Fragtskip Óla Ragg
Gamlar og nýjar myndir af flutningaskipum og öðrum skipum.


07.05.2018 05:16

Fyrir 70 árum


  


Þann 29 janúar 1948 flugu 21 maður og þann 31 jan 8 menn til New York og svo þaðan til  San Francisco til að sækja nýkeypt flutningaskip "Coastal Courser." Sem eftir afhendingu til Eimskipafélagsins fékk nafnið Tröllafoss

Skip sömu gerðar og Tröllafoss


Meðal annara voru í hópnum Bjarni Jónsson tivonandi skipstjóri Eymundur Magnússon fyrsti stm. Stefán Dagfinnsson annar stm  Eiríkur Ólafsson.þriðji stm Jón Aðalsteinn Sveinsson fyrsti vélstjóri Ágúst Jónsson annar vélstj. Einar Sigurjónsson þriðji vélstj. Sigurður Hallgrímsson fjórði vélstj. og Einar Benediktson loftskeytamaður. Þessi fyrsta skipshöfn samanstóð af 29 mönnum aðallega  starfsmönnum Eimskipafélagsins sem náðist í  í fljótu bragði.

Mynd sem birtist í Alþýðublaðinu fyrsta apríl 1948 og sýnir Tröllafoss sigla inn í Höfnina í Havana á Kúbu



 Sama mynd en þessi mun hanga eða hékk á vegg hafnarskrifstofunnar í Havana Kúbu

                                                                                                               © Mynd úr safni Björgvins S Vilhjálmssonar

En þegar skipið var virkilerga komið í drift var áhöfnin 33-35 menn  Skipið var afhent 2 febrúar 1948 í San Francisco. Það lestaði þar en sigldi svo þaðan með farminn til Guyaman í Mexico. Þar lestaði skipið hrísgrjónafarn sem það sigldi með gegn um Panamaskurð til  Havana á Cúbu. 

Þetta kort birtist í Alþýðublaðinu fyrsta apríl 1948 En þá lá skipið og losaði í Havana og sykurfarmurinn til Baltimore ekki komin til



Þar dvaldi skipið í hálfan mánuð við losun og svo lestun á sykri  Þann farm fór skipið með til Baltimore.

Þessi mynd af áhöfn skipsins ásamt einhverjum gestum gæti verið tekin þegar E.Í hafði fengið full yfirráð yfir skipinu En einhvern tíma heyrði ég aðþað hefði þurft að sigla fyrir fyrri eigendur einhverjar ferðir áður en það skeði Þarna er talað um jómfrúarferð og myndin dagsett 23 apríl 1948

                                                                                                                                     © Mynd úr safni Björgvins S Vilhjálmssonar
                                                                                                                     © Mynd úr safni Björgvins S Vilhjálmssonar
Eftir losun þar var haldið til New York þar sem lestuð var general cargo til Íslands. Til Reykjavíkur var svo komið 8 maí 1948. Eftir ellefu daga siglingu frá New York kom skipið til Reykjavíkur.Hafði þá siglt 8750 sml frá San Francisco verið 50 daga á sjó og 30 daga í höfnum




Og þann 8 maí 1948 renndi hið nýkeypt skip sér á ytrihöfnina í Reykjavík eftir 80 daga ferð frá upphaflegum brottfararstað San Franisco. Þetta var TRÖLLAFOSS hingað keyptur af Eimskipafélagi Íslands.Það hefði sennilega verið hægt að skrifa heila bók um það ferðalag.Ef ráð hefði verið í tíma tekið


Hann þótti mikið skip


                                                                             Úr mínum fórum © ókunnur

Skipið var byggt hjá  Consolidated Steel Corp í  Wilmington CA í USA 1945 sem: COASTAL COURSER  Fáninn var: USA  Það mældist: 3805.0 ts, 5032.0 dwt. Loa: 103.20. m, brd 15.20. m Skipið hefur gengið undir þessum nöfnum: 1948 TRÖLLAFOSS - 1964 SEOUL Nafn sem það bar síðast undir fána Líberíu En 29-08-1973 lá skipið við akkeri á ytri höfn Inchon í Kóreu. Skall á rok skipið fór að draga akkerið og rak úu úr því á land. Var það rifið á staðnum

