skip Steindórs ARINBJÖRN HERSIR




En Arinbjörn bjargaði úr bátunum nokkuð á 2. hundrað manns .Skipið, sem þarna var á ferð var franskt, hét Asca  (ASKA er rétt nafn) og var 8000 smálestir að stærð. Á því áttu að hafa verið 620 manns alls, Englendingar og Frakkar " Hér lýkur frásögn Magnúsar í Morgunblaðinu En betri lýsinu af atburðinum má lesa í ævisögu hans "Togarasaga" sem skráð er af Guðjóni Friðrikssyni sem út kom 1986

ASKA

                                                                                                                                       © photoship

Skipið var smíðað hjá Swan, Hunter & W.Richardson í Low Walker Bretlandi 1939  sem:ASKA  Fáninn var: breskur Það mældist: 4983.0 ts, 8323.0 dwt. Loa: 135.50. m, brd 18.70. m Skipið  gekk aðeins undir þessu eina nafni En það var undir frönskum fána þegar því var sökkt

18.08.2013 18:46

VERONICA

Næsta mál á dagskrá er björgun þriggja manna af sænska flutningaskipsins VERONICA En þýskur kafbátur hafði skotið skipið niður á 55°20´0 N og 008°.45´0 V. Þrír af tuttugu manna áhöfn komust á björgunarfleka. Hinir fórust allir. Íslenska vélskipið ERNA EA 200  sigldi svo fram á flekann sex dögum síðar

Þær voru nú ekki allar stórar fleyturnar sem stunduðu siglingar í WW 2 Hérna er ERNA EA 200 fyrir lengingu En hún var lengs 1943





Þannig sagðist Einari Bjarnasyni frá í viðtali við dagblað þess tíma:"
Við sigldum meðfram Skotlandsströnd; vorum á leiðinni heim, þegar við komum auga á rekald. Við sigldum í áttina þangað, og brátt kom í Ijós, að þetta var fleki og á honum kúrðu, nær dauða en lífi, 3 menn. Við tókum þá þegar um borð og hlúðum að þeim eins og tök voru á. Eftir stutta stund tókst mér að ná tali af einum þeirra og var það sænskur maður, skipstjórinn af skipinu »Veronica«, 2000 smál. að stærð, sem skotíð hafði verið í kaf fyrir 6 dögum síðan"

Hér er ERNA lengd,komin með hvalbak og fullhlaðin á leið til Englands 1944





Í ævisögu sinni ritaðri af Sveini Sæmundssyni segir Einar að skipstjóri VERONICA,  R. Elmquist hefði verið illa særður.Hann hafði við sprenginguna kastast af stjórnpallinum niður á dekk. Einar stefndi skipi sínu strax til Londonderry og komst hinn illa særði maður þar undir læknishendur

Einar Bjarnason var skipstjóri á m/s Ernu Frá 1939 til 1947 Hann sigldi skipinu til Englands sem sagt öll  WW2 árin Hann var faðir hins ástsæla íþróttamanns Hjalta Einarssonar sem varð "Íþróttamaður ársins 1971"

Einar Bjarnason

VERONICA


                                                                                          © söhistoriska museum se

Skipið var smíðað hjá Limhamns Skeppsvarv AB í Limhamn Svíþjóð 1918 sem: VERONICA Fáninn var: sænskur Það mældist: 1145.0 ts, 1350.0 dwt. Loa: 72.50. m, brd 11.50. m Skipið  gekk aðeins undir þess eina nafni og fána



                                                                            

                                                                                          ©
söhistoriska museum se

                                                                                          © söhistoriska museum se
Hérna má sjá endalok Veronica af U-Boat.net


Flettingar í dag: 51
Gestir í dag: 10
Flettingar í gær: 466
Gestir í gær: 99
Samtals flettingar: 2943667
Samtals gestir: 409846
Tölur uppfærðar: 21.8.2017 02:14:17


Fragtskip Óla Ragg

Nafn:

Ólafur Ragnarsson

Farsími:

8674756

Afmælisdagur:

29-08-1938

Heimilisfang:

Eyjahraun 5. 900 Vestmannaeyjum

Heimasími:

4812209

Önnur vefsíða:

solir.blog.is

Um:

Er fæddur 1938 á Höfuðdaginn (29/8) Byrjaði ungur til sjós tæplega 15 ára 1953,Þvældist gegn um Stýrimannaskólann 1st 1963 fiskimannapróf síðan 1980 farmannapróf Starfaði síðan sem stm og skipstj á íslenskum og erlendum farskipum.

Tenglar

Leitarbox

aðeins leita á fragtskip.123.is

clockhere