Fragtskip Óla Ragg
Gamlar og nýjar myndir af flutningaskipum og öðrum skipum.


Færslur: 2012 Júlí

17.07.2012 22:29

Ber er hver að baki

Ber er hver að baki, nema sér bróður eigi stendur einhverstaðar. Og þetta má svo sannarlega segja um minn góða vin Tryggva Sig. Það er engin með beran afturenda sem á hann sem vin. Hann vissi að bíllinn minn er nú um stundir bara nothæfur á jafnsléttu svo ég komst ekki út á hraun til að mynda Saga Ruby svo vinurinn fékk bara lánaða "tuðru" og myndaði gripin "seaside" Og hér eru myndirnar. Gerið svo vel og njótið.Tryggi minn ég þakka þér innilega fyrir

Saga Ruby

                                                                                         © Tryggvi Sigurðsson


                                                                                          © Tryggvi Sigurðsson


                                                                                          © Tryggvi Sigurðsson


                                                © Tryggvi Sigurðsson


                                                                                                    © Tryggvi Sigurðsson

17.07.2012 16:40

Saga Ruby

Þetta skip er statt á ytrihöfninni hér í Vestmannaeyjum. Þetta er stórmerkilegt skip. En það er síðasta farþegaskip sem byggt var á Englandi. Það skeði 1973. Og ef ég er ekki að bulla þess meir þá sigldi það fyrstu árin undir nafninu Vistafjord og norskum fána milli Osló og New York.

SAGA RUBY


                                                                                          © Gena Anfimov

Skipið var byggt hjá Swan Hunter í Wallsend Englandi 1973 sem Vistafjord Fáninn var norskur  Það mældist: 24292.0 ts, 5954.0 dwt. Loa: 191.10. m, brd: 25.10. m Skipið hefur gengið undir þessum nöfnum:  1999 CARONIA - 2004 SAGA RUBY   Nafn sem það ber í dag undir Möltufána

SAGA RUBY


                                                                                          © Gena Anfimov
En þetta glæsilega skip er nú á leið í "pottana" En í frétt frá útgerðinni segir að skipið fari í sína síðustu ferð þann sjöunda desember 2013 sem verður Caribbean cruise með brottför fyrrgreinda dagsetningu frá Southampton Skipið mun hafa  siglt yfir fjórar milljón sjómílna á þessum tæpum 40 árum.




                                                                                          © Gena Anfimov


                                                                                          © Gena Anfimov

17.07.2012 12:06

MSC Flaminia III

Hér er MSC Flaminia að brenna á Atlantshafi. Eldsvoðinn hefur nú kostað tvo menn lífið og þrjá á spítala vegna brunasára.Eitt skil ég ekki. Skipstjóri skipsins og aðrir yfirmenn eru um borð tankskipinu  DS Crown á leiðinni til Falmouth á Englandi og koma þangað á morgun. En þetta er nú kannske svona "veit allt um þetta.Sitjandi í stól heima" dæmi.En nú er búið  að semja við tvo dráttarbáta í Lloyd's Open Form "no cure no pay"  Þeir munu væntanlega vera við hafaristan í kvöld eða í nótt


                                   Myndin frá Tradewinds ©  ókunnur

Dráttar bátarnir tveir eru þessir

FAIRMOUNT EXPEDITION



                                                                          © Hannes van Rijn

Skipið var byggt hjá Niigata SB í Niigata, Japan 2007 sem FAIRMOUNT EXPEDITION Fáninn var Panama Það mældist: 3239.0 ts, 3567.0 dwt. Loa: 75.10. m, brd: 18.10. m Skipið hefur aðeins  gengið undir þessu eina nafni en fáninn er nú hollenskur

FAIRMOUNT EXPEDITION


                                                                          © Hannes van Rijn

ANGLIAN SOVEREIGN


                                                                             © Derek Sands

Skipið var byggt hjá Yantai Raffles í Yantai 2003  sem ANGLIAN SOVEREIGN Fáninn var enskur Það mældist: 2263.0 ts, 1800.0 dwt. Loa: 67.40. m, brd: 15.50. m Skipið hefur gengið undir þessu eina nafni og fáninn er sá sami