Fyrsti íslenski skipstjóri á skipinu var Bjarni Jónsson 1948-1953


 Bjarni Jónsson (1889-1974)


Með Jón Aðalstein Sveinsson sem yfirvélstjóra

Jón Aðalstein Sveinsson (1894-1958)
Eigum við aðeins að líta nánar á yfirmenn á Tröllafossi sem voru á skipinu í fyrstu ferð allavega Allir urðu þessir menn æðstu yfirmenn í brú og vél á skipum E.Í seinna Í brú var þar fremstur í flokki eftir Bjarna Eymundur Magnússon 1 stýrimaður
Eymundur Magnússon (1893 - 1977) Ferill hjá E.Í 1918-1959



Eymundur tók við Tröllafossi af Bjarna 1952 Eftir að hafa verið með Selfoss I sem var fyrsta skipið sem Eymundur stjórnaði sem fastur skipstjóri hjá E.I og Reykjafoss II Uppúr 1950 fór "mccartyisminn" að vaxa fiskur um hrygg 
SELFOSS I var fyrsta skip Eymundar sem fastur skipstj hjá E.Í.


                                                                                                       Mynd úr mínum fórum © Ókunnur 

Og komúnistahræðslan að heltaka bandaríkjamenn Þeir sáu þá í hverju horni. Nokkrir vinstrisinnaðir farmenn fengu ekki að sigla til USA. Einn þeirra var Eymundur Magnússon.  Eymundur mun hafa sagt við Mc Carthy erindrekana sem yfirheyrðu hann:"Ég hef siglt tvær heimstyrjaldir til Bandaríkjanna og var mér tjáð að ég væri að sigla til þess ríkis.þar sem lýðræði sé í hásæti og Bandaríkin  séu og eigi að vera öðrum þjóðum þar fremri. Með þessu tel ég mig vera búinn að svara spurningum ykkar" En öðlingurinn Eymundur var að láta í minni pokann.
Annar stýrimaður á Tröllafossi við komuna var Stefán Dagfinnsson
Stefán Dagfinnsson (1895-1959) Ferill hjá E.I 1919-1959


Fyrsta skip Stefáns sem fastur skipstj.hjá E.Í var Brúarfoss I
BRÚARFOSS I

                                                     © Coll. R.Cox Sea the ships
III stm á Tröllafossi var Eiríkur Ólafsson
Eiríkur Ólafsson (1916-1975) Ferill hjá E.Í 1941-1964


Fyrsta skip Eiríks sem fastur skipstj. hjá E.Í var Mánafoss I
Mánafoss I


                                                                                                                                    © Guðjón V

Svo eru það vélstjórarnir Annar vélstj var Ágúst Jónsson

Ágúst Jónsson ( 1901-1976) Ferill hjá E.Í 1926-1967


Ágúst varð seinna yfirvélstjóri á skipum E.Í
III Vélstjóri var Einar Sigurjónsson
Einar Sigurjónsson (1910-1961) ferill hjá E.Í 1941-1961


Einar varð seinna yfirvélstjóri á ýmsum skipum E.Í
IV vélstjóri var Sigurður Hallgrímsson
Sigurður Hallgrímsson (1921-2003) Ferill hjá E.Í. 1945-1950


Sigurðu átti ekki langan feril hjá E.Í
Loftskeytamaður var Einar Benediktsson
Einar Benediktsson (1900-1953) Ferill hjá E.Í 1928-1953


Einar var loftskeytamaður á ýmsum skipum E.Í Lengst af á Lagarfossi I og Tröllafossi

Mikill velunnari síðunnar Björgvin S Vilhjálmsson sendi mér þessar myndir á sínum tíma

Og kan ég honum mínar kærustu þakkir fyrir þær.

