10.06.2014 17:10

Júni 1964

Í byrjun júní 1964 gerðust hlutirnir hratt í málum íslenskra kaupskipa

Morgunblaðið þ 11-06-1964

Og Vísir sama dag Það er fært til bókar að sjónvarp fyrir áhöfn væri um borð í Hofsjökli

Hér heitir skipið SUÐRI

Þetta litla skip átti víst litríka sögu. Það var smíðaður hjá Karlstads Varv í Karlstads Svíþjóð 1954 Sem BARKEN fyrir .þarlenda aðila Hann mældist 499.0 ts 665.0 dwt Loa: 47.46,m brd: 8.20. m. 1961 fær hann nafnið NORDANFORS, 1962 PALERMO 1964 kaupir Jarlinn h/f í Reykjavík skipið og skírir JARL. Jón Franklín kaupir svo skipið 1967 og skírir það SUÐRA. 1974 selur Jón skipið til Kýpur og fær það nafnið MACORI.Það er svo rifið í landinu þar sem það var byggt eða í Ystad Svíþjóð 1976

Hér sem BARKEN Skipið hefur verið búið krana í miðjunni í byrjun

© söhistoriska museum se

Svo kom "Hoffinn" daginn eftir. Þarna sérst Einar stundum kallaður "ríki" með dóttir sinni. Tengdadóttir Einars, Guðbjörg Matthíasdóttir var að taka við nýju skipi í Tyrklandi um þessar mundir.Sem fékk nafnið Sigurður eftir eiginmanni hennar Sigurði Einarssyni sem lést langt um aldur fram 4 okt 2000 En Guðbjörg er aðaleigandi að Ísfélaginu eiganda þess

Hér heitir skipið HOFSJÖKULL

© T.Diedrich

Skipið var smíðað hjá Grangemouth DY í Grangemouth Skotlandi 1964 sem HOFSJÖKULL Fáninn var:íslenskur Það mældist: 2361.0 ts, 2860.0 dwt Loa: 89.50 m, brd 13.80. m Skipið gekk undir þessum nöfnum:1977 STUDLAFOSS - 1986 MALU - 1989 MISS XENIA - 1993 MAYA REEFER Nafn sem það bar síðast undir fána En skipið var rifið í Tyrklandi 2003

Hér heitir það STUÐLAFOSS

Tengill á færslu

Lokað fyrir álit

08.06.2014 18:11

CSCL MARS

CSCL MARS heitir þessi dreki Hann tekur um 13000 Teu

CSCL MARS

Skipið var smíðað hjá Samsung í Koje S-Kóreu 2011 sem: CSCL MARS Fáninn var:Hong Kong Það mældist: 150853.0 ts, 1554670 dwt. Loa: 366.10. m, brd 51.20. m Skipið hefur aðeins gengið undir þessu eina nafni og fáninn er sá sami

CSCL MARS

Tengill á færslu

Lokað fyrir álit

08.06.2014 17:19

POLAR NANOQ

Af því ég var að skrifa um skipin hans Valda þá mundi ég aftir þessu sem Bjarni Halldórs sendi mér fyrir nokkru En eins og fólk kannske man hét Skaftafell II einusinni POLAR NANOQ

Tengill á færslu

Lokað fyrir álit

08.06.2014 17:01

Skipin hans Valda

Gleðilega hátíð Er ekki sagt að Hvítasunnan sé haldin hátíðleg m.a.vegna þess að þá kom "andinn" yfir postulana Og þeir fóru m.a. að tala "tungum" Aldrei hefur slíkur andi komið yfir mig og aldrei hef ég talað tungum. Ef frá eru talin fáein orð í dönsku og nokkur í ensku.Enda er ég engin postuli og oftar en ekki gengið hinn breiðari veg En samt, á hátíðisdögum sem þessum situr maður oft og hugsar til liðins tíma og oftar en ekki tekur þakklætið yfirhöndina Hvítasunnu þakklæti mitt nú beinist að flutningaskipinu Helgafelli. Og Valdimar Olgeirssyni og áhöfn hans þar

