Fragtskip Óla Ragg
Gamlar og nýjar myndir af flutningaskipum og öðrum skipum.


28.01.2012 16:24

Ceres .m.m

Mig langar að taka ykkur rúm 95 ár aftur í tímann og lesa Morgunblaðið 17 Júlí 1917 þar sem segir m.a.: "Stjórnarráðið fékk í gærmorgun símskeyti frá Lydersen, skipstjóra á Ceres, þess efnis, að skipi hans hafi verið sökkt af þýzkum kafbáti. Skeytið er sent frá litlum bæ sunnarlega á Hebridueyjum kl. 11.50 í fyrradag. Segir skipstjóri að öllum farþegum og skipverjum hafi verið bjargað, nema tveim, öðrum vélameistara dönskum manni, Danielsen að nafni, og sænskum kolamokara, sem menn ekki vita nafn né deili á með vissu.

Ceres





Hvar Ceres hafi verið kafskotin, getur ekki um í skeytinu, en það mun hafa verið einhverstaðar i nánd við Hebridueyjar. Ceres var á hingað leið með salt og síldartunnur, en auk þess mun skipið hafa haft póstflutning og nokkra farþega. Vita menn um, að sendimennirnir til London, þeír feðgar Thor Jensen og Rich. Thors voru með skipinu og ngfrú Thora Friðriksson. Ennfremur hyggja menn að skipbrotsmenn þeir, sem hér eiga heima, en höfðu ráðið sig á Escondido, sem Þjóðverjar einníg hafa á samvizkunni, muni hafa verið með Ceres.








Svo koma nánari fréttir af þessu komandi daga í hinum ýmsu blöðum þess tíma : í Glasgow var skipshöfnin af »Ceres « yfirheyrð og sagði hún þá frá því á þessa leið þegar skipinu var sökkt: »Ceres« fór frá Fleetwood hinn 11. júlí og fékk nákvæm fyrirmæli um það, hvaða Ieið hún ætti að fara. Lydersen skipstjóri og stýrimaður sögðu báðir að þeirri stefnu hefði nákvæmlega verið fylgt.

Thor Jensen var einn af farþegunum




Ferðin gekk vel i tvo daga, en er skipið var komið 50° N  br. og 012° V  kom á það tundurskeyti frá kafbáti, sem eigi sázt. Varð þegar ógurleg sprenging i skipinu. Vélin stöðvaðist samstundis og þegar reykur og gufa fór að réna, var vélrúmið fullt af vatni. Annar vélstjóri, Danielsen og einn kyndari biðu bana við sprenginguna og bakborðsbátur brotnaði í spón. Það tókst að koma stjórnborðsbát á flot og einnig »jullu« og gekk skipshöfnin þar á, ásamt þremur farþegum. »Ceres« sökk á sjö minútum.


Annar farþegi var Richard Thors sonur Thor




Rétt á eftir kom kafbáturinn í ljós á stjórnborða, en þegar hann sá að skipið var sokkið fór hann í kaf aftur. Bátarnir héldu nú til lands. Skömmu síðar sáu þeir tvö svört reköld skamt frá sér og er þeir komu nær sáu þeir að þetta voru fljótandi tundurdufl. Um miðjan dag hinn 15. júli komust bátarnir báðir til þorpsins Bornich á Suðureyjum, eftir harða útivist. Einn skipverja segir frá. Farþegar á Ceres voru 3, þeir Thor Jensen, Rich. Thors og ungfrú Þóra Friðriksson.

Botnía var líka í Íslandsferðum 1917 en slapp





Nokkrir islenzkir sjómenn voru ráðnir á Ceres hér og komu 3 þeirra hingað i gær á Fálkanum. Vér náðum tali af Bjarna Jónssyni Þórðarsonar hafnsögumanns á Vesturgötu 38. Er Bjarni framúrskarandi dugnaðarlegur að sjá og líklega ekki einkisvirði að hafa með á slíkri útivist og þeir áttu, skipverjarnir og farþegarnir á Ceres, eftir að skipinu var sökt. Bjarni segir látlaust og blátt áfram frá, svo sem góðra sjómanna er siður. Klukkan var 7,15 árd. Föstudaginn 13. júlí. Ceres var {.á á að gizka 200 sjómílur norður af Írlandi.

