11.07.2014 13:14

Gömul skip

Svona til að þeir sem villast inn á síðuna hafi eitthvað fyrir sinn snúð þá eru hér myndir af gömlum skipum af enskri síðu sem ég er í miklum samskiftum við

CARMAN

Colorato

ERNST DE BUHR

Tengill á færslu

Lokað fyrir álit

10.07.2014 19:52

Islandia

Jæja nú er maður með sjónina mikið skerpta.Ekki veit ég hvaðan "grjótið" var fengið sem sett var í augað staðin fyrir það gamla. Allavega ekki úr Esjunni En það hefði kannske verið við hæfi. "Nú sérðu eins og fermingarstrákur" sagði Óskar Jónsson sá frábæri augnlæknir við mig í dag eftir mælingar í endurkomunni til hans En skift var um augastein í hægra auga í gær.Og nú er maður bara í góðu yfirlæti á Sjúkrahótelinufram á Sunnudag. En þá hypjar maður sig til Eyja Ég er í fínu Netsambandi en er með fartöluna og mér leiðist bara svo að skrifa á hana að ég er latur við færslur. En ég læt eina flakka hér .Í flakki mínu á Netinu í dag rakst ég á myndir af þessu skipi

ISLANDIA

© Andreas Schlatterer
Skipið var smíðað hjá Jinling SY í Nanjing Kína 2004 sem: ALEXIA Fáninn var:ATG Það mældist: 9957.0 ts, 13782.0 dwt. Loa: 147.90. m, brd 23.60. m Skipið hefur gengið undir þessum nöfnum:2004 ISLANDIA - 2005 SYMS TAISHAN - 2006 ISLANDIA Nafn sem það ber í dag undir fána Liberiu

ISLANDIA

Mynd af Vesseltracker.com © sést á henni

Ég læt þetta duga fram á sunnudag að ég kemst í stóru tölfuna

Tengill á færslu

Lokað fyrir álit

08.07.2014 12:27

Lokað vegna sumarleyfa

Þetta heyrir maður ekki eins oft nú eins og hér í den En kallinn er að fara í "Borg Óttans" til að láta laga í sér glyrnurnar Svo það er því óvíst um færslur næstu daga Fer eftir sambandinu og sjóninni

Tengill á færslu

Lokað fyrir álit

07.07.2014 13:45

MIA B

Þýska flutningaskipið MIA B strandaði á föstudagskvöld í Roskilde Fjord utan við Frederiksværk í Danmörk.En þaðan var skipið að fara með farm af stálplötum til Noregs Eitthvað reyndi skipstjórinn að losa skipið sem ekki tóks. En hann tilkynnti strandið ekki fyrr en eftir rúman klukkutíma eftir að það varð.

Skipið á strandstað.

Lögreglan sendi þá strax bát með lögregluþjóna sem testuði menn fyrir alkahóli. En testin reyndust öll neikvæð.En skipstjórinn verður ákærður fyrir að tilkynna ekki strandið strax Litill dráttarbátur reyndi að draga skipið á flot en það tókst ekki Svo var sanddæluskip sent á staðinn sem gróf rennu fyrir aftan skipið Það náðist svo aftur á flot í gær. Skipið snéri við til Frederiksværk þar sem athugað verður um skemmdir. Orsökin var"bilun í stýrsútbúnaði"

MIA B

Skipið var smíðað hjá Sietas í Neuenfelde Þýskalandi 1967 sem: Rolf Fáninn var:þýskur Það mældist: 499.0 ts, 1190.0 dwt. Loa: 68.40. m, brd 10.60. m Skipið hefur gengið undir þessum nöfnum:1985 BETTY - 1997 BETA - 2009 ANNEMARIE - 2013 MIA-B. Nafn sem það ber í dag undir sama fána