Núverandi skip Valda HELGAFELL V

© Will Wejster
Og þeirra hjá Samskip Og ég vona að ég sé ekki að bulla þess meira þegar ég held því fram að fyrsta skip sem minn góði félagi Valdimar Olgeirsson stjórnaði sem fastur skipstjóri hafi verið SKAFTAFELL II. Og sennilega var það líka fyrsta skipið sem "Samskip" kaupir Það var ætlað til almennra frystiflutninga í löndum kringum Ísland og frá Íslandi. Það sinnti einnig ýmsum leiguverkefnum erlendis.Skipið sigldi undir NIS fána

SKAFTAFELL II

Úr safni Samskip © ókunnur

Skipið var smíðað hjá Örskovs í Frederikshavn 1979 sem:ICE STAR Fáninn var:danskur Það mældist: 1021.0 ts, 1778.0 dwt. Loa: 80.20. m, brd 13.30. m Skipið hefur gengið undir þessum nöfnum: 1986 POLAR NANOQ - 1991 SKAFTAFELL - 1993 QUN YING - 1997 ORIGO REEFER - 1998 FRAMNES Nafn sem það ber í dag undir NIS fána

FRAMNES

Valdi var með HVASSAFELL III 1993-1995

Skipið var byggt hjá Schulte & Bruns í Emden 1978 sem: LUHE Fáninn var:þýskur Það mældist: 2869.0 ts, 4350.0 dwt. Loa:91.10. m, brd 14.50. m Skipið hefur gengið undir þessum nöfnum: 1988 HVASSAFELL - 1995 GARDWAY - 2003 EZZAT ALLAH - 2011 ARMADA Nafn sem það ber í dag undir fána Sierra leone

Hér má lesa meir um þetta skip

Hann var með HELGAFELL IV 1999-2005 Hér heitir skipið Rio Bogota

© Cees Bustraan

Skipið var smíðað hjá Orskov Christensens í Frederikshavn Danmörk 1995 sem MAERSK EURO QUINTO Fáninn var: danskur Það mældist: 6297.0 ts, 7968.0 dwt. Loa: 121.90. m, brd 20.30. m Skipið hefur gengið undir þessum nöfnum: 1997 HEIDI B. -1997 HELGAFJELL -1998 HELGAFELL - 2005 SEABOARD RIO HAINA 2008 Rio Bogota 2009 MOHEGAN Nafn sem það ber í dag undir fána USA

Og hérna má lesa meira um skipið

Svo með Helgafell V frá 2005 Hér að koma til Eyja á góðum degi

Skipið var smíðað hjá Sietas í Neuenfelde Þýskalandi 2005 sem: HELGAFELL Fáninn var: færeyiskur ?? Það mældist: 8830.0 ts, 11138.0 dwt. Loa: 137.50. m, brd 21.60. m Skipið hefur aðeins gengið undir þessu eina nafni og fáninn sami

Og hér er höfðinginn á sínum stað

Og ekki má gleyma Magnúsi Helgasyni yfirvélstjóra sem hér er ásamt Valda á góðri stund

© óli ragg
þeir sem fylgast með síðunni vita við hvað ég á við með þessari færslu

En hér má sjá um hvað málið snýst

Tengill á færslu

Lokað fyrir álit

06.06.2014 18:59

D dagurinn

Þegar herir Breta undir stjórn Bernard Law Montgomery sigruðu heri Rommels við El Alamein í nóv 1942 sagði Churchill þetta "This is not the end. It is not even the beginning of the end. But it is, perhaps, the end of the beginning" Og kallinn reyndist sannspár að venju. El Alamein snéri kannske taflinu við í Afríku

Mynd af Netinu © óþekktur

En þjóðverjar og bandamenn þeirra höfðu megnið af Evrópu á valdi sínu Svo rann D-dagurinn upp 6 júni 1944 Innrásin í Normandí sem snért taflinu við í Evrópu Munu um 6,939 skip af öllum stærðum og gerðum hafa tekið þátt í innrásinni. Af kaupskipum, sérstaklega skip af svokallaðri "Liberty" gerð

