06.09.2017 07:51

Fjallfoss IV

Höldum áfram að rifja upp það sem mætti kalla "afmælisskip" Þessi var smíðaður 1977 Ég held að Fjallfoss IV hafi tilheyrt flokki "óhappaskipa". Ekki ætla ég mér meir úti í þann hræðilega sorglega atburð sem skeði við skipið aðfaranótt 10 febr. 1984 á Grundartanga

Hér er skipið sem LISA HEEREN

© Frits Olinga-Defzijl
Skipið var smíðað hjá Brand SY í Oldenburg Þýskalandi 1977 sem LISA HEEREN Fáninn var þýskur. Það mældist: 999.0 ts, 1683.0 dwt. Loa: 72.60. m, brd: 11.80. m Eimskipafélagið keypti skipið 1984. Notaði það t.d með ísfisk í gámum út og svo stykkjavöru frá Garston ( England) heim. Skipið var selt úr landi ( kínverjum??? ) 1989 og skírt PERINTIS. Fáninn var Panama.

Hér sem FJALLFOSS

© Ric Cox

Ekki tókst betur til í fyrstu ferðinni fyrir nýja eigendur en svo að skipinu hlekktist á í enska kanalnum Það mun hafa lagst á hliðina. Áhöfninni var bjargað frá þyrlum. Svö sökk skipið á 49°.53´N 003° 05´W Þetta þótti/þykir alvarlegt umhverfisslys minnir mig . En gámar með hættulegum efnum voru á reki í kanalnum og ráku svo upp á ensku ströndina. Ég held að slatti af þeim hafi aldrei fundist. Ég man að ég hitti Finnboga Finnbogason (þáverandi skipstjóra á Urriðafossi) í Rotterdam rétt eftir slysið og sagði hann mér að menn hefðu þurft að vara sig töluvert á stöðuleika skipsins Þ.e.a.s PERINTIS. Hann hafði verið með skipið um tíma.

Hér sem FJALLFOSS