Ég er farinn að rugla svo með röðinni á skipum sem báru sömu nöfn að ég sleppi því bara. Ég held þó að þessi Reykjafoss hafi verið no tvö í röðinni með það nafn. Þeir sem ég þekkti og voru á honum létu vel af skipinu. Ekki held ég að hann hafi verið í safni nýrra skipa sem ég talaði um í gær. Því hann var keyptur fjögra ára gamall frá Ítalíu 1951

Hér er hann að yfirgefa Eyjar



                                                                                       © Tryggvi Sigurðsson

Reykjafoss II er smíðaður hjá Rosi SpA í Taranto Ítalíu 1947 fyrir Acehile Lauro Napólí.Skipið sem hlaut nafnið Gemito mældist 1560 ts. 3070.dwt.Loa:89.90.m Brd 12.70.M.Eimskipafélag Íslands kaupir skipið 1951 og skírir Reykjafoss Þeir selja svo skipið 1965 til Dorikat Special Sg Co Ltd Píraeus sem skíra það Greta.1969 er skipið selt innanlands til Keanav Sg Co Piraeus og skírt Annoula.Sem svo aftur selur það 1973 til Stazomar Sg Co Ltd Limasol Cypur. Og fær nafnið Anna.Skipið er svo rifið í Bombay(Mubai)1981

Reykjafoss

                                                                 Úr mínu safni en © mér óþekktur

                                                                     Úr mínu safni en © mér óþekktur

                                                                                                                     @ Hawkey01 Shipsnostalgia

Hér sem Greta

                                                                                  © T.Diedrich

Þann 24 mars 1948 rúmlega fjögur um eftirmiðdaginn sigldi nýtt skip inn á innrihöfn Reykjavíkur. Það hét Goðafoss og var þriðja skip Eimskipafélags Íslands með þessu nafni. Til gamans má geta þess að allir yfirmenn í brú þar með talinn loftskeytamaðurinn voru ættaðir úr Dýrafirði. Myndin hér að neðan er skönnuð úr vikublaðinu Fálkanum þar sem sagt er frá komu skipsins í 3ja tbl 1948 Undir myndinni í Fálkanum stendur að mennirnir séu Haraldur Ólafsson og Eyjólfur Þorvaldsson Og ég gleypti það hrátt. En vinur minn Heiðar Kristinsson belti mér á að maðurinn til hægri sé sennilega Guðráður. Og er ég honum sammála um það. Svo svona er þetta sennilega rétt

Stýrimenn á Goðafossi Haraldur Ólafsson og Guðráður Sigurðsson  Myndin er tekin um borð í ES Fjallfoss snemma á fimmta áratugnmum


Ég hef áður velt því upp hvað félagið hefur verið  fastheldið á þetta nafn þrátt fyrir að aðeins tvö af sex skipum með þessu nafni sluppu við  alvarleg áföll. Voru kannske "goðin" reið því að vera hent í fossin á sínum tíma???

Morgunblaðið 25 apríl 1948








Ekki veit ég. En að aftur að nefndu skipi. Það slapp nú stór áfallalaust við hina oft hættulegu strönd Íslands. Og þó. Því eiginlega alveg upp á dag mánuði seinna strandaði skipið i sundunum á Ísafirði. Eða þ 23 apríl 1948. Skipið var hlaðið freðfiski síldarmöli og gærum. Tveir 100 tonna bátar voru svo notaðir til að létta skipið.Þ.e.a.s. mjöli og gærum var skipað um borð í þá. Ægir náði skipinu svo út aftur þ 25 og var það óskemmt

                                                                                                   © Sigurgeir B Halldórsson

Morgunblaðið29 apríl 1948



Svo gekk það áfallalaust þar til 24 febrúar 1961 en þá hlekkist skipinu á við Ólafsfjörð þegar það var að koma þangað. Skipið tók niðri framundan Ósbrekkusandi og festist þar Togarnir Sléttbakur og Svalbakur náðu skipinu út óskemmdu að mestu strax sama kvöld




Ef myndin prentast sæmilega þá má sjá að þetta hefur ekki litið vel út um tíma



Þessar myndir eru skannaðar úr þes tíma dagblöðum svo gæðin eru eiginlega engin

Það var nú tíðindalítið á leiðinni,Við fórum utan við Traffic Separation Zónana (aðskildar siglingarleiðir)við Ouessant og Finisterra svo við slyppum við aðaltraffikina,Littla Arven var hin sprækasta og vann strax hug og hjörtu áhafnarinnar.