Eitt af fyrstu Liberty skipunum PATRICK HENRY

Mynd af Netinu © óþekktur

Líkan af dæmigerðu Liberty skipi

Mynd af Netinu © óþekktur

Frá D-deginum

Mynd af Netinu © óþekktur

Blóðtaka Íslendinga var mikil í stríðinu Einhverstaðar las ég að um 230 íslendingar allt í allt hefðu farist af ófriðarvöldum í WW 2. Þegar þarna var komið sögu þ.e.a.s 6 júní 1944 höfðu þýskir kafbátar skotið 6 íslensk skip niður Þar af eitt kaupskip Heklu. 65 menn höfðu farist með þessum 6 skipum.Þjóverjar höfðu þarna ekki grandað Goðafossi og Dettifossi Skipin 6 sem ég skrifa hér um voru Reykjaborg, Pétursey,Hólmsteinn,Hekla,Jarlinn Jón Ólafsson

Frá D-deginum

Mynd af Netinu © óþekktur
Videoklipp

Tengill á færslu

Lokað fyrir álit

05.06.2014 17:14

Kínverjar stórtækir

Bjarni vinur minn Halldórs bendir mér oft á áhugavert efni Í dag var það áform kínverja um skipaskurð gegn um Nicaragua. Ég las um þetta á "gCaptain" fyrir ári en hugsaði svo ekki meir um það. Taldi þetta jafnvel loftbólu. En þetta virðist vera dauðans alvara

Svona segir "Söfartens Ledere" nr 2/2014 frá málinu

Hér fjallar "gCaptain" um málið og hérna Mail Online

Tengill á færslu

Lokað fyrir álit

03.06.2014 18:32

SHANGHAI EXPRESS

Okkur sem "heima sitjum" hér á Klakanum eigum kannske bágt með að ímynda okkur hve gígurlegir miklir flutninga fara sjóleiðina frá Austurlöndum til Evrópu á hverjum degi Hér er einn drekinn sem sinnir þeim: "SHANGHAI EXPRESS" Mörgum okkar sem sem sjáum kannske gámaskip með 14-1500 teus gámapláss finnst þau stór og göpum svo jafnvel er við sjáum þessa dreka. Þessi tekur þó AÐEINS 13000 teus

SHANGHAI EXPRESS

Skipið var smíðað hjá Hyundai Heavy Industries Co.Ltd.í Ulsan S-Kóreu 2013 sem:SHANGHAI EXPRESS Fáninn er:þýskur Það mældist: 142295 .0 ts, 142,023.dwt. Loa: 366.0. m, brd 48.0. m Skipið hefur aðeins gengið undir þessu eina nafni og fáninn er sá sami

SHANGHAI EXPRESS

Tengill á færslu

Lokað fyrir álit

02.06.2014 17:02

Holmfoss

Mikið er talað um auknar strandsiglingar hérlendis. Þá í þá átt sem Ríkisskip sinnti. Litla trú hef ég nú á þeirri "upprisu" En þessi skip með merkjum Eimskip væru kjörin ef að svo ólíklega vildi til. Ég hef séð til þessara skipa "hringsóla" í höfninni hér Eyjum. Þau virðast geta snúist á puntinum

HOLMFOSS

Smíður hjá Khersonskiy SZ Khersonskiy Úkraníu 2008 (skrokkurinn ) en síðan fullsmíðaður hjá Myklebust, Gursken í Noregi 2008 fyrir Pol Line (dótturfyrirtæki Eimskip ??) Það mældist 3538.0 ts 2500.0 dwt Loa: 81.00 m brd: 16.0 m Fáninn að sjálfsögðu: Antigua and Barbuda