ANGLIAN SOVEREIGN


                                                                      © Derek Sands

16.07.2012 20:37

Brielle

Þetta skip heitir Brielle. En það kviknaði í því á laugardaginn um kl 1545 LMT í höfninni í Ensenada sen liggur við La Platafljótið í Argentínu. Það tók slökkvilið og hafnardráttarbáta nokkrar klukkustundir að ná "control" yfir eldinum. Af þrettán manna áhöfn voru sex fluttir á sjúkrahús. Einn maður lést í eldsvoðanum en óvíst var hvort hann var úr áhöfn skipsins eða hafnarverkamaður Skemmdir eru ekki fullkannaðar en þær virðast miklar. Og einnig eru eldsupptök óljós. Áhöfnin samanstóð af Rússum Úkraníumönnum og Filipseyingum. Eldurinn er að verða alhættulegasta váin sem steðjar að sjómönnum nútímans

Brielle


                                                                               © Capt Ted

Skipið var byggt hjá Dongfang Shipbuilding í Yueqing, Kína sem BRIELLE 2011 Fáninn var Antigua and Barbuda  Það mældist: 7138.0 ts, 7950.0 dwt. Loa: 130.23 m, brd: 16.50. m Skipið hefur aðeins  gengið undir þessu eina nafni og fáninn er hnn sami                                                                                           
Hér að brenna

                                                                                   ©Maritime Bulletin

16.07.2012 17:49

MSC Flaminia II

Nýjustu fréttir af MSC Flaminia sem er að brenna á Atlantshafinu ( 47°52´0 N og 030°44´0 V ) eru að einn af skipverjunum fjórum sem bjargað var um borð í MSC Stella lést af völdum brunasárum sínum á leiðinni til Azoreyja. Nú hafa björgunarþyrlur þaðan náð í hina þrjá og er einn af þeim talinn í lífshættu..

Skipið við eðlilegar aðstæður

                                                                                       © Henk Guddee


Um borð voru tuttugu og fimm manns. tuttugu og þrír skipverjar og tveir farþegar ( fimm þjóðverjar, þrír pólverjar, fimmtán philipseyingar) ekki er getið um þjóðerni farþegana. Eða heldur minnst á þann skipverja sem sagður var týndur í gær. Tveir dráttarbátar með fullkomin tæki í " firefighting" eru væntanlegir annað kvöld (17 júlí) að hinu brennandi skipi Áhöfnin segir eldinn hafa komið upp í lest nr 4 : " reportedly some containers were loaded with combustible bleaching agent calcium hypochlorite" P and I klúbbur skipsins er" Swedish Club" sami klúbbur og tryggði gámaflutningaskipið Rena sem var talið  " a major loss "



                                                                                       © Henk Guddee

16.07.2012 11:44

Tank-farþegaskip

Lovely Cruise AB skipafélagið Í Svíþjóð rekur farþegaflutningabát. í skerjagarðinum utanfyrir Bohuslän . Félagið hefur unnið að hönnun á skipi sem á sumrin flytur farþega en á veturna olíu, Þá einkum jurtaolíu. Farþgarýmið verður í einingum sem svo verða teknar úr á veturna. Ég held að íslendingar ættu að fylgast með þessum rannsóknum. Við eigum hvorki almennilegt farþegaskip fyrir hringferðir með túrista eða olíuskip til að létta á flutningum á þjóðvegunum

Svona á skipið að líta út


                                                                                     Myndin úr Söfart

15.07.2012 17:44

MSC Flaminia

Í gærmorgun rúmlega 10 sendi gámaflutningaskipið MSC Flaminia út neyðarkall. Þar kom fram að áhöfnin var að yfirgefa skipið vegna sprengingar og síðan elds í lestarrými skipsins.


                                                                                                  © Maritime Bulletin

En skipið var þá 1000 sml frá næsta landi mitt á milli Englands og Canada. Falmouth Coastguard  sem móttók neyðarkallið frá skipinu fékk strax samband við olíuskipið DS Crown sem var næsta skip við það nauðstadda. Sex önnur skip melduðu sig til hjálpar en þau voru öll fjær en Ds Crown. Þegar það kom á staðinn logaði mikill eldur í MSC Flaminia. Af 25 manna áhöfn ( samanstóð af þjóðverjum,pólverjum og philipseyingum) var 24 bjargað úr björgunarbátum þar af voru fjórir slasaðir og einn vantar. MSC Stella sem einnig er komin á staðinn tók særðu mennina og mun flytja þá til Azoreyja. Engin leið var að nota björgunarþyrlur til þess var vegalengdin of mikil

MSC Flaminia



                                                                                              © Capt. Ted


Skipið var byggt hjá  Daewoo SB & ME Co í Okpo Kóreu 2001  sem  MSC FLAMINIA Fáninn var Hong Kong  Það mældist: 75590.0 ts, 85460.0 dwt. Loa: 304.00. m, brd: 40.00. m Skipið hefur aðeins gengið undir þessu eina nafni og fáninn er nú þýskur