Skítugur stýrimaður og fallegur hvolpur

                                                                                                      © óli ragg

Skemmtilegasti leikurinn hjá henni virtist vera að elta svampbolta sem við hentum út á gólf. Hún kom svo með boltann horfði á mann og beið þar til maður tók hann af henni og henti svo út á gólf.

Litið til veðurs

                                                                                                                © óli ragg

En svo fór hún að sýna einhver merki um að eitthvað væri að.Hún hafði alltaf minni og minni lyst á matnum og héldum við fyrst að hún væri sjóveik.En A-kul var og veltingur töluverður.

Á útkikkinu á stýrimannsvaktinni

                                                                                                                © óli ragg

Þ 19/10 um hádegi komum við til Cap Verde.Mér duttu nú flestar dauðar lýs úr höfði er ég uppgötvaði skipið sem lá fyrir framan okkur við bryggjuna.Var þar ekki kominn "gamall kunningi"eða M/V"Maninha"sem áður hét"Esja"og var byggð á sínum tíma hjá Slippstöðinni á Akureyri.

                                                                                                                © óli ragg

Ég hafði einmitt leyst af sem stm á því skipi um tíma en þá var það undir stjórn Boga Einarssonar þess merka skipstjóra sem nú er látinn fyrir nokkrum árum.Ég hitti einn af skipverjum/vaktmann en ekki urðu samræðurnar vegna tungumála erfiðleika."Cap Verdi verri god best shipp"sagði hann

                                                                                                                © óli ragg

                                                                                                                © óli ragg

Eftir vatn og olíutöku var lagt af stað aftur,Sama A kulið og sami veltingurinn var.Allt gekk að óskum nema okkur virtist alltaf draga af  litlu Arven.Lystin virtist alltaf fara þverrandi.Andreas reyndi eins og hann gat til að fá hana til að borða en allt kom fyrir ekki..Og boltinn var ekkert skemmtilegur lengur.

Andreas reyndi eins og hann gat

                                                                                                                © óli ragg

                                                                                                    © óli ragg  

Og einnig kokkurinn en allt kom fyrir ekki

                                                                                                © óli ragg  

Svo var það um morguninn þ 27/10  að ég kom uppí brú um  lá svartur plastpoki með einhverju í á gólfinu og þegar ég þreifaði á honum fékk ég grun minn staðfestan,Litla Arvin var dáin

                                                                                                                                                                                                       © óli ragg  

Það er ótrúlegt að sjá glitta tár í augum sumra þessara drenga sem telja sig "very cool" svona dagsdaglega yfir litlum hvolpi. En svona er það nú..Menn voru miklu hljóðari það sem eftir lifði ferðar til Falklandseyja

Green Crystal  fór héðan í dag . Ég náði honum á útleiðinni. Og hér er árangurinn



                                                                                                                © óli ragg



                                                                                                                © óli ragg

Enn og aftur er gámaskip að brenna nú er það þetta skip Amsterdam Bridge


                                                                                     ©  Andreas Schlatterer

Skipið var byggt hjá Daewoo SB & ME Co í  Okpo Kóreu 2009  sem AMSTERDAM BRIDGE  Fáninn var Antigua and Barbuda Það mældist: 42112.0 ts, 54405.0 dwt. Loa: 260.32. m, brd: 32.20. m Skipið hefur enn sama nafn og fána