MIA B

Tengill á færslu

Lokað fyrir álit

06.07.2014 17:54

Hofsjökull I

Hofsjökull fjórða nýsmíði Jökla (frá byrjun) kom til Reykjavíkur þ 5 júni 1964. Ég gat þess eitthvað um daginn Og tók fram að það hefðri verið fært til bókar að skipið væri það fyrsta þar sem sjónvarp til afnota fyrir skipverja væri um borð. Þetta vildu þeir hjá Eimskipafélagi Íslands ekki bekenna og sendu eftirfarandi athugasemd m.a í Vísi daginn eftir:" Eimskip hefur beðið blaðið að geta þess, að tvö af skipum félagsins, Selfoss, er kom 1958, og Brúarfoss, er kom 1960, hafi haft sjónvarpstæki. Er það því ekki rétt, er fram kom í blöðum, að hið nýja skip Jökla sé hið fyrsta, er hafi sjónvarpstæki." Svo mörg voru þau orð. Við brosum að þessu í dag en fyrir fimmtíu árum var þetta fyllsta alvara. Og von að EÍ menn vektu athygli á þessu. SELFOSS II og BRÚARFOSS þóttu í mjög mörgum atriðum mjög fullkomin skip þar sem fór vel um menn

Svona segir Vísi frá komu HOFSJÖKULS til Reykjavíkur

Hér heitir skipið HOFSJÖKULL
Mynd úr mínum fórum © óþekktur

Skipið var smíðað hjá Grangemouth DY í Grangemouth Skotlandi 1964 sem HOFSJÖKULL Fáninn var:íslenskur Það mældist: 2361.0 ts, 2860.0 dwt Loa: 89.50 m, brd 13.80. m Skipið gekk undir þessum nöfnum:1977 STUDLAFOSS - 1986 MALU - 1989 MISS XENIA - 1993 MAYA REEFER Nafn sem það bar síðast undir fána En skipið var rifið í Tyrklandi 2003

Skipinu stjórnaði í fyrstu Ingólfur Möller sem á hinum skipunum tveim en nú með

Eyþór Fannberg (1928-1999) sem yfirvélstjóra

Hofsjökull

© T.Diedrich

Hér heitir skipið STUÐLAFOSS

Hér MAYA REEFER

Tengill á færslu

Lokað fyrir álit

06.07.2014 12:58

Drangajökull II

Svona segir Mogginn frá komu Drangajökuls II þ 19 des1961 til Reykjavíkur En þangað kom skipið þ 17 sama mánaðar Ekki var Drangajökull langlífur undir íslenskum fána.Eða fimm og hálft ár Og ef úrklippan prentast vel má lesa skemmtilegt orðatiltæki sem ég minnist ekki að hafa séð fyrr: "Drangajökull hafnaði sig" og sv. fr.

DRANGAJÖKULL II

DRANGAJÖKULL var smíðaður hjá Van der Wert í Deest Hollandi 1961 fyrir Jökla Skipið mældist 1909 ts 2100 dwt, Loa: 86.0 m brd. 12,60 m. Það var selt til N-Kóreu 1967 og fær nafnið MAG 2 1968 NA PAL SAN 1995 BONG DAE SAN. Nafn sem skipið ber enn þann dag í dag undir fána N-Kóreu En þetta segja mín gögn um skipið í dag "No Longer updated by (LRF) IHS (since 11/07/2012)"+

Sömu menn voru í skipstjóra og yfirvélstjórastöðu á skipinu og á LANGJÖKLI

DRANGAJÖKULL II

Úr mínum fórum @ ókunnur

Hér er skemmtileg mynd. Og vísar til 2ja verkunar aðferða frystingar og söltunnar.Skipið að koma með tómtunnur til Vestmannaeyja

@sig. sigurðsson frá stakkagerði

DRANGAJÖKULL II

Úr mínum fórum @ ókunnur

Tengill á færslu

Lokað fyrir álit

05.07.2014 20:29

Langjökull

Það voru fleiri íslensk skipafélög sem létu byggja fyrir sig skip á "Viðreisnarárunum" Þ.á m Jöklar Sem fengu LANGJÖKUL 1959

