28.03.2015 18:22

FRIO DOLPHIN

Björgvin V sendi mér einnig myndir af þessu skipi FRIO DOLPHIN. Sem hann segir að hafi verið að losa "beitusmokk" í Hafnarfirði um daginn

FRIO DOLPHIN

Skipið var smíðað hjá Imabari Zosen í Imabar Japan 1989 sem: GLORIOUS EXPRESS Fáninn var: Vanuatu (Eyja í S Kyrrahafi fv frönsk nýlenda) Það mældist: 8519.0 ts, 8830.0 dwt. Loa: 141.60. m, brd 21.00. m Skipið gekk undir þessum nöfnum En 1993 GLORIOUS HARVEST 2010 FRIO DOLPHIN Nafn sem það ber í dag undir sama fána

Tengill á færslu

Lokað fyrir álit

28.03.2015 17:07

Delia

Ég get svarið að ég held svei mér þá að nokkrar gamlar "þynnkur" hafi heimsótt mig undanfarið allar í einu. Eða þessi brátt 76 ára gamli skrokkur þoli ekki einfalda flensu. En kannske ekki von eftir meðferðina sem hann fékk um tíma, hvað á maður að segja í öðrum leikhluta lífsins

En það er hægt að segja að ég hafi ekki gengið heill til skógar undanfarið. En nú vona ég að þessar skógarferðir verði teknar með stæl á komandi mánuðum En að slepptu öllum fífaskap og voli þá er hér myndir af DELIA skipi sem mikill velunnari síðunnar og gamall vinur minn Björgvin S Vilhjálmsson segir að sé orðin tíður gestur við kornkajann új Sundahöfn. En Björgvin hefur verið ötull við að senda mér myndir.Sem ég hef svo verið latur við að birta. En hér er smá bót á því Og ég þakka Björgvin kærlega fyrir sendingarnar Og biðst afsökunnar á letinni í mér

DELIA

Skipið var smíðað hjá Tulcea SN í Tulcea Rúmeníu 2000 sem:DELIA Fáninn var: ATG Það mældist: 1846.0 ts, 2500.0 dwt. Loa: 89.70. m, brd 11.90. m Skipið hefur aðeins gengið undir þessu eina nafni og fáninn er enn Antigua and Barbuda

DELIA

Tengill á færslu

Lokað fyrir álit

22.03.2015 20:09

Strand við Noreg

Enn eru skip að stranda þrátt fyrir alla tæknina. Skyldi þarna hafa verið þreyttur og sofandi skipstjórnandi??. Manni dettur það oftast í hug þegar svona skeður En þetta skip SCAN MASTER strandaði við Noreg aðfaranótt laugardags. En hefur ekki verið hægt að draga skipið á flot.

Hér heitir skipið ROSE-MARIE S

Skipið var smíðað hjá Gutehoffnungshutte í Duisburg Þýskalandi 1972 sem:ROSE-MARIE S. Fáninn var:þýskur Það mældist: 498.00 ts, 1270.00 dwt. Loa: 71.30. m, brd 11.60. m Skipið hefur gengið undir þessum nöfnum:1994 NORSEL - 2009 SCAN MASTER Nafn sem það ber í dag undir norskum fána

Hér og einnig hér má lesa meira um atvikið og enn meira hér

Hér heitir skipið ROSE-MARIE S

Hér heitir skipið SCAN MASTER

Mynd af Vesseltracker.com © sést á henni

Tengill á færslu

Lokað fyrir álit

22.03.2015 17:01

Skemmdir á Dockhliði í Kiel Kanal

Heilagur Georg var ekki með heilaga þrenningu sér hliðholla í dag í Kílarskurðinum. En að fíflaskap slepptum lenti þetta skip Saint George í miklum hremmingum þar í dag Þegar það keyrði illilega á eitt hliðið í skurðinum Skemmdirnar má sjá hér og hérna slysið. Skipið rakst harkalega á hliðin í dock nr 3. Tjónið er metið að minnsta kosti 2,2 milljónir Euro í fljótu bragði séð.