HOLMFOSS

Tengill á færslu

Lokað fyrir álit

31.05.2014 14:54

Sjómannadagur

Eitt af þjóðskáldunum kvað: "Föðurland vort hálft er hafið / helgað þúsund feðra dáð./ Þangað lífsbjörg þjóðin sótti, /þar mun verða stríðið háð" Íslendingar hafa verið farmenn frá fyrstu tíð. Land okkar er eyja, skilin frá öðrum löndum af miklum höfum, og vegna þessarar legu landsins hafa sjóferðir og sjómannsstörf verið nauðsynlegur og þýðingarmikill þáttur í lífsbaráttu þjóðarinna. Hið mikla og mislynda haf var lengi vel eini vegurinn til annara landa. Sjómannastéttin er svo mikilvægur þáttur í íslensku þjóðlífi,og hefir lagt svo stóran skerf til framleiðsíu landsmanna, að það geta ekki talist neinar firrur, þó að einn dagur á ári sé helgaður henni

Öll þjóðin stendur í þakklætis skuld við þessa stétt og hún á vissulega ekki telja eftir sér að minnast hennar á þessum hátíðisdegi. Saga bernsku íslensku þjóðarinnar er jafnframt saga mikilla sæfara. Manna sem ekki létu sér allt fyrir brjósti brenna.Manna sem ekki létu hættur eða erfiðleika hindra för. Störfum íslensku sjómannanna má í höfuðatriðum skipta í tvennt.væri allt í lagi Og þótt margt sé þeim mótlægt nú um stundir Sumir þeirra vinna að því, að flytja að landinu þann varning, sem þjóðin kaupir frá öðrum löndum, og flytja framleiðsluvörur landsmanna á erlenda markaði. Aðrir, og þeir miklu fleiri, eru fiskimenn. Fyr á tlmum, þegar svo að segja öll þjóðin bjó I sveitum, var ekki til hér á landi sérstök fiskimannastétt. Þá stunduðu menn jöfnum höndum landbúnað og fiskveiðar.

Þegar ölduhæð er mikil á úthöfunum getur farið svona

Menn fóru til sjóróðra úr sveitunum á vissum árstíðum og heim aftur að lokinni vertið.Íslenskir farmenn sigldu í tugi ára undir fána sinnar eigin þjóðar. Í frumbernsku Íslenska fullveldinu báru þeir þetta unga, áður óþekkta fullveldismerki og litlu þjóðinni, sem það tilheyrði gott vitni á heimsins höfum og í erlendum höfnum En "nú er Snorrabúð stekkur" hvað þetta varðar Þingmenn núverandi og fyrrverandi ættu hreinlega að skammast sín fyrir áhugaleysi sitt gagnvart sjómönnum þessa lands.

CONVAR aus EXT11056 © Dierk Bauer

Sérstaklega þeim sem á kaupskipum starfa.Stærsti hluti skipa sem eru í siglingum til landsins eru með erlendum áhöfnum Öllum þingheim nákvæmlega sama Einn af ráðherrunum átti þátt í því í vetur ásamt skoðanabræðrum sínum á Alþingi að svifta sjómenn sjálfsagðasta rétti sínum, réttinum til að semja sjálfir um kaup sitt og kjör eins og frjálsir menn. Sjómenn ættu hreinlega að banna alþingismönnum og ráðherrum að koma í ræðustóla þennan eina dag sem þeir virðast muna eftir þeim. Og þá vantar ekki vaðalinn. "Hetjur hafsins" og bla bla Íslenski sjómaðurinn á skilið viðurkenningu frá þjóð sinni og ráðherrum hennar ekki aðeins í orði, heldur einnig á borði

Það er sárara en tárum taki að nú sé þannig komið fyrir þessari þrautseigu og duglegu þjóð að nokkrir smærri ófyrirleitnir spákaupmenn skulu hafa sogið sig fasta á velferð hennar atvinnumöguleika og aðrar undirstöður svo að það mun taka áratugi að bæta skaðan.Það eru dimm óveðurský á lofti sjómannsins.og djúp lægð á leiðinni Og ísköld skil sem fylgja henni að leggjast yfir kaupskipa sjómennina