                                                                                     ©  Andreas Schlatterer

Hér er slóð á nánari fréttum af atburðinum
http://www.odin.tc/2012/abridge.asp

GREEN CRYSTAL var hér í dag að lesta frosið



                                                                                                     © óli ragg

Skipið var byggt hjá Hollming í  Rauma, Finnlandi (skrokkur) fullbyggður Kværner Kleven, Leirvik Noregi sem CARMENCITA.  Fáninn var norskur Það mældist: 5084.0 ts, 6000.0 dwt. Loa: 109.00. m, brd: 18.00. m Skipið hefur aðeins gengið tveimur nöfnum  En 1998 fékk það nafnið GREEN CRYSTAL  Nafn sem það ber í dag undir fána Bahamas

                                                                                                     © óli ragg

                                                                                                     © óli ragg

                                                                                                     © óli ragg

                                                                                                     © óli ragg

                                                                                                     © óli ragg

Mig langar til að bregða aðeins út af vananum og byrja að segja ykkur nokkuð langa ferðasögu í sem styðstu máli .Ég kem til að "tutla" þetta frá mér í nokkrum færslum. Þarf t.d að finna myndir sem passa o.sv. fr. Ég sigldi nokkur ár hjá danskri útgerð H.Folmer í Kaupmannahöfn.

Glasgow

Þessi ferð byrjaði í endaðan september á því herrans ári 2003 Ég var í fríi heima í Svíþjóð. Hafði eiginlega verið undir læknisheldi ( höndum réttara sagt á gullfallegri konu á tvíræðum aldri sem var heimilislæknir minn. Ég kem aftur að henni seinna) um tíma vegna mikils bakflæðis sem ég gat haldið í skefjun með pillum þegar þarna var komið sögu. Læknirinn var að leita að sjúkrahúsi þar sem hún gæti komið mér í speglun. Þá var hringt  frá útgerðinni og ég beðinn að fara hið snarasta til Glasgow  og þar um borð í m/s"Marianne Danica"

Marianne Danica

                                                                                                   © Jochen Wegener

Skipstjóri þar var góður vinur minn færeyjingur að nafni Andreas Krossá. Af því að hann bað sérstaklega um mig þá hafði ég strax samband við læknirinn minn sem sagðist geta frestað fyrirhugaðri aðgerð og gert mig út með pillum og lyfseðlum. Þegar til Glasgow kom var skipið að losa "Greenheart lumber" ( trjátegund sem aðeins vex í Guyana og í Belize og er það þung að hún sekkur og er aðallega notuð í undirstöður undir járnbrautarteina og í bryggur sem mikill núningur er við) frá Georgtown  í  Guyana Þaðan var svo ferðinni heitið til Shoreham.

Shoreham

En þar áttum við að lesta stykkjavöru (General Cargo) til Port Stanley á Falklandseyjum.Við komum svo til Shoreham þ 03-10 og komum þá beint í helgi

                                                                                                © Will Wejster

 En að skipinu Þaðð var byggt hjá Saksköbing M&S Saksköbing Danmörk 1993 sem MARIANNE DANICA  Fáninn var danskur (DIS) Það mældist: 1409.0 ts, 2200.0 dwt. Loa: 71.80. m, brd: 11.70. m Skipið hefur aðeins gengið undir þessu eina nafni og fáninn er sá sami

                                                                                                           © Will Wejster

Daginn sem við komum kom "agentinn"að sjálfsögðu um borð.Hann sagði okkur að það væri vaninn að skipin sem færu þarna niðureftir tækju yfirleitt eitthvað af"gæludýrum"með t.d, hunda og ketti.Þetta kæmi í staðin fyrir einangrun á dýrunum er komið væri á áfangastað.En núna væri bara búið að panta fyrir eitt dýr og væri það hvolpur,sem myndi koma um borð á mánudag.

Andreas byrjaði strax að byggja


                                                                                                           © óli ragg

Nú á mánudag var svo komið með hvolpinn litla tík sem kölluð var"Arven"Skipperinn afgirti strax  rými fyrir hana á sinn hvorum brúarvængnum.

