05.02.2018 06:39

Skipin hans Gunnars II

Eftir prófið frá Farmannadeild Stýrimannaskólans 1946 ræður Gunnar sig á Hvassafell skip sem Skipadeild sambandsins var að kaupa frá Ítalíu

Áhöfnin siglir hraðbátum (tundurskeytabátar), sem Landhelgisgæslan var að skila aftur til Englands

Baldur einn af þrem hraðbátunum sem skilað var

Mynd skönnuð úr gamalli bók© óþekktur

Og ferðuðust svo landleiðina til Genua til að sækja skipið. Þeir lesta í Sikiley salt til Íslands í fyrstu ferð heim til Ísland

Hér eru Gunnar og Kristín í tilhugalífinu En þau giftu sig sem fyrr sagði 1946

Mynd úr safni Magnúsar Gunnarssonar©óþekktur

Gunnar réði sig sem 2 stýrimann á b/v Akurey 1947. Er 1 stýrimaður og síðar skipstjóri þar 1950 til 1952.Mér sýnist þetta sýna dugnað og færni Gunnar Byrjar sem annar stm og er orðinn skipstjóri tveim árum seinna

AKUREY að koma í fyrsta sinn í nýja heimahöfn Akranes í júlí 1952

Úr mínum fórum © ókunnur

Svona leit hún út eftir að norðmenn fóru höndum um hana. Hér sem PETREL

Skipið siglir í dag sem lúxusfarþega skip á suðrænum slóðum

Mynd af Marine Traffic.com © sést á henn

Gunnar sigldi síðan sem stýrimaður hjá Ríkiskip í 5 ár. Var lengst af á þessu skipi

m/t Þyrill

Mynd úr safni Guðlaugs Gíslasona

Sigldi einnig sem stýrimaður á þessu skipi

M/S HEKLA

© Tryggvi Sig

Einnig á þessu skipi

M/S ESJA

@Tryggvi Sigurðsson

Og á þessu

M/S HERÐUBREIÐ

Úr safni Tryggva Sig
1959 fór Gunnar í land og tók við m.t. Haskel hjá Oliufélaginu hf og hóf að byggja þak yfir höfuðið á sér og fjölskyldunni á Unnarbrautinni En Haskel var skip með töluvert mikla sögu En skipið mun hafa verið notað í hinni níu mánaða löngu en árangurslausu tilraunar til að knésetja tyrkneska Ósmanaríkið en það stóð með Þjóðverjum í stríðinu. 86 þúsund tyrkneskir hermenn og 30 þúsund breskir, ástralskir og nýsjálenskir hermenn féllu í orrustunni sem stóð sem sagt yfir í níu mánuði. Að henni lokinni urðu Bretar að hverfa á brott með hersveitir sínar. Sá sem hafði mælt hvað mest fyrir árásinni var Winston Churchill, þáverandi flotamálaráðherra, sem hrökklaðist úr embætti vegna ófaranna

Hér er verið að afgtgreiða olíu úr Haskel í bandarískan kafbát

Mynd skönnuð úr gamalli bók© óþekktur

Haskel sekkur svo í Hvalfirði 04-07-1962.Svona er sagt frá þvi í fjölmiðlum m.a:En er skipið var komið á móts við Hvammsvík bilaði skilrúm á milli olíulestarinnar og lúkarsins. Flæddi olía þá fram í skipið, sem seig á endann, og reis að lokum beint upp úr sjónum ogsökk.Þrír menn voru á olíubátnum, Gunnar Magnússon, skipstjóri og tveir menn aðrir. Er þeir sáu hvað verða vildi fóru þeir um borð í skektu, sem á bátnum var,og reru á land í Hvammsvik. Haskell var olíuprammi, um 130 tonn að stærð. Notaði Olíufélagið h.f. hann til flutninga á olíu um borð í togara, til Hvalfjarðar fleira. Skip þetta kom hingað fyrir allmörgum árum. Var það þá eldra en 12 ára, en samkvæmt íslenskum lögum má ekki flytja inn eldri skip. Hefur Haskell verið skráður í London og flutt olíuna um Faxaflóa undir breskum fána. Eftir þann atburð sækir Gunnar m.t. Bláfell til Grikklands og siglir því heim í október 1962. Skipi fékkst ekki skráð fyrr en það kom heim og hét því Ano Syros á heimleið. Ano Syros þýði Efri Syros.

Hér er Gunnar að sigla Ano Syros inn í Reykjavíkurhöfn í fyrsta skifti 08-11-1962

Mynd skönnuð úr gamalli bók© óþekktur

Gunnar og Vilhálmur Jónsson forstjóri O.Í Þegar skift hafði verið um brú á Bláfellinu

Mynd úr safni Magnúsar Gunnarssonar©óþekktur

í febrúar 1965 tekur Gunnar svo við skipstjórn á m/s Önnu Borg. Flutningaskipi sem þá nýstofnað hlutafélag, Skipaleiðir hafð keypt frá Danmörk Skipið, sem bar nafn hinnar látnu listakonu, Önnu Borg, var þriggja ára gamalt, smíðað í Hollandi og hét áður Else Daníelsen. Stærð þess er 810 brúttólestir eða 1240 dw. Skipið hafði oft komið hingað til Reykjavíkur áður, en það var afhent Skipaleiðum i Bremenhaven 11. febrúar 1965 Anna Borg var sennilega uppáhaldsskip Gunnars.Þar sigldi hann fyrst og fremst til Miðjarðarhafsins og seinna í Karabískahafinu og sigldi í gegnum Panamaskurðinn til Kyrrahafssins. Anna Borg er sennilega eitt víðförlasta flutningaskip sem siglt hefur undir íslenskum fána.Skipið var selt úr landi í des 1969.

Hér heitir skipið Else Danielsen

© söhistoriska museum se
Hér heitir skipið Elisabeth Holwerda

© T.Diedrich
Í jan 1970 tekur Gunnar við skipstjórn á Síldarflutningaskipinu Haferninum Og er með það skip þar til það var selt úr landi í sept 1971.