CONVAR aus EXT10966

© Dierk Bauer

Meinsemd núdagsins liggur ekki í of góðum kjörum þeirra sem vinna erfiðustu verkin. Hún liggur ekki í kjörum sjómanna. Hvar hún liggur vita þeir sem vilja vita það. Það mætti segja mér að þeir fáu farmenn sem eftir eru séu með lægri laun en starfsbræður þeirra sem sigla undir "réttum" fánum á Norðurlöndunum

CONVAR aus EXT10965

© Dierk Bauer

Flesti gamlingar muna orð Winston Churchill þegar hann sagði:" Never in the field of human conflict was so much owed by so many to so few" Þetta má heimfæra uppá íslenska sjómenn þess tíma.Við erum sem betur fer laus við stríð allavega hér á N- slóðum nú um stundir.Hafið sjálft ströndin og eldurinn eru höfuð óvinir nútíma sjómanns.Þrátt fyrir alla nýmóðins tæki ske slysin með þessi þrjú atriði sem aðalhöfunda

CONVAR aus EXT10968

© Dierk Bauer
Ekki má halda Sjómannadaginn hátíðlegan án þess að minnast Sjómannskonnunnar. Sem ástundum beíð milli vonar og ótta eftir að heyra af afdrifum manna sinna Og gerir stundum enn: "Hún situr hljóð og horfir út /með hjartað þreytt af kvíða./ Það er svo langt - það er svo strangt / að elska, sakna og bíða/ Ekki veit ég hver orti, en þetta orti Lilja Björnsdóttir : "Að elska og sakna, að vaka og vona,/ og vinna í trausti á kærleikans mátt,/ alltaf mun sjómannsins ástríka kona/ í einrúmi leika hinn sorgbljúga þátt."

CONVAR aus EXT10964

© Dierk Bauer
Svo er bara að taka lífinu létt þennan dag og láta ekki hundleiðinlega stjórnmálamenn spilla deginum og syngja með mhttp://fragtskip.123.is/flashvideo/viewvideo/23136/ Íslenskir sjómenn ég óska ykkur til hamingu með daginn Standið þéttir að baki ykkar félagslegu forustumenn og munið að:"Sameinaðir stöndum vér, sundraðir föllum vér" á alltaf við meðan nokkurt stéttarfélag starfar

Tengill á færslu

Lokað fyrir álit

30.05.2014 15:55

Jafnaldrar

Það er búið að "útrýma" íslenska fánanum úr skut kaupskipa í íslenskri eigu og íslensk tunga á í vök að verjast vegna "talandi tölvna" sem eru á næstu, grösum. Og ef maður talar/skrifar um hollustu við föðurlandið þá fær maður á sig óþverrastimipil.Sama er mér. Mér þykir vænt um fánan okkar og tungumál. Og sjá sumt af þessu fólki sem notar þenna stimpil svo vera að skreyta sig með einhverjum "þjóðbúningum" á tyllidögum finnst mér toppurinn á tvískinnungnum sem oft litar þessa umræðu. Og að eitt af skipafélögum landsins sem "þóttist" um daginn vera hundrað ára skuli fagna sjötíu ára Lýðveldisafmælinu með því að setja einhvert Carabbien flagg í skut nýs skips sem þeir eru að fá hrein móðgun við fólkið í landinu.Við erum að árum jafngamlir Sjómannadagurinn og ég. Þótt ég sé um tveimur mánuðum seinna í árinu.

Súðin aldursforseti kaupskipaflotans 1944 smíðuð 1895

úr mínum fórum © ókunnur
Árið sem við urðum sex ára eða á Sjómannadaginn 1944 sagði þ.v ríkisstjóri Sveinn Björnsson m.a í ræðu "Viti er öryggismerki, sem mönnum þykir vænt um.En við eigum einnig annað merki, sem er hvorttveggja í senn, öryggismerki og einingarmerki þjóðarinnar. Það er fáninn. Þótt okkur eigi öllum að þykja vænt um þetta tákn einnar og sameinaðrar þjóðar, þá eiga sjómennirnir hér nokkra sérstöðu. Það fellur í þeirra hlut að "sýna fánann" á höfunum og í erlendum höfnum.