MSC Flaminia



                                                                                                        © Capt. Ted
DS Crown


                                                                                                     © Hans Esveldt

Skipið var byggt hjá  Hyundai í Ulsan 1999 sem FRONT PRESIDENT Fáninn var Bahamas  Það mældist: 157863.0 ts, 311168.0 dwt. Loa: 334.50. m, brd: 58.00. m Skipið hefur gengið undir þessum nöfnum: 1999 FRONT CROWN 2012 DS CROWN Nafn sem það ber í dag undir sama fána

DS Crown


                                                                                       © Hans Esveldt

MSC Stella


                                                                                     © Andreas Spörri

Skipið var byggt hjá  Hyundai Samho í Samho Kóreu 2004 sem MSC STELLA  Fáninn var Panama Það mældist: 73819.0 ts, 85680.0 dwt. Loa: 303.90. m, brd: 40.0 0. m Skipið hefur aðeins gengið undir þessu eina nafni og fáninn er sá sami


MSC Stella



                                                                                                 © Andreas Spörri

Enn er ekkert farið að rannsaka þennan bruna. En athyglin beinist að brotum á flutningi á hættulegum efnum  "D
angerous goods" Þar sem cargo manifest eru fölsk. Viðbúið er að regur þar að lútandi og refsingar við brotum á þeim verði þyngdar Síðasti stórbruni í gámaflutningaskipi varð á Indlandshafi  í mars 2006 þegar bruni varð í Hyundai Fortune. Sá bruni kostaði milli 300 - 500 milljónir US $ Síðasti uppgefin staður MSC Flaminia var 47°52´0 N og 030°44´0 V En skipið var á leið frá Charleston USA til Antverpen Belgíu

Bruninn í Hyundai Fortune

                                                                            © Maritime Bulletin



                                                                            © Maritime Bulletin



                                                                            © Maritime Bulletin

14.07.2012 20:45

Hanne Catharina

Ég skrifaði áðan um systurskip þess sem ég var að fjalla um þá. En skipið hét Hanne Catharina en það var einu ári eldra en fyrrgreinda skipið eða byggt 1970. Ég sagði að þetta hefði verið eitt besta sjóskip sem ég hefði verið,á. Í því sambandi koma þrjú skipsnöfn upp í hugann Júpiter ex Gerpir, Jenlill (Sietas bygging aðeins minni en Vesturland og þeir byggt 1971) og þessi hér

Hanne Catharina

                                                                                                    © óli ragg

Skipið var byggt hjá Peters, Hugo SY í Wewelsfleth, Þýskalandi 1970 sem ANNE CATHARINA Fáninn var þýskur Það mældist: 1343.0 ts, 1438.0 dwt. Loa: 76.60. m, brd: 11.30. m Skipið hefur gengið undir þessum nöfnum: 1982 MIGNON - 1984 KATHARINA - 1987 ANNE CATHARINA - 1991 HANNE CATHARINA - 2005 SEARA Nafn sem það bar í lokin en það er komið af skrá Fáninn var Portúgal.

HANNE CATHARINA


                                                                                                    © óli ragg

Í skipinu var Anzus gírókompás. Hann var sá besti sem ég hef unnið með. Meira segja lóðsarnir í Kílarskurðinum vildu ekki handstýringu. Þeir notuðu hann eða stýrðu sjálfir. Öðru man ég eftir það voru filmurúllugardínur í miklu sólskiniu..Einnig man ég að lúgurnar virkuðu virkilega vel í þetta gömluskipi 25-6 ára þegar ég var þar.

Hér sem ANNE CATHARINA

                                                                                                    © Frode Adolfsen
Hér sem HANNE CATHARINA


                                                                                                    © Rick Cox


                                                                                               © Capt Jan Melchers

14.07.2012 20:31

Yaakob II

Það verður að bíða aðeins að ég birti seinni hlutan af Nordtramp færslunni. Ég finn ekki það sem ég hafði puntað hjá mér um dvölina þar. Og íllmögulegt bað treysta á görótt minni í gömlum haus.En hér er frétt úr "Maritime Bulletin". En fluttningaskipið Yaakob II  strandaði við eyjuna Leipsoi sem er í S- Eyjahafinu skammt fyrir N eyjuna Leros ( 37°17´0 N. og 025°58´0 A )

Einhverstaðar í hringnum varð strandið




Skipið var á leið frá Aliaga, Tyrklandi til Latakia, Sýrlandi með 1500 ts af stáli Einhver leki hefur komið að skipinu en enginn olíulegi er frá því. Engin hætta steðjar að skipshöfninni sem samanstendur af 8 egyptum. En björgun skipsins er í undirbúningi. En gríski dráttarbáturinn  er komin að havaríistanum.