Þarna mun "Tröllið" vera í New York. Það má geta þess að í þeirri höfn var hann í nokkur skifti kosið snyrtilegasta skipið í höfninni


                                                                                                                     
  © Björgvin S Vilhjálmsso 

Þarna er það í Hamborg

                                                                                                                                 © Björgvin S Vilhjálmsson

Hann var að vísu tæpum 4 metrun styttri en Gullfoss



                                                                                                        © photoship
En hann tók mestallan Miðbakkan                 



                                                                                                        Úr mínum fórum © ókunnur
Hann gat verið napur á Vesturslóðum


                                                                                     Úr safni Hlöðvers  Kristjánssona © ókunnur

TRÖLLAFOSS

                                                                                                                               Úr mínum fórum © ókunnur

Síðan tóku við áætlunarsiglingar til New York um árabil. Störf á Tröllafossi voru eftirsótt og þangað réðust úrvalsmenn á öllum sviðum. Skipshöfnin vann til ýmissa verðlauna varð t.d þriðja í alþjóðlegi róðarkeppni þar 1953 sem stórar siglingaþjóðir eins og t.d Bretar Ítalir Grikkir töldu sig ekki eiga möguleika á sigri og tóku því ekki þátt. 

Róðrasveitin fræga ásamt þáverandi skipstjóra Agli Þorgilssyni



Norðmenn sigruðu, bandríkjamenn nr tvö. Í umsögn u þessa keppni segir m.a.:"Þetta er ekki í eina skiptið sem íslensku skipin og íslenskir sjómenn gera garðinn frægan í höfninni í New York . Tröllafoss vekur jafnan eftirtekt þeirra sem erindi eiga í höfninni þar sem hann liggur venjulega. 

Tröllafoss menn í heimsókn hjá SÞ 1952




Sérstaklega er rómað hve skipinu er vel við haldið í alla staði. Það er almennt mál þeirra sem til þekkja að Tröllafoss sé með hreinni og best við höldnu skipum sem koma til New York að staðaldri""

Þeir unnu  Reykjafoss í knattspyrnukeppni um Sjóklæðagerðar bikarinn  1952







Þeir þóttu slyngir í knattskyrnu Tröllafossmenn sem og í kappróðri



Og höfðu gaman af Jazz



Flestar mydirnar sem fylga eru úr safni Hlöðvers heitins Kristjánssonar Ravélavirkja og birta með leyfi ekkju hans Kristjönu Ester Jónsdóttir
Kappróður á Sjómannadaginn 1955 em TRÖLLAFOSS menn unnu.
                                                                                       Mynd úr safni Sjómannadagsráðs © óþekktur

                                                                                               Mynd úr safni Sjómannadagsráðs © óþekktur

Myndin hér að neðan er skönnuð úr Endurminningabók Jóns Steingrímssonar skipstj."Kolakláfar og Kafbátar" ef menn áttuðu sig kannske meira á ofangreindum mönnum

Mynd skönnuð úr "Kolakláfar og Kafbátar" © óþekktur


Gamli góði TRÖLLAFOSS


                                                                        © Peter William Robinson
Fastráðnir skipstjórar á Tröllafossi eftir að öðlimgurinn Eymundur Magnússon var hrakinn úr því
starfi tel ég hafa verið þessir menn

Egill Þorgilsson 1953-1961

Egill Þorgilsson(1895-1980)

Óskar Sigurgeirsson1961-1962

Óskar Sigurgeirsson (1902-1978)

Guðráður Sigurðsson 1962-1964

Guðráður Sigursson (1911-1994)


Flettingar í dag: 4337
Gestir í dag: 102
Flettingar í gær: 1141
Gestir í gær: 101
Samtals flettingar: 3422914
Samtals gestir: 478670
Tölur uppfærðar: 15.11.2018 20:24:30


Fragtskip Óla Ragg

Nafn:

Ólafur Ragnarsson

Farsími:

8674756

Afmælisdagur:

29-08-1938

Heimilisfang:

Eyjahraun 5. 900 Vestmannaeyjum

Heimasími:

4812209

Önnur vefsíða:

solir.blog.is

Um:

Er fæddur 1938 á Höfuðdaginn (29/8) Byrjaði ungur til sjós tæplega 15 ára 1953,Þvældist gegn um Stýrimannaskólann 1st 1963 fiskimannapróf síðan 1980 farmannapróf Starfaði síðan sem stm og skipstj á íslenskum og erlendum farskipum.

Tenglar

Leitarbox

aðeins leita á fragtskip.123.is

clockhere