Næst elsta skipið í kaupskipaflotanum 1944 var SÆELL smíðað 1896

© Handels- og Søfartsmuseets.dk

Þess vegna er okkur svo mikils virði að vita það að við eigum sjómannastétt, sem er þess megnug að "sýna fánann" á þann hátt að jafnan megi segja um skip sem sigla undir fánanum okkar: "Þetta skip og áhöfn þess er íslenskt.Þess vegna má treysta hvorutveggja". Ég hygg, að því ljósari, sem menn gera sér þessa staðreynd, því vænna muni sjómönnunum þykja um fánann, vegna þeirrar ábyrgðar, sem þeim er falin, að halda upp heiðri þessa þjóðartákns okkar, hvar sem íslenzkt far er á ferðinni. Þess vegna á sérstaklega vel við að minnast fánans og sýna honum virðingu okkar við þetta tækifæri".

Síðan var það svo HERMÓÐUR I smíðaður 1897

Úr mínum fórum © ókunnu

Brynjólfur Jónssons sagði í Fánaræða í kvöldhófi sjómannadagsins 1944 m.a:
"Hver einasta sjálfstæð menningarþjóð virðir fána sinn framar öllum öðrum þjóðlegum verðmætum. Engin þjóðarbarátta er háð, án þess að fáninn sé þar í fremstu víglínu. Enginn þjóðarsigur er unninn, án þess að fánar séu dregnir að hún. Engra sögulegra viðburða er minnst, án þess að flaggstengur séu fánum skreyttar. Enginn staður eða mannvirki er vígt, án þess að fánar blakti þar yfir. Ekkert skip siglir svo um höfin, að það beri ekki merki þjóðar sinnar. Engin þjóðarsorg skeður,svo að ekki séu fánar dregnir í hálfa stöng. Fáninn er merki gleði og hryggðar, tákn sjálfstæðis, menningar og frelsis. Um síðustu aldamót (1899-1900) fóru að heyrast raddir meðal íslensku þjóðarinnar, sem eigi voru áður kunnar, þótt þær að vísu væru skildgetið afkvæmi þeirrar frelsisbaráttu, er hafin var af Jóni Sigurðssyni og fjölnismönnum.

Yngsta skipið 1944 var svo Esja II

© Tryggvi Sig

Skáldin kveða kraft og líf í þjóðina með ástþrungnum ættjarðarljóðum. Hinn víðsýni hugsjónamaður, Einar Benediktsson skáld, kemur fram með fánahugmyndina. Með hinu fagra kvæði sínu: "Rís þú, unga íslandsmerki!" hvetur hann íslendinga til baráttu fyrir þjóðarfána, og hreif hann æskumennina, ungmennafélögin og unga menntamenn, svo að þeir gerðust framherjar í þeirri þjóðræknisbaráttu, sem hér var hafin. Því miður verður ekki sagt, að fánamálið hafi átt óskiptan hug þjóðarinnar, þótt svo færi að lokum,að gifta hennar og gott málefni bæri sigur úr bítum, er meirihluti þjóðarinnar sameinaðist um blá-hvíta fánann, tákn himins og hrímþaktra jökla. Þessi fáni fékkst þó ekki viðurkenndur utan íslenzkrar landhelgi. Hlutur sjómannsins var ókominn.

Næst yngsta skipið 1944 var Dettifoss I smíðaður 1930

Úr mínum fórum © ókunnur

Hann varð ennþá um stund að sigla undir "dönsku flaggi Þótt nokkur hluti þjóðarinnar yrði afskiptur þeirri ánægju, sem frjáls og fagur fáni hlýtur að veita þeim, er með hann fara, þá verður þó aldrei fullþakkaður sá mikli skerfur, sem brautryðjendur fánamálsins lögðu til frelsisbaráttu Islendinga, þar sem hér var fenginn gunnfáni fyrir þeirri baráttu, fáni, sem minnti þjóðina á það markmið, er sett skyldi, og dreginn var að hún daglega, þar til fullur sigur vannst, er þríliti fáninn var lögfestur sem þjóðarfáni árið 1918. Það ár markar tímamót í sögu landsins. Með breyttu stjórnskipulagi og viðurkenningu þjóðfánans skapast nýtt athafnalíf í atvinnu og samgöngumálum.Kaupskipunum fjölgaðí og siglingar frá og til landsins jukust að miklum mun.