Hér sem JOHANNA CATHARINA


                                                                                            © Frits Olinga-Defzijl


Skipið var byggt hjá Peters, Hugo SY í Wewelsfleth Þýskalandi 1971 sem JOHANNA CATHARINA Fáninn var þýskur  Það mældist: 499.0 ts, 1484.0 dwt. Loa: 76.60. m, brd: 12.80. m Skipið hefur gengið undir þessum nöfnum  1983 HANNA - 2001 SHERIN - 2006 SHERIN EXPRESS - 2006 KIVANC TARUS  2011 YAAKOB II Nafn sem það ber í dag undir fána Sierra leone

Hér sem SHERIN EXPRESS


                                                                                            © Ilhan Kermen
Ég var einusinni á systurskipi þessa. Og það var eitthvað það besta sjóskip sem ég hef verið á. Þjóðverjar kunna að smíða góð skið það er á hreinu. Ég segi ykkur frá því á eftir



                                                                                            © Ilhan Kermen
Megalochari X


                                                                                            © Gerolf Drebes

Skipið var byggt hjá Richard Dunston í Hessle Bretlandi sem M.S.C. UNDINE 1965 Fáninn var breskur Það mældist: 127.0 ts, Loa: 28.65. m, brd: 7,32. m Skipið hefur aðeins gengið undir tveimur nöfnum,en 1983 fékk það nafnið MEGALOCHARI X Nafn sem það ber í dag undir grískum fána . (ég hef nú grun um að nafnið á dráttarbátnum sé misritað þ.e.a.s rómverski tölustafurinn ) og átt sé við nafna hans sem ber eftirnafnið XII.

13.07.2012 13:28

Nordtramp I

1989 og fram á árið 1990 var ég á m/s Hofsjökli. Þar fór ég að reyna að hjálpa yfirvöldum í innflutning En þau vildu hreint ekki að ég væri að skifta mér af. svoleiðis löguðu. Þetta varð til þess að þá átti að "kæla"mig niður. Í framhaldi af þessu leitaði ég svo að atvinnu erlendis og starfaði síðan sem stm á sænskum og dönskum skipum í 15 ár. Fyrsta skipið sem ég "munstraði" á hét Nordtramp. Danskur tankari í eigu skipafélagsins Norden. í Kaupmannahöfn

Nordtramp


                                  Myndin keypt um borð í skipinu. © ókunnur

Skipið var byggt hjá  B&W Skibsværft í Kaupmannahöfn sem NORDTRAMP 1986 Fáninn var danskur Það mældist: 43733.0 ts, 83970.0 dwt. Loa: 228.60. m, brd: 32.30. m Skipið hefur gengið undir þessum nöfnum: 1997 LOUCAS - 2000 CARLISLE - 2004 CITIUS - 2006 ARIUS 2008 Baru  Nafn sem það ber í dag undir fána Marshall Islands


Hér sem  Baru

                                                                © tropic maritime photos, Australia

                                                          © tropic maritime photos, Australia
frh

13.07.2012 12:17

Eliza

Það hefur verið ýmis mál fyrir utan góða veðrið sem hefur verið að "þvælast" fyrir mér undanfarið svo síðan hefur verið dálítið útundan hjá mér. En höldum okkur aðeins við þá stóru. Þessa sex mánaðar dalla samanber söguna af bræðrunum

Eliza

                                                                                 © Hans Esveldt

Skipið var byggt hjá Hyundai í Ulsan Kóreu 2008 sem ELIZA Fáninn var Líbería Það mældist: 160836.0 ts, 299999.0 dwt. Loa: 333.00. m, brd: 60.00. m Skipið hefur aðeins gengið undir þessu nafni og fáninn er sá sami 

Eliza


                                                                                 © Hans Esveldt


                                                                                 © Hans Esveldt

10.07.2012 15:45

Ti Hellas

Við verðum áfram á háu nótunum og höldum okkur við "sex mánaða skipin" Hér eru fleiri myndir frá Hans Esveldt

Ti Hellas

                                                                                 © Hans Esveldt

Skipið var byggt hjá Hyundai Samho í Samho,Kóreu 2005 sem TI HELLAS  Fáninn var belgískur Það mældist: 161127.0 ts, 318934.0 dwt. Loa: 333.00. m, brd: 60.00. m Skipið hefur aðeins gengið undir þessu eina nafni og fáninn sá sami

Ti Hellas


                                                                                 © Hans Esveldt


                                                                                 © Hans Esveldt


                                                                                 © Hans Esveldt


                                                                                 © Hans Esveldt


09.07.2012 19:02

BERGE STAHL

Óðinn þór þekkti skipið sem ég  birti mynd af í gær. Ég fór á stúfana og hollenskur vinur minn Hans Esveldt skipstjóri átti myndir af ferlíkinu. Og birtast þær hér.