Fálkinn líka





Skyndilega varð óttaleg sprenging, vélin stöðvaðist og annar björgunarbáturinn fór í spón, ásamt mörgu öðru á þilfarinu. Kafbáturinn sást þá hvergi, en hann kom úr kafi litlu síðar hinu megin við skipið, en hvarf aftur þegar hann sá, að skipið var að sökkva. Tveggja manna var þegar saknað og hygg ég að þeir hafi báðir farist í vélarúminu þegar sprengingin varð. Farþegar voru ekki komnir á fætur og voru þvi fáklæddir mjög.

Einnig Vesta





En það var um að gera, að hraða sér sem mest. Þóra Friðriksson komst í kjól, en Thor fensen og Rich. Thors voru vestis- og jakkalausir, er þeir hlupu í bátinn. Skipverjar, sem á verði voru, lánuðu þeim nokkuð af sinum fötum, en veður var kalt, rigning og stormur svo það gat varla farið vel um þau. Þau báru sig samt vel, en sjóveiki hafði ungfrú Þóra megna. Nú var róið og siglt. Mat höfðum við til þriggja daga og vatn nóg. Og Cognak, ef einhver skyldi veikjast. Eftir 52 stunda veru í bátunum, »julluna« höfðum við bundið aftan í lífbátinn,  komum við að landi f Bornich.

Bjarni Jónsson skipstjóri tók þátt í tveimur heimstyrjöldum




Var oss tekið þar mjög vel af Bretum og þegar símað eftir skipi til þess að flytja okkur til Skotlands. í Glasgow vorum við í 10 daga, en fórum svo frá Newcastle til Noregs. Skipverjar og farþegar misstu alt, sem þeir höfðu meðferðis. En það var hreinasta undur, að ekkí skyldu fleiri menn farast, því kafbáturinn gaf oss engan frest til þess að forða oss

Bjarni stýrði þessum tveimur skipum í þeirri seinn

Mikið með þennan Dettifoss




Með þennan sem fastur skipstjóri eftir 1942 -1948 Lagarfoss



Svo með þennan Tröllafoss frá 1948 þar til hann hætti sjómennsku 1953



Það dylst engum sem til Bjarna þekktu að það hefur munað um hann við róðurinn í júlí 1917. Sem líka er íað að í grein hér á undan. Að ég birti ekki mynd af þriðja farþeganum er út af því ég fann enga mynd af henni. En Þóra Friðsiklsdóttir rithöfundur og kennari  var þekkt kona þess tíma Íslands
Flettingar í dag: 827
Gestir í dag: 73
Flettingar í gær: 628
Gestir í gær: 105
Samtals flettingar: 3338641
Samtals gestir: 472571
Tölur uppfærðar: 19.9.2018 15:58:51


Fragtskip Óla Ragg

Nafn:

Ólafur Ragnarsson

Farsími:

8674756

Afmælisdagur:

29-08-1938

Heimilisfang:

Eyjahraun 5. 900 Vestmannaeyjum

Heimasími:

4812209

Önnur vefsíða:

solir.blog.is

Um:

Er fæddur 1938 á Höfuðdaginn (29/8) Byrjaði ungur til sjós tæplega 15 ára 1953,Þvældist gegn um Stýrimannaskólann 1st 1963 fiskimannapróf síðan 1980 farmannapróf Starfaði síðan sem stm og skipstj á íslenskum og erlendum farskipum.

Tenglar

Leitarbox

aðeins leita á fragtskip.123.is

clockhere