Á hafísárunum sem svo voru kölluð fórum við á Arnarfelli nokkrar ferðir á Norðurlandið.  Þetta var bölvað pjakk að komast þetta og gekk hægt Jón Daníelsson var skipstjóri og útsjónasamur að potast þetta. Oft var farið með ströndinni ærið grunnt en rétt lullað áfram og allt fór þetta vel.  Á myndunum hér sést út á ísjakana og á hinni myndinni hafa þeir Sverrir Hannesson stýrimaður og Rúnar Geirsson bátsmaður tyllt sér nokkuð hátt til að reyna að sjá heppilega leið.  Báðar myndirnar eru tekna á austanverðum Húnaflóa.  Ég hélt því fram við Jón Dan að við hefðum farið yfir Skallarifið í þessari ferð en hann vildi nú ekki samsinna því enda var það nú ekki alveg rétt, en við smeygðum okkur alveg með því.

                                                                                                                        © Heiðar Kristinsson
 

Frá Arnarfelli því eina og sanna.

Hér á síðunni var Bjarni Halldórsson að velta því upp hvenær hætt hafi verið að sigla á Borðeyri og Óspakseyri. Það væri gaman að kanna það ef einhverstaðar liggja fyrir  upplýsingar um það. Ég man að við fórum á Borðeyri á Helgafelli það hefur þá verið á árunum 1972 - 1975 en hvort það hefur verið siglt þangað eftir það veit ég ekki en ég hef ekki komið á þessa staði á skipi síðan.   

Á  myndunum sem hér fylgja og teknar eru af mér 1966 er verið að losa timbur úr Arnarfelli á Óspakseyri. Þeir höfðu þá fengið nýjan uppskipunarbát (nótabát úr stáli í stað gamals nótabáts úr tré)  Við Sverrir Hannesson vorum  stýrimenn á Arnarfelli þegar þetta var og báðir nokkuð galsafengnir aðallega þó Sverrir og vorum að mana kallana til að taka aðeins meira í bátinn en í næstu ferð á undan.   Það auðvitað endaði með því að bátinn fyllti en sökk þó ekki og allt draslaðist þetta í land.  

                                                                                                                           © Heiðar Kristinsson

Það er líka sögulegt við þessa ferð að þetta var í fyrsta skipti sem lestað var búntað timbur í Sambandskip. Áður var þetta tínt niður spýtu fyrir spýtu  og sami háttur við losun.  Sitt sýndist nú hverjum um þessa hagræðingu eins og alltaf þegar breytingar eiga sér stað. Það var bölvað bax að lesta þetta en gekk þess betur þegar að losuninni kom. Læt svo fylgja hér með mynd af Oddgeiri Karlssyni  loftskeytamanni  skemmtilegum  félaga sem gott er að minnast. 

                                                                                                                         
                                                                                                                           © Heiðar Kristinsson 

Tæpum 15 mánuðum eftir komu RANGÁR I var þessi frétt svo á þriðju síðu Morgunblaðsins þ 4 des 1963

Margt "fyrimanna" var samankomið til að fagna hinu nýja skipi

                                                                                 © Bjarni Halldórsson

Skipið var smíðað hjá Kremer Sohn í Elmshorn,Þýskalandi 1963  sem: SELÁ Fáninn var:íslenskur Það mældist: 962.0 ts, 1746.0 dwt. Loa: 66.50. m, brd 10.20. m Skipið  gekk aðeins undir tveimur nöfnum. En 1974 fékk það nafnið SKYMASTER. Nafn sem það bar síðast undir grískum fána. En endalok skipsins urðu að það kviknaði í því  á  34°20´0 N og 033°44´0 A Þ 23.07.1979 Skipið var svo dregið stórskemmt til Beirut þar sem það sökk svo  í júlí 1984

Með Þórir Konráðsson sem yfurvélstjóra

Svona leit hluti af síði 15 í Morgunblaðinu út þann 14 sept 1962

Skipinu stjórnaði í fyrstu Steinarr Kristjánsson skipstjóri

Með Þóri Konnráðsson sem yfirvélstjóra

Hér eru myndir frá afhendingu skipsins í Elmshorn í júlí 1962 þegar skipið var afhent Hafskip

Þær voru þýskar og báru fram baunasúpu

                                                                                                  © Bjarni Halldórsson

Á þessari mynd eru t fr v Hrólfur Marteinsson.  Brinkham ( sá sem teiknaði skipið já og önnur fyrir Hafskip) sem ekki virðist hafa dugað eitt glas.Árni Björnsson bryti og óþekktur þjóðverji

                                                                                                  © Bjarni Halldórsson

Þeir fóru "austur fyrir Járntjald" í fystu ferðum Rangár Hér eru stimplar úr vegabréfi Bjarna Halldórs fv skipstjóra frá"Járntjaldslöndunum.1 Leningrad 2+3 Riga 4+5 Ventspils 6 Klaipeta

                                                                                                  © Peter William Robinson

Skipið var smíðað hjá Kremer Sohn í Elmshorn Þýskalandi 1962 sem: RANGÁ Fáninn var: íslenskur Það mældist: 499.0 ts, 1666.0 dwt. Loa: 66.50. m, brd 10.20. m Skipið  gekk undir þessum nöfnum: 1974 JOHN - 1985 EASTLAND - 1989 RANGA -1990 HIGH WIND - 1990 KOSTAS P. - 1995 PHILIPPOS K. Nafn sem það bar síðast  undir grískum fána. Eldur braust út í skipinu þ 21.07.2007 út at Perama og var svo rifið í Aliaga,Tyrklandi í ágúst.2007

                                                                                                  © Shipsmate 17
Ég sigldi  mikið með dönskum "coaster" skipstjóra, Ole Alex sem fullyrti að John væri það besta skip sem hann hefði stjórnað.En hann var með Rangá I undir því nafni

                                                                                                  © T Diedrich

Á þessu skipi held ég að hinn kunni og duglegi athafnamaður Guðmundur Ásgeirsson hafi byrjað sína farmennsku sem yfirmaður

Hér sem John


                                                                                                  © Bent Rune


                                                                                                                         © Rick Cox

                                                                                            © Rick Cox

                                                                                                  © Peter William Robinson

Hér sem PHILIPPOS K

                                                                                                      © Phil English