Andreas og Arven

                                                                                                           © óli ragg





                                                                                                           © óli ragg

Og byrjuðum að lesta þ.06.Við vorum svo 5 daga að lesta,Í fyrstu var ég mjög ósáttur við aðferðina.En brettum var kasserað og troðið faktíst í hverja rifu.En svokallaður "Supercargo" (hleðslustjóri) fullvissaði mig um að þetta væri vaninn við lestun til Falklandseyja

"Supercargóinn" í Shoreham

                                                             © óli ragg
Lestun í Shoreham

                                                                                                           © óli ragg

                                                                                                           © óli ragg

                                                                                                           © óli ragg


                                                                                                           © óli ragg



Við losunina þar komst ég svo að raun um að það reyndist rétt Við lestunina varð maður þess var að Bretunum var alls ekki um þessa flutninga sem eru mikið niðurgreiddir af breska ríkinu.En á Falklandseyjum búa um 2000 manns,fyrir utan um 2000 manna herliðs sem er á eyjunni. En herinn sér sjálfur um sína flutninga þangað.

Að verða tilbúnir til brottfarar

                                                                                                           © óli ragg

                                                                                                           © óli ragg


                                                                                                           © óli ragg

En vörur kosta það sama úr búð á eyjunum og í Englandi.En þetta var síðasta lestun í Englandi fyrir jól. Svo að við vorum kallaðir "Jólaskipið" Við lögðum svo af stað frá Shoreham þ 10-10.áleiðis tl Cap Verde eyja en þar áttum við að taka olíu,

Goðafoss hét hann í íslenskri eigu.Og hann var þriðji í röðinni með þessu nafni hjá Eimskipafélag Íslands. Mér finnst satt að segja að það nafn hafi ekki verið happasælt hjá félaginu . Af sex skipum sem hafa borið nafnið hafa aðeins tvö sloppið við stórhavarí. Þessi og sá nr fimm.Og nú meina ég undir íslenska nafninu En endalokin má sjá hér neðar  Ég vona að ég verði leiðréttur sé ég að bulla


                                                                            © Handels- og Søfartsmuseets.dk
Hér er hann kominn á flot



                                                                            © Handels- og Søfartsmuseets.dk

Skipið var byggt hjá Burmeister & Wain í Kaupmannahöfn sem Goðafoss Fáninn var íslenskur Það mældist: 2905.0 ts, 2675.0 dwt. Loa: 94.70. m, brd: 14.10. m Skipið hefur gengið undir þessum nöfnum: 1968 ARIMATHIAN - 190 KRIOS Nafn sem það bar síðast,þá undir grískum fána. Endalokin urðu þau að skipinu hvolfdi á 02°17´0 N - 029°.55´0 V  24-01-1971 á leiðinni frá Montevideo til Piraeus,með frosið kjöt og lifandi kindur

Goðafoss hér sennilega við strönd Svíþjóðar

                                                                     © söhistoriska museum se




                                                                         © söhistoriska museum se

                                                                     © söhistoriska museum se


Hér í Vestmannaeyjum að lesta fisk

                                                                                                © Torfi Haraldsson

Dettifoss hét hann í íslenskri eigu

Hér í smíðum


                                © Handels- og Søfartsmuseets.dk

Dettifoss II var smíðaður hjá Burmeister & Wain Copebhagen Danmark 1949 fyrir Eimskipafélag Íslands. Það mældist:2918 ts 2700 dwt.Loa:94,6 m brd 14.1.m.Eimskip selur það1969 til Philipseyja (C.A Gothong) og það fær nafnið Don Sulpicio.1976 fær það nafnið Don Carlos Gothong.Skipinu hlekkist á og hvolfir við höfnina í Cebu á Philipseyjum 1978

Hér við sjósetningu


                                                                                  © Handels- og Søfartsmuseets.dk

Hér í smíðum


                                                           ©  Handels- og Søfartsmuseets.dk
Í Vestmannaeyjum

                                                                                        © Tryggvi Sigurðsson
Ímyndið ykkur hvað mikil breiting varð á öllum utanlandssiglingum íslendinga með tilkomu þessara skipa Og þeirra sem fylgdu í kjölfar þerra þarna á árunum fyrst eftir stríð (WW2) Þetta voru feikna öflug skipð 

