02.12.2012 17:36

Bakkus við stýrið???

Margir muna eftir strandi Mariane Danielsen við Grindavík í jan 1989. Eitthvað mun Bakkus gamli hafa verið viðriðinn það strand. Við skulum grípa niður í viðtal við Bjarna H Þórarinsson hafnsögumann í Grindavík sem birtist í dagblaðinu Vísir þ 27 jan 1989.:" Bjarni segir síðan frá því þegar hann fór frá borði. "Ég hafði farið með skipið lengra út en venja var til og gaf stýrimanninum upp stefnuna sem fylgja átti. Ég fór niður að stiganum sem lá niður í hafnsögubátinn en þar var enginn. Annar stýrimaöur kom loks og hjálpaði mér niður og við sigldum frá skipinu. Rétt á eftir fer skipið að beygja mikið á bakborða og ég kalla í talstöðina en fæ ekkert svar.

Mariane Danielsen

@Rick Cox
Horfðum við síðan á skipið sigla í strand án þess að geta aðhafst nokkuð. Beygjan var það mikil að skipið var á góðri leið með að sigla í hring og inn í höfnina aftur." Framburður annarra vitna var á þá vegu að skipstjórinn hafi verið undir áhrifurn áfengis við siglinguna út úr Grindavíkurhöfn. Að sögn Sigurðar Halls Stefánssonar dómsforseta hafa engar bilanir komið fram við athugun á tækjum skipsins. Þó ekki megi álykta neitt bendi málsatvik til þess að skipið hafi ekki verið í mjög traustum höndum eftir að hafnsögumaður fór frá borði.

Mariane Danielsen

@ Capt Jan Melcher
Mariane Danielsen var byggð hjá Smit.E:J SY í Westerbroek Hollandi fyrir danska aðila Það mældist 1140.0 ts 2585.0 dwt. Loa: 79.20, m brd: 13.10. m Skipið strandaði sem fyrr sagði við Grindavík í jan 1989, En náðist aftur út. Ég kann þá sögu ekki. En mig ninnir að Finnbogi Keld hafi komið að því náli, Upp úr því fékk skipið nafnið Sun Trader. 1990, Maylin. 2009, Lupus Nafn sem það ber í dag undir fána Panama. en eigendur virðast vera Kúbumenn En þetta segja þau gögn sem ég hef undir höndum um skipið í dag: Status of ship : Broken Up (during 06-2012)

Hér er syrpa af strandi Mariane Danielsen við Grindavík í jan 1989 frá Haraldi Karlssyni