Svo var BRÚARFOSS smíðaður 1927

© photoship
Hin dugmikla sjómannastétt sótti ótrauð og ötul fram undir hinu unga íslandsmerki og hóf það til vegs og virðingar meðal erlendra þjóða" Svo mörg voru orð Brynjólfs á Sjómannadaginn 1944 Nú virðist öllum nákvæmlega sama hvaða drusla er á flaggstöngum í skut skipa í íslenskri eigu. Því miður

Tengill á færslu

Lokað fyrir álit

27.05.2014 19:29

Hansa

Ég las í fréttablaðinu í dag um hugsanleg kaup á "hótelskipi" Sem staðsett yrði í Hafnarfirði. Mér finnst þetta persónulega frábær hugmynd. Sumir eldri borgar muna kannske kvikmyndina "Barnacle Bill" þar sem snillingurinn Alec Guinness leikurCaptain William Horatio Ambrose. Enskan sjóveikan sjóliðsforinga (sem komin var af sjóhetjum langt fram í ættum) sem ekki mátti sjá bárufald án þess að kasta upp. Ambrose kaupir skemmtibryggu eins og er/var t.d í Brighton og fleiri borgum á S-Englandi. Hann útbýr bryggjuna eins og skemmtiferðaskip og seldi sjóveiku fólki (sem ekki gat notað sér þægindi skemmtiferðaskipanna) aðgang. Þetta gæti virkað vel í Hafnarfjarðarskipinu. Þarna gætu t.d sjóveikir já eða sjóhræddiir landar með imyndunnaraflið í lagi upplifað "skemmtiferðaskipastemminguna"

HANSA skipið sem um ræðir

Hér má lesa meira um skipið

Tengill á færslu

Lokað fyrir álit

25.05.2014 15:25

MARIBO MAERSK

Þessi E-triple skip þeirra hjá Mærst eru engir "smákoppa" Lítum á þetta

Mynd af heimasíðu Mærsk samsteypunnar © ekki getið

Þetta er eitt af nýjustu skipum samsteypunnar MARIBO MAERSK Það mun vera sjöunda skipið í þessari seríu Það áttunda er komið í notkun og það aníunda er að komast í hana. Sjá nánar í áliti Önnu Kristjánss

Skipið var smíðað hjá Daewoo Shipbuilding & Marine Engineering í Okpo S-Kóreu 2014 sem: MARIBO MAERSK Fáninn var:danskur Það mældist: 194849.0 ts, 194431.0 dwt. Loa: 399.00. m, brd 59.00. m Skipið hefur aðeins gengið undir þessu eina nafni og fáninn er sá sami

MARIBO MAERSK

Tengill á færslu

Lokað fyrir álit

24.05.2014 12:54

Geysir

Góður sveitungi Hilmar Helgason stm vakti athygli mína á þessu skipi Geysir sem einu sinni var í þjónustu hjá Atlantsskipum Þessi dallur sem lenti hérlendis oftar en ekki í útistöðum við Siglingamálastofnu er enn að sigla á N-Atlantshafinu Og er að þessum orðum skrifuðum á leið frá Varberg til North Carolina. Eitthvað hlítur ástandið vera skárra á skipinu því að virðist sigla á rútu USA,Portúgal,Svíþjóð. Þótt fyrstnefndu löndin sjái kannske eitthvað í gegn um fingur sér með útbúnað skipa held ég að svíar séu harðir í horn að taka hvað það varðar

Hér sem RAINBOW HOPE

© Markús Karl Valsson

Skipið var byggt hjá Equitable Eqpt Shipyard, Inc í Madisonville USA 1980 sem AMAZONIA Fáninn var USA Það mældist: 983.0 ts, 2000.0 dwt. Loa: 90.10. m, brd: 13.70. m Skipið hefur gengið undir þessum nöfnum 1984 RAINBOW HOPE - 1999 JUNO - 2000 GEYSIR Nafn sem það ber í dag undir sama fána

Hér sem Geysir

Hér má sjá sjá videóklipp frá einni ferð skipsins Og hérna má lesa meir um skipið

Tengill á færslu

Lokað fyrir álit

23.05.2014 17:33

Hver er þetta???