Fyrir utan Svíþjóð


                                                                                  © söhistoriska museum se


                                                                                  © söhistoriska museum se
Hér í Kotka með rússabíla á tvö lúgunni



                                                                                        © Gunnar S Steingrímsson

Gunnar S Steingrímsson  yfirhafnarvörður á Sauðárkrók sendi mér þessar skemmtilegu myndir hér að neðan í fyrra Og ef ég er ekki að bulla þess meir held ég að strákurinn þarna lengst til h í neðri röð sé annar af skipstjórum þess skips sem ber Dettifoss nafnið í dag

Það er sem betur fer sjaldgæft að sjómenn myrði skipfélaga sína. En þó kemur það fyrir. Um daginn lést 30 ára gamall maður frá Quebec City, sem var skipverji á kanadiska flutningaskipinu UMIAVUT. Þetta andlát er nú meðhöndlað sem morð
The RCMP Major Crimes Unit ( Einhver Kanadísk yfirvöld) rannsaka nú atvikið sem slíkt. En enginn hefur verið handtekinn enn í sambandi við málið. En skipininu sem var við atburðinn statt út af strönd Labrador hefur verið snúið til Montreal.

UMIAVUT að koma í Kiel kanal


                                                                                                    © Arne Jürgens

Skipið var byggt hjá  Miho SY í  Shimizu, Japan 1988  sem : KAPITAN SILIN Fáninn var rússneskur Það mældist: 6030.0 ts, 9587.0 dwt. Loa: 113.10. m, brd: 19.20. m Skipið hefur gengið undir þessum nöfnum: 1992 LINDENGRACHT - 2000 UMIAVUT  Nafn sem það ber í dag undir fána Kanada

Komin í kanalinn

                                                                                                    © Arne Jürgens
Hér í Split Króatíu

                                                                                                    © Sinisa Aljinovic  

                                                                                                    © Sinisa Aljinovic  

                                                                                                    © Sinisa Aljinovic 
Hér í Kíel kanal

                                                                                                    © Arne Jürgens

Það er stundum sagt að fall sé fararheill við skulum bara vona að svo sé i tilfelli þessa pena "coaster" Huelin Dispatch En skipið strandaði í gær um 1900 utc á skeri 1.5 sml SW af eyjunni Alderney í Channel Islands klasanum í English Channel. Skipið var í jómfrúarferðinni frá  Southampton til Jersey Guensey. Gat kom á skut skipsins. Skipið var svo dregið af skerinu eftir stutta stund. Gatið var  þétt síðan var skipinu siglt til Falmouth, þar sem það verður tekið í drydock

Hér í smíðum


                                                                                 © Marcel & Ruud Coster

Skipið var byggt hjá Damen Shipyard í Bergum, Hollandi 2012 sem HUELIN DISPATCH Fáninn var írskur  Það mældist: 0 ts, 0 dwt. Loa: 89.0. m, brd: 12.0. m

Hér í smíðum

                                                                                 © Marcel & Ruud Coster

Hér fullbúinn

                                                                                 © Frits Olinga-Defzijl

                                                                                                © Frits Olinga-Defzjil

Hér við strandstað

                                                                             © Maritime Bulletin

Ég þreytist seint á að lýsa aðdáun minni á þeim sem sigldu þessu litla skipi vestur um haf á sínum tíma. Sérstaklega á tímum WW2. Og hugsa sér að Churchill kenndi honum jafnvel um  hve orustan um Atlandshafið drægist mikið á langinn Hann er sennilega eina íslenska kaupskipið sem hefur raskað ró ráðamanna annara landa.Hann bar ýmis gælunöfn t.d. "Selló" "Selurinn " og jafnvel "blessaður svanurinn"

Hér sem VILLEMOES


                                                                                           Úr safni mínu © ókunnur

Skipið var byggt hjá Porsgrunds MV í Porsgrund Noregi 1914 sem VILLEMOES Fáninn var danskur Það mældist: 627.0 ts, 775.0 dwt. Loa: 61.60. m, brd: 9.80. m Skipið hefur gekk aðeins undir tveim nöfnum En íslenska Landsstjórnin hafði keypt skipið 1917 seldi Eimskipafélagi Íslands það 1928 og fékk það þá nafnið SELFOSS Nafn sem það bar að síðustu undir íslenskum fána En það var rifið í Ghent í Belgíu í febrúar 1956. Mig minnir að selfoss hafi verið síðasta kolakynta skip íslenska flotans