Engin ósköp sáust nú á heilagheitunum

Neyðarviðgerð er útilokuð og verður dockin lokuð að minnsta kosti fram í maí. Á morgun munu kafarar athuga skemmdir betur. Nú er verið að "testa" vélar menn og allt sem við kemur þessu slysi. En engar vísbendingar eru enn komnar um hvað olli því Við skulum bara rétt vona að allir hafi verið edrú. En langar biðraðir skipa hafa nú myndast við skurðinn. Upp í 7 tíma bið jafnvel

SAINT GEORGE

Skipið var smíðað hjá Fujian New Shenghai í Longhai Kína 2008 sem: HYFOUR Fáninn var: Saint Vincent & the Grenadines Það mældist: 6680.0 ts, 8500.0 dwt. Loa: 131.60. m, brd 18.8. m Skipið hefur gengið undir þessum nöfnum:2008 ONEGO FORESTER - 2009 LEHMANN FORESTER - 2010 NUNUKAS - 2011 CLIPPER MARIA - 2013 SAINT GEORGE Nafn sem það ber í dag undir Kýpur fána

SAINT GEORGE

Tengill á færslu

Lokað fyrir álit

22.03.2015 14:32

ELFRIDA

Þriðja leiguskipið hjá Skipadeildinni þarna 22 mars 1955 hét ELFRIDA og var sagt koma til Akureyrar þ 24 sama mánaðar

Hér sem ELFRIDA

Skipið var smíðað hjá Flensburger í Flensburg Þýskalandi 1926 sem: ILSE L.-M.RUSS Fáninn var:þýskur Það mældist: 994.0 ts, 2600.0 dwt. Loa: 80.20. m, brd 12.80. m Skipið gekk undir þessum nöfnum:1945 EMPIRE CONQUEROR - 1946 EKORNES - 1947 ELFRIDA Nafn sem það bar síðast undir norskum fána En skipið fórst með allri áhöfn á 58°09´0 N og 003° 03´0 A þ 10.12.1959 Á leiðinni frá Archangel til Danmörk hlaðið timbri

Hér sem ELFRIDA

Tengill á færslu

Lokað fyrir álit

22.03.2015 13:30

Troja

Eftir Mogganum 22 mars 1955 var Skipadeildin einnig með þetta skip sem þá hét TROJA og var undir dönskum fána, á sínum vegum Var það sagt í Borgarnesi

Hér sem SKELWITH FORCE

Skipið var smíðað hjá Williamson í Workington Bretlandi 1908 sem: SKELWITH FORCE Fáninn var:breskur Það mældist: 380.00 ts, 592.00 dwt. Loa: 50.20. m, brd 8.10. m Skipið gekk undir þessum nöfnum:1946 STRATTON DOWNS - 1947 PRIMROSE - 1952 TROJA - 1968 GEORGIOS P. Nafn sem það bar síðast undir grískum/ítölskum En 1974 var skipið selt ítölskum aðilum í Messina til niðurrifs. En það var ekki tekið af ítölskum skrám fyrr en 1990

Hér sem SKELWITH FORCE

Hér sem TROJA

Tengill á færslu

Lokað fyrir álit

22.03.2015 12:46

SMERALDA

Í skipafréttum Skipadeildar SÍS sem birtust í Morgunblaðinu þ 22 mars 1955 er þetta skip sem þá hét SMERALDA sagt upp í Hvalfirði

Hér heitir skipið MOSLI

Skipið var smíðað hjá Eriksbergs MV í Gautaborg 1935 sem: MOSLI Fáninn var:norskur Það mældist: 8291.0 ts, 12800.0 dwt. Loa: 145.30. m, brd 18.60. m Skipið gekk aðeins undir tveim nöfnum: En 1951 fékk það nafni SMERALDA Nafn sem það bar síðast undir ítölskum fána En það var rifið þarlendis 1960