Skipið sem spurt var um hét ELIZA HEEREN og var þýskt. og var í leigu bæði hjá Eimskipafélaginu og Hafskip.1984 Og málið var um fálkaeggjaþjófinn Miroslav Peter Baly,sem tókst að flýa land sem laumufarþegi með skipinu í júni sama ár En þá var skipið á vegum Hafskip

ELIZA HEEREN

Skipið var smíðað hjá Brand í Oldenburg Þýskalandi 1981 sem:ELIZA HEEREN Fáninn var:þýskur Það mældist: 999.0 ts, 2347.0 dwt. Loa: 79.70. m, brd 14.00. m Skipið hefur gengið undir þessum nöfnum:1986 AKAK SUCCESS - 1986 ELIZA HEEREN - 1995 BALTIC BRIDGE - 1997 BOXTER - 2004 VERONIKA GOKOTI - 2005 VERONIKA - 2005 OLGA - 2010 RANYUS A. - 2010 RANYUS I - 2013 YAZ Nafn sem það ber í dag undir fána Sierra leone

ELIZA HEEREN

Hér sem OLGA

Hér sem RANYUS A.

Hér sem RANYUS I

Tengill á færslu

Lokað fyrir álit

23.05.2014 17:08

POONA

þann 17 júlí 1971 varð sprenging í flutningaskipi Ø.A, ( A/S Det Østasiatiska Kompagni í Kaupmannahöfn) POONA þegar það var að lesta í Gautaborg Einn áhafnarmeðlimur og þrír hafnarverkamenn fórust.

Eitthvað á þessa leið sögðu sænsku blöðin frá atburðinum:" Branden berodde på att man lastat tidigare 36 ton natriumklorat, samt 600 ton rapsolja och nu skulle lasta tunga stålbalkar som kom i svängning när man skulle fira ner dom och slog hål i en tunna av varje typ, samt en balk gled på däcket som fixade gnistor som satte eld på en blandning av olja och klorat. Efter några minuter vart det fler explosioner i snabb följd och vissa var så kraftiga att tunga lastluckor kastades ner på kajen"

Skipið var smíðað hjá Deutsche Werft í Finkenwarder í Þýskalandi 1952 sem POONA Fáninn var:danskur Það mældist: 8607.0 ts,10200.0 dwt Loa: 146.30. m, brd 18.60. m Skipið gekk aðeins undir þessu eina nafni og fáninn var sá sami Endalokin eru skrifuð hér að ofan En það var ekki fyrr en 19 júlí 1971 að eldurinn var endanlega slökktur Skipið var svo rifið í Gautaborg seinna sama ár

Hér er svo videoklipp frá brunanaum

Tengill á færslu

Lokað fyrir álit

Fragtskip Óla Ragg

Myndir af gömlum og nýrri fragtskipum

10.06.2014 17:10

Júni 1964

08.06.2014 18:11

CSCL MARS

08.06.2014 17:19

POLAR NANOQ

08.06.2014 17:01

Skipin hans Valda

06.06.2014 18:59

D dagurinn

05.06.2014 17:14

Kínverjar stórtækir

03.06.2014 18:32

SHANGHAI EXPRESS

02.06.2014 17:02

Holmfoss

31.05.2014 14:54

Sjómannadagur

30.05.2014 15:55

Jafnaldrar

27.05.2014 19:29

Hansa

25.05.2014 15:25

MARIBO MAERSK

24.05.2014 12:54

Geysir

23.05.2014 17:33

Hver er þetta???

23.05.2014 17:08

POONA

Tenglar