Hér sem VILLEMOES


                                                                     © Handels- og Søfartsmuseets.dk
Þetta skip komst allra sinna ferða með fólk og farm sama á hverju gekk. Öldur N Atlandshafsins heimstyrjaldir (hann tók þátt í 2) ekkert raskaði ró hans. Hann sullaðist þetta um á sínum 7-8 mílum.

Hér sem Selfoss

                                                             Úr safni mínu © ókunnur

                                                                                               © söhistoriska museum se

                                                                              Úr safni mínu © ókunnur

                                                                                     Úr safni mínu © ókunnur

                                                                                                    Úr safni mínu © ókunnur 

Þessi mynd er sennilega  tekin á Dalvík

                                                                                                                          © Þráinn Hjartarson.

Skógafoss hét hann  í íslenskri eigu

Skógafoss

                                                                                            Úr mínu safni © ókunnur

Skipið var byggt hjá Aalborg Værft í Aalborg 1965 sem SKÓGAFOSS Fáninn var íslenskur Það mældist: 2435.0 ts, 3880.0 dwt. Loa: 95.60. m, brd: 13.70. m Skipið hefur gengið undir þessum nöfnum: 1980 LEFKAS - 1988 ST.NICHOLAS - 1988 DANUBE - 1989 MERCS KUMAN  Nafn sem það bar síðast en það var rifið  á Indlandi í okt 2001

Skógafoss

                                                                                            Úr mínu safni © ókunnur

                                                                                             © photoship

                                                                                             © photoship

                                                      © DON TEODORO DIEDRICH GONZALEZ

                                                                                  © photoship

                                                                               Úr mínu safni © ókunnur

Skipið var byggt hjá Kalmar Varv í Kalmar Svíþjóð 1947 sem FOLDIN Fáninn var íslenskur Það mældist: 621.0 ts, ??? dwt. Loa: 51.80. m, brd: 8.80. m Skipið gekk aðeins undir tveimum nöfnum Það fékk nafníð Drangajökull 1953 Nafn sem það bar þegar það fórst við Stroma í Pentlandsfirði 29 júní 1960 á leið frá Antverpen til Reykjavíkur En togarinn Mount Eden A 152 bjargaði skiphöfninni

Hér sem Drangajökull

                                                                               Úr mínu safni © ókunnur

                                                                               Úr mínu safni © ókunnur

Hér að lesta tunnur í Flekkefjord 1956


                                                        © Guðlaugur Gíslason


                                                                                            © Guðlaugur Gíslason
Hér komin með farminn til Íslands


                                                                                            © Guðlaugur Gíslason


Hann gat verið svalur inn Massachusetts Bay Drangajökulsmenn að berja ís af Maðurinn til vinstri mun vera Sigurður Eyjólfsson Þekktur "Jöklamaður"

                                                                        © Guðlaugur Gíslason

Hér eru  tveir"Jöklar" staddir í New York sennilega 1955.Vatnajökull og Drangajökull Þetta er virkilega söguleg mynd  Og ímyndið ykkur að þessi litlu skip skuli hafa verið í siglingum vestur um haf jafnvel um hávetur Það væri verðugt verkefni fyrir vel rithæfan mann að skrifa bók um "vesturhafssiglingar" íslendinga á síðustu öld. Þótt ekki hafi skipin sem þær stunduðu, verið stór yfir höfuð þá held ég að þessi hafi verið með þeim minnstu

                                                                                            © Guðlaugur Gíslason

Togarinn Mount Eden A 152 sem bjargaði Drangajökulsmönnum

                                                                                                                                             
                                                                                                  © hasse nerer

Ég þakka Guðlaugi Gíslasyni kærlega fyrir lánið á myndunum