MOSLI

Hér má lesa meira um þetta skip

Tengill á færslu

Lokað fyrir álit

16.03.2015 22:25

Bláfell

Í 20 tbl Samvinnunnar 1954 gat að líla þessa grein sem hét
Nokkur kveðjuorð til lítils skips

Ég held að skipstjórar hafi verið erlendir: (er samt ekki alveg viss) En eitthvað af íslendingum hafi verið þar sem stýrimenn, Allavega þekkti ég einn. Öðlingin Guðjón Vigfússon seinna skipstj. á AKRABORG.Svo var ljúfmennið Ásmundur Guðmundsson seinna skipstj. á LITLAFELLI einnig þarna stýrimaður Skipið var smíðað hjá Kalmar Varv Kalmar Svíþjóð 1944 fyrir þarlenda aðila. Það mældist: 395.0 ts 740.0 dwt. Loa:42.60 m brd: 9.0 m. Skipið hét nokkrum nöfnum eftir Bláfellsnafnið 1954 GLASSVIK - 1961 ANITA - 1968 VAPPU - 1970 MARIESTRAND - 1972 MARIA Skipið var rifið hjá Hummelklepp LH í Stockholm des..1974.

BLÁFELL

Skipið lenti í æfintýralegum hrakningum í janúar 1952 þegar það fékk þrjú fárviðri á sig á leiðinni frá Gautaborg til Norðfjarðar. Skipið hraktist eiginlega í 13 daga og svo fann togarinn Júni það fyrir tilviljun úti á Halamiðum. Það má jafnvel halda því fram að Júnimenn hafi bjargað líi þeirra Bláfellsmanna. Því þegar skipið fannst yst á Halanum stefndi það í NV. Mönnum fannst furðulegt eftir hvar skipið fannst að skipsmenn hefðu aldrei sé til lands á Íslandi

Tengill á færslu

Lokað fyrir álit

16.03.2015 15:50

Skipadeildin fyrir 60 árum

Mig langar að líta með ykkur á grein í Tímanum í mars 1956 Þar sem fjallað var um siglingar á vegum Skipadeildar SÍS 1955.Þá var bjart yfir hjá íslenskum kaupskipum og mönnunum sem á þeim sigldu Lítum í Tímann: "Kaupskip samvinnumanna höfðu á árinu 1955 956 viðkomustaði í 66 íslenzkum höfnum, eða sem næst þrem viðkomum á hverjum degi allt árið.Fluttu skipin tæplega 200 000 smálestir af vörum og sigldu 235 000 sjómílur, og eru þá ekki meðtalin leiguskip, sem SÍS þurfti að taka. Eitt á viku og nokkru betur. Fyrir réttum tíu árum voru forráðamenn Sambandsins að ganga frá samningum um kaup á fyrsta kaupskipi Samvinnumanna, Hvassaíelli. Síðan eru skipin orði

sex og er nú verið að undirbúa kaup eða smíði á 18-20 þús. smálesta olíuskipi, sem ekki aðeins verður langstærsta skip íslendinga, heldur nálega tvisvar sinnum stærra að smálestatölu en öll hin samvinnuskipin sex

Þegar greinin var skrifuð var farið að huga að þessu skipi MOSTANK seinna HAMRAFELL

© photoship
Hvassafell, fyrsta kaupskip Sambandsins, var keypt frá ítalíu 1946 og kom til heimahafnar sinnar á Akureyri þá um haustið. Síðan komu svo Arnarfell, Jökulfell, Dísarfell, Litlafell og Helgafell, öll smíðuð í Svíþjóð, nema Dísarfell, sem smíðað var í Hollandi. Skipin hafa ekki aðeins reynst hin hentugustu i alla staði, heldur og verið gæfuskip í hvívetna, mönnuö hinum vöskustu áhöfnum. Hefur það verið heppni samvinnuhreyfingarinnar, hversu ungir og dugandi menn hafa valist í hvert rúm á skipunum, en meðalaldur skipstjóranna er nú aðeins 40 ár og fyrstu stýrimanna 35 ár.