                                                                                               © Hans Esveldt

Skipið var byggt hjá Hyundai í Ulsan, Kóreu  sem BERGE STAHL 1986 Fáninn var norskur Það mældist: 175720.0 ts, 364767.0 dwt. Loa:343.00. m, brd: 63.50 m (Haukur ex Freyfaxi  var 61.45 m loa) Skipið hefur aðeins gengið undir þessu eina nafni og er nú undir fána Isle of Man


                                                                                               © Hans Esveldt


                                                                                               © Hans Esveldt
Ég þakka Óðni Þór kærlega fyrir ábendinguna

09.07.2012 16:34

CHIKUZEN MARU

CHIKUZEN MARU heitir hann þessi. Gaman væri að vita hve lengi maður verði að vera um borð til að hitta bróðir sinn eða þannig

CHIKUZEN MARU


                                                           ©  tropic maritime photos, Australia

Skipið var byggt hjá  Sanoyas Hishino Meisho í Mizushima, Japan 1993  sem CHIKUZEN MARU Fáninn var japanskur Það mældist: 75300.0 ts, 150842.0 dwt. Loa: 270.10. m, brd: 43.40. m Skipið hefur aðeins gengið undir þessu eina nafni og fáninn er sá sami

CHIKUZEN MARU

                                                                ©  tropic maritime photos, Australia


                                                                ©  tropic maritime photos, Australia

Íslensk farmannastétt er að deyja út. Hverju það er að kenna í megin atriðum veit ég ekki. En ég er hugsi yfir einu og það eru tengsl ungra manna við kaupskipin. Ég kom fyrst til Reykjavíkur til einhverrar lengri dvalar 1953, þegar ég byrjaði sem hjálparkokkur á Eldborginni sem þá sinnti flóaferðunum. Þá iðaði gamla höfnin af lífi Ysinn og þysinn í kring um hana er ógleymanlegur. 

Þessi mynd er nú tekin töluvert áður en ég er að skrifa um.. Gæti verið á sjómannadag eða 17 júni (1944??) allavega mikið um flögg á skipunum


Við Ægisgarð Hæringur og stærri bátar og togarar til viðgerðar. Við verbúðarbryggurnar dagróðrarbátarnir Loftbryggjuna Vestfjarðar og Vestmannaeyjaflutningabátarnir. Sprengisandur, Miðbakkinn og Austurbakkinn fullir af kaupskipum og svo togarar við Faxagarð. Þetta var mikill ævintýraheimur fyrir ungan mann. Nú kemst enginn unglingur neinstaðar að þessum skipum. Allt lok lok og læs


08.07.2012 19:52

Allt (ekki) í lagi

Þessi mynd hékk uppi í brú á flestum þeim Folmer skipum sem ég var á. Mig minnir nú að einhver á þeim skipum hafi breitt skorsteinmerkinu í F og fjölfaldað myndina svo. En F var skorsteinmerki Folmer & co


Flettingar í dag: 609
Gestir í dag: 85
Flettingar í gær: 462
Gestir í gær: 112
Samtals flettingar: 3294277
Samtals gestir: 466232
Tölur uppfærðar: 21.7.2018 17:28:28


Fragtskip Óla Ragg

Nafn:

Ólafur Ragnarsson

Farsími:

8674756

Afmælisdagur:

29-08-1938

Heimilisfang:

Eyjahraun 5. 900 Vestmannaeyjum

Heimasími:

4812209

Önnur vefsíða:

solir.blog.is

Um:

Er fæddur 1938 á Höfuðdaginn (29/8) Byrjaði ungur til sjós tæplega 15 ára 1953,Þvældist gegn um Stýrimannaskólann 1st 1963 fiskimannapróf síðan 1980 farmannapróf Starfaði síðan sem stm og skipstj á íslenskum og erlendum farskipum.

Tenglar

Leitarbox

aðeins leita á fragtskip.123.is

clockhere