Þær voru nú ekki nema tæpir átta metra breiðar en með skáldlegri lægni mætti segja að þær hefðu gert sinn sess breiðan í Siglingasögu landsins. "Breiðarnar" eins og þær voru alltaf kallaðar í daglegu tali. Ég mun sjá eftir því alla tíð að hafa ekki tekið upp og komið á blað öllum sögunum sem Bogi heitinn Einarsson skipstjóri sagði mér af svaðilförum á þessum skipum og eða samskiptum þeirra sem skipunum sigldu og mannfólksins á smærstu viðkomustöðunum. Bogi  þekkti sögurnar vel enda stjórnaði hann  báðum.skipunum

HERÐUBREIÐ



                                                                                 Úr safni Tryggva Sig

En skipin voru bæði sannkallaðir "Púlshestar" Skipaútgerðar Ríkisins og þjónuðu smærri stöðunum úti á landi vel. Margir sem eru komnir fram yfir svokallaðan "miðjan" aldur minnast þessara skipa  með lotningu. En þau ferjuðu margan unglinginn sem var að fara í "sveitina" í á þá daga. Ég man það t.d þegar ég fór á mína fyrstu línuvertíð sem var frá Grundarfirði. Þá þurfti ég að talka áætlunarbílinn frá Borgarnesi til Reykjavíkur og síðan Skjaldbreið til Grundarfjarðar Þannig voru nú samgöngurnar um þær mundir Mikil ófærð vegna snjóþyngsla á Snæfellsnesi

HERÐUBREIÐ


                                                                                                        Úr safni Tryggva Sig


                                                                                                             © Sigurgeir B Halldórsson

Hér eru tvær myndir frá Guðlaugi Gísla, Skipið er Skjaldbreið. En fyrri myndin er af skipshöfninni á góðri stundu. Guðlaugur á miklar þakkir skyldar fyrir lánið á myndunum

 
                                                                                                                     © Guðlaugur Gíslason

Fremri röð frá vinstri: Indriði Guðjónsson 3. vélstjóri, Ágúst Nathanaelsson 2. vélstjóri, Guðmundur Erlendsson 1. vélstjóri, Svavar Steindórsson skipstjóri, Högni Jónsson 1. stýrimaður, Guðmundur Dagfinnsson 2. stýrimaður, Páll Pálsson bryti.

Aftari röð frá vinstri: Erling Axelsson smyrjari, Guðlaugur Gíslason háseti, Þorgils Bjarnason háseti, Bjarni Jóhannesson kokkur, Ársæll Þorsteinsson kokkur, Gunnar Eyjólfsson messi/háseti, Sigurður Thorarensen bátsmaður, Jónas Guðmundsson háseti, Magnús Guðmundsson háseti, Pétur Pétursson háseti.

Á myndina vantar Tryggva Bjarnason, háseta.

Myndin var tekin haustið 1954 þegar áhöfnin kom saman, og gerði sér glaðan dag, í samkomusal á þriðju hæð í Héðinshúsinu við Mýrargötu í Reykjavík.

Og hér er skipið í óvanalegum ( og þó) flutningum


                                                                                                            Úr safni Guðlaugs Gísla

Skjaldbreið var byggð hjá George Brown & Co SY  Greenock Skotlandi 1948 fyrir Skipaútgerð Ríkisins Skipið mældist 370.0 ts 350.0 dwt.  Loa: 45.30 m brd: 7.60 m. Skipið var selt Sea Service Sg Co Ltd London 1966 og fær nafnið  Viking Blazer.  Þeir selja skipið 1969 Cia de Nav Pavan á Famagusta Kýpur og það fær nafnið Marianthi.  Sia de Nav Sifnes Panama kaupir skipið 1970 og skíra Alexandros V.  1980 fær skipið nafnið Frosini. Það var svo rifið í Grikklandi (Perama) 1984

SKJALDBREIÐ


                                                                                                             © Sigurgeir B Halldórsson



                                                                                                              © Sigurgeir B Halldórsson

 Hér sem Viking Blazer


                                                                                     © photoship

                                                                                     © photoship