Hvassafell (2300 Dwt) fór s.l. ár17 ferðir, flutti 31.153 smálestir af vörum og sigldi 36.270 sjómílur Skipstjóri er Guðmundur Hjaltason.

© söhistoriska museum se

Guðmundur Hjaltason skipstjóri

Arnarfell (2300 dwt) fór 9 ferðir, flutti 17.375 lestir og sigldi 43.944 sjómílur. Skipstjóri er Sverrir Þór.

Sverrir Þór skipstjóri

Jökulíell (1045 dwt) fór 22 ferðir, flutti 18.402 lestir og sigldi 43.046 sjómílur. Skipstjóri er Guðni Jónsson.

Guðni Jónsson skipstjóri

Dísarfell (1031 dwt) fór 17 ferðir, flutti 15.397 lestir og sigldi 41.164 sjómílur. Skípstjóri er Arnór Gíslason.

@ Malcom Cranfield Shipsnostalgia

Arnór Gíslason skipstjóri

Litlafell (917 dwt) fór 115 ferðir, flutti 88.285 lestir og sigldi 28.137 sjómílur. Skipstjóri er Bernarð Pálsson.

Úr safni Samskip © óþekktu

Bernhard Pálsson skipstjóri

Helgafell (3250 dwt) fór 12 ferðir, flutti 25.761 lest og sigldi 43.100 sjómílur. Skipstjóri er Bergur Pálsson.

Bergur Pálsson skipstjóri

Viðkomur og staðir: Akranes 27 Borgarnes 10 Hellisandur 3 Ólafsvík 11 Hólmavík 18 Óspakseyri 4 Borðeyri 6 Hvammstangi 16 Grundarfjörður 11 Stykkishólmur 13 Búðardalur 3 Salthólmavík 2 Gjögur 2 Króksfjarðarnes 2 Hvalsker 1 Flatey 3 Patreksfjörður 15 Tálknafjörður 7 Bíldudalur 12 Þingeyri 24 Flateyri 23 Súgandafjörður 11Bolungarvík 1 ísafjörður 33 Langeyri 3 Ingólfsfjörður 1 Norðurfjörður 5 Drangsnes 4 Djúpavík 1 Blönduós 3 Skagaströnd 28 Sauðárkrókur 25 Hofsós 8 Haganesvík 3 Siglufjörður 37 Ólafsfjörður 14 Dalvík 25 Hrísey 14 Dagverðareyri 1 Krossanes 3 Hjalteyri 6 Akureyri 56 Svalbarðseyri 13 Húsavík 37 Kópasker 6 Raufarhöfn 13 Þórshöfn 16 Bakkafjörður 7 Vopnafjörður 17 Borgarfjörður 9 Seyðisfjörður 25 Norðfjörður 19 Eskifjörður 16 Reyðarfjörður 34 Fáskrúðsfjörður 28 Stöðvarfjörður 11 Breiðdalsvík 11 Djúpivogur 20 Hornafjörður 23 Vestmannaeyjar 22 Þorlákshöfn 23 Keflavík 118 Hafnarfjörður 24 Reykjavík 122 Gufunes 4 Hvalfjörður 65

Samtals: 66 hafnir, 1178 viðkomur

Á þessu sést hve yfirdrifsmikil þjónusta Skipadeildar SÍS var við landbyggðina á þessum tímum.Einnig hve dugmiklum og færum mönnum hún hafði á að skipa sem yfirmenn á skipunum. Og menn skulu hafa það í huga að engar voru þá bógskrúfurnar eða bekkerstýrin. Akkerin hugvitið og handaflið notað

Tengill á færslu

Lokað fyrir álit

15.03.2015 16:56

Litlafell I

13 mars 1954 var ekki föstudagur eins og í ár það var laugardagur. Þetta var mikill hátíðisdagur hjá Skipadeild SÍS en þann dag kom til Reykjavíkur nýkeypt skip hennar LITLAFELL Sem var eitt af hinum gömlu og góðu skipum sem átti eftir að þjónusta landsmenn um árabil. Og átti flekklausan veril við hina hrjúfu strönd landsins okkar. Mér þótti LITLAFELL I alltaf snoturst skip.Þetta var fyrsta skipið í olíuskipaflota þeirra Skipadeildarmanna. Hann var aldrei stór hvað fjölda snerti. En því stærri hvað smálestafjölda varðaði Skipaútgerð Samvinnumanna var stórmerkileg.Og með hreinum undrum að saga hennar skuli aldrei hafa verið skrifuð. Svona hugsi maður til komandi ára og áratuga. Fái einhverjir "sérvitringar" áhuga á siglingasögu landsins þá um stundir. En skip Samvinnumanna skrifar þar stóran kafla sem ekki má falla í gleymsku

Ungfrú Hjördís Þór dregur íslenska fánan að hún á skipinu þ 13 mars 1954

Mynd skönnuð úr gamalli Samvinnu © óþekktur

Skipið keypt notað frá Svíðþjóð 1953 af Sambandi ísl. Samvinnufélaga og Olíufélaginu h.f. og ætlað til dreifingar á olíuafurðum til hafna á Íslandi. Skipið flutti einnig frá Íslandi lýsi til Evrópu. Þá var skipið einnig notað nokkrum sinnum til flutninga á lausu fóðri frá Evrópu til Íslands.

Vilhjálmur Þór forstjóri SÍS bíður Sjövald sænskan skipstjóra skipsins velkomin með það til landsins Sænskur stm stendur á milli þeirra

Mynd skönnuð úr gamalli Samvinnu © óþekktur

Ekki virðist tækjaútbúnaðurinn á dekkinu hafa verið verið flókinn svona í fljótu bragði

Mynd skönnuð úr gamalli Samvinnu © óþekktur

LITLAFELL I

Úr safni Samskip © óþekktur

Litlafell I var smíðað hjá Norrköpings Varv í Norrköping Svíþjóð 1950 sem MAUD REUTER. Fáninn var sænskur Það mældist: 803.0 ts 879.0 dwt. Loa: 65.60. m brd: 9.00. m Skipadeild SÍS og Olíufélagið h/f keyptu skipið 1954 og gáfu því nafnið Litlafell.Þeir selja það svo 1971 og fær það nafnið POLYXENI 1973 GLAROS - 1975 MARK III Um endalok skipsins er þetta að segja í þeim plöggum sem ég hef um skipið::No Longer updated by (LRF) IHSF (since 05-08-2010) Síðasta flaggið var Honduras

Úr safni Samskip © óþekktur

Skipinu stjórnaði í fyrstu hérlendis Bernharð Pálsson skipstjóri

Með Sigurjón Jóhansson sem yfirvélstjóra

LITTLAFELL I

Úr safni Samskip © óþekktur

Úr safni Samskip © óþekktur

Tengill á færslu

Lokað fyrir álit

15.03.2015 16:14

Sunnudagur 15-03

Káinn kvað einu sinni :"Af langri reynslu lífsins lært það ég hef / að láta drottinn ráða þegar ég sef / En þegar ég vaki vil ég sjálfur ráða / og helst ráða fyrir báða" Ég taldi mig hafa tökin á þessu öllu þegar ég "þrælmjúkur" af deyfilyfjum skrifaðu orðskrúðuga færslu um ferð til "Borgar Óttans" á föstudaginn fyrir rúmri viku.

Ekki það, að það sem ég skrifaði um vini mína hér í Eyjum var hverju orði sannara. En ég hafði átt að halda kjaf.. um þetta með "slenishristið". Það hélst í hendur þegar dópið var að renna af mér þá reið í hlað einhver versta flensa sem ég hef fengið lengi. Ég stóð eiginlega engan veginn undir sjálfum mér .

Enda þarf jú krafta til að halda uppi hundrað og ... já ekki fleiri orð um það, kg skrokk . Veðrið og flensuskíturinn lengdu svo tíma minn í f.g borg En í annari tilraun tókst það Mikið var ég svo feginn þegar þeir Ernismenn lentu vélinni eins mjúkt og þeir hreinlega tækju tillit til beinverkjanna í skrokknum á mér ,á flugvellinum hér sl miðvikudag . Og hingað boðin velkominn sem ávallt af góðum vinum sem keyrðu mig beint heim þar sem ég tók svo nokkra svingi við flensuna í bælinu næstu dægur Nú er þessum harða kafla í lífinu lokið Harðastur var hann þó þegar ég með gegnvotun fingri af handspritti álpaðist með hann upp í skurðinn á viðkvæmsata stað líkamans En nú er ég að reyna að taka við þessu á daginn sem af langri reynslu lært ég hef

Eða eitthvað íþá átt sem, Káinn kvað um Ekki meir um það snúum okkur að tilgangi síðunnar: Skrifa færslur um "fragtskip" Vinur minn Torfi Haraldsson lét ekki deigan síga í vináttunni við mig þegar ég var "erlendis" Hingað kom skip á vegum Eimskip sem, 3 OAK heitir Og þrátt fyrir slæmt veður og skyggni náði hann þessum myndum af skipinu

3 OAK

Það var smíðað hjá Peters,Hugo í Wewelsfleth Þýskalandi 2006 sem:EURO SOLID Fáninn var: Gíbraltar Það mældist:7100.0 ts,8800.0 dwt.Loa: 125.80. m, brd 21.70. m Skipið hefur aðeins gengið undir tveim nöfnum: En 2012 fékk það nafnið 3 OAK Nafn sem það ber í dag undir Malta fána

3 OAK

Tengill á færslu

Lokað fyrir álit

06.03.2015 20:55

Daniel D

Hér er skip sem gamall sveitungi og vinur Þorvaldur Jónsson skipamiðlari gerði út um tíma hér á árum áður.

Hér sem DANIEL

Það var smíðað hjá Ton Bodewes Franeker Hollandi 1975 sem Daniel Fáninn var hollenskur. Það mældist 1377.0 ts 2349.0 dwt. Loa: 76,40 m brd: 12.00 m. 1987 fær skipið nafnið Daniella 1994 Daniel D 1998 Ivy 2002 Ivy I Nafn sem það bar síðast undir óþekktum fána.Eftir mínu gögnum er status á skipinu: Laid-Up since 13-11-2009

Hér sem DANIELLA

Tengill á færslu

Lokað fyrir álit

06.03.2015 20:46

Með bilað lensikerfi

Jæja þá er að hrista af sér þetta helv.... slen sem hangið hefur yfir manni undanfarið.Sem ég er farinn að halda að fylgi þessari andsk..... SV átt sem hefur verið að ergja mann undan farið. Oft er maður búinn að bölva á morgnana þegar grípa á til bílsins

HERJÓLFUR

Sem oftar en ekki var þá kaffenntur. Ég er eins og stendur í "Borg Óttans" Kom hingað með hálf bilað lensikerfi sem ég vona að Þorsteini Gíslasyni lækni hafi tekist að koma í lag í morgunn með smá aðgerð. En það ætlaði ekki að ganga andskotalaust að komast frá "Caprí Norðursins" í þetta skifti.Gerðar voru 3 tilraunir áður en það tókst. Og það var svo Herjólfur sem flutti manninn með bilaða kerfið áleiðis til fg borg. Þó að Hallgrímur Hauksson skipstjóri skipsins hafi hótað öllu íllu hvað velting og tíma varðaði gekk ferðin vel. Og jafnvel breitti áliti mínu á skipinu sem sjóskipi töluvert.Ekki brugðust vinir mínir í Eyjum í gær.

HERJÓLFUR

Faðir yfirstýrimans skipsins flutti mig að skipshlið.Bar farangurinn um borð Skipaði svo syni sínu að taka hann í land á ákvörðunarstað.Ekki gerði faðirinn þetta endasleppt með "havaristan".Leitaði uppi einn af fremstu rafvirkjum Eyjarinnar sem einnig var á leið til umræddrar borgar og fól honum að taka havaristan á réttan stað í henni án nokkurar útleiðslu.Þ.e.a.s Sjúkrahótelið Sem hann og gerði.En þegar í "Lobbíið"á hótelinu kom kannaðist engin við bilaða manninn. Það var þvertekið fyrir að nokkur kannaðist við hann.Eða væri hann á nokkrum skýrslum allt fram yfir sumardaginn fyrsta
HERJÓLFUR

Það var svo lagleg hjúkrunnarkona (á óvissum aldri) sem bar kennst á gæjann.Og rétti hann af í þessum öngstrætum.Og rafvirkinn bar svo farangurinn upp á það herbergi sem hún hafði fundið laust.Það mun verið að taka upp nýtt kerfi við innskráningar.Og ástandið því lítið betra en hjá Strætó með fatlaða.Svo nú er havaristinn að taka út þynnkuna af deyfilyfjum og slíku en vonandi með lensurnar í lagi.Og næst verður það svo kannske Steini Pípari sem sér um lensigræurnar. En að öllum fíflaskap slepptum.Torfi Haraldsson,Ívar Torfason.Þórarinn Sigurðsson þakka ykkur öllum hina ómetanlegu hjálp í gær. Þið eruð sannir vinir í nauð

Tengill á færslu

Lokað fyrir álit

28.02.2015 19:40

Nordana Sky

Laugardaginn 21 febr sl hljóp þetta, ja hvað segir maður furðulega skip af stokkunum hjá Ferus Smit í Leer þýskalandi.Nordana Sky, er yard nr 417,Og er fyrsta skipið í seríu af sex skipum fyrir Symphony Shipping. Eins og nafnið bendir á mun skipið "be chartered out to the Danish company Nordana and sail in her fleet after delivery" Margir íslendingar munu kannast við Nordana skipafélagið

Nordana Sky

Skipið var smíðað hjá Ferus Smit Leer í Leer,Þýskalandi 2015 sem: Nordana Sky Fáninn var:Singapore Það mældist: 7000.0 ts, 10500.0 dwt. Loa: 122.50. m, brd 17.0. m

Nordana Sky

Ég gæti trúað það það væri ekki fyrir sjóveika að ráða sig þarna um borð Hérna er vídeóbútur sem sýnir sjósetninguna

Tengill á færslu

Lokað fyrir álit

28.02.2015 15:19

Reykjafoss II

Í janúar sl voru 50 ár síðan þetta að mínum dómi fallega skip var selt til Grikklands Hvað skipið varðaði held ég að öllum sem á því sigldu hafi þótt vænt um það.

Svona segir Morgunblaðið frá endalokum skipsins sem Reykjafoss þ 22 jan 1965

Þarna sést að síðasti skipstjóri skipsins undir íslenskum fána var Haraldur Jenssonn faðir hins góða drengs Guðmundar sem er nú er skipstjóri á nýjasta skipi Eimskip LA GARFOSS

Haraldur Jensson skipstjóri (1923-2003)

Hér er saga skipsins í stuttu máli

Hér er hann að yfirgefa Eyjar

© Tryggvi Sigurðsson

Skipið var smíðað hjá Rosi SpA í Taranto Ítalíu 1947 Sem GEMITO.Fáninn var ítalskur Það mældist 1560 ts. 3070.dwt.Loa:89.90.m Brd 12.70. Skipið gekk undir þessum nöfnum: 1951 REYKJAFOSS - 1965 GRETA - 1969 ANNOULA - 1973 ANNA

Fyrsti íslenski skipstjórinn á REYKJAFOSSI II var Sigmundur Sigmundsson (1890-1979)

Með Ágúst Jónsson (1901-1976) sem yfirvélstjóra

Það var skemmtileg tilviljun að yfirstýrimaður Reykjafoss II var Eyjólfur Þorvaldsson sem svo sótti næsta nýja skip Eimskipafélagsins sem skipstjóri. Þ.e.a.s nýsmíðina TUNGUFOSS tveimur árum seinna.
Reykjafoss