Þetta er á bls 2 í Mogganum þ 6 okt

Hérna er Langjökull að lesta freðfisk hér í Eyjum kring um 1960. Bak við LANGJÖKUL má sjá SÍS skipið HELGAFELL I

© Torfi Haraldsson

Skipið var smíðað í Aarhus DY í Århus Danmörk.1959.Fyrir Jökla h/f Reykjavík1987 ts.2000 dwt. Loa 87,9 m.brd. 12.6.m Seldur til N-Kóreu 1967 og hlaut nafnið Mag 1 1967 fær skipið nafnið Poong De San.1995 La Pal San. Það var svo rifið 2001.

Skipinu stjórnaði í fyrstu Ingólfur Möller skipstjóri (1913-1997)

Með Höskuld Þórðarson (1926-) sem yfirvélstjóra

LANGJÖKULL

Mynd úr mínum fórum © óþekktur

Tengill á færslu

Lokað fyrir álit

05.07.2014 17:41

Bakkafoss I

Þetta var annað "smáskipa" sem Eimskipafélag Íslands keypti 1963 til að bæta þjónustuna við smærri hafnir landsins

Hér segir Vísir frá"hittingi" skipanna á Seyðisfirði En Bakkafoss kom þangað að kvöldi þ 26 maí frá Reyðarfirði sem var fyrsta íslenska höfnin En þangað hafði skipið komið að morgni sama dags

Svona segir Vísir þ 7 júni frá komu skipsins til Reykjavíkur sem kom þangað 2 júni 1963

Hér er skipið að hlaupa af stokkunum

MILLE HEERING

©Handels- og Søfartsmuseets

Það var smíðað1958 sem MILLE HEERRIN fyrir danska aðila hjá Århus Dry Dock.Það mældist 1599.0 ts 2335,0 dwt.Loa:78,5,0 m brd:11.50.m Eimskipafélagið kaupir skipið eins og fyrr segir 1963. Og skírir BAKKAFOSS. Það er selt úr landi 1974 og fær nafnið FIVE FLOWERS. Það endar svo tilvist sína í skipakirkjugarðinum í Chittagong Banglades 1983

Fyrsti íslenski skipstjórinn á skipinu var Magnús Þorsteinsson (1918-)

Með Hauk Lárusson (1916-1975) sem yfirvélstjóra

MILLE HEERING

©Handels- og Søfartsmuseets

©Handels- og Søfartsmuseets

© Charlie Hill

Hér sem BAKKAFOSS

Úr mínum fórum © ókunnur

Úr mínum fórum © ókunnur

Úr mínum fórum © ókunnur

Tengill á færslu

Lokað fyrir álit

05.07.2014 16:18

Mánafoss I

Hvílum aðeins fv nýsmíðar EÍ og minnumst aðeins tveggja skipa sem þeir keyptu notuð 1963. Það fyrra fékk nafnið Mánafoss Það má kannske segja að fyrsta "touchið"við Ísland hafi verið fullharkalegt á Akureyri En skipið rak nefið illilega í Torfunesbrygguna við komuna þangað þ 16 febr 1963 En Akureyri var fyrsta höfn skipsins hérlendis

Svona segir Dagur frá komu skipsins til Akureyrar þ 20 febr 1963

Hér heitir skipið KETTY DANIELSEN

Skipið I var smíðaður hjá Ferus Smit SY í Foxhol Hollandi 1959 sem KETTY DANIELSEN fyrir danska aðila.Skipið mældist: 937.0 ts 1383.0 dwt. Loa: 66.20,m brd: 10.10 m Eimskipafélag Íslands kaupir skipið 1963 og skírir MÁNAFOSS. Skipið er selt úr landi 1969 og fær nafnið SPARTAN Og 1974 nafnið SKY FAITH. Það strandaði 13-04-1980 við Burela de Cabo á NV- strönd Spánar. Á leið frá Sagunto til Antverpen með stálrúllur. Áhöfninni var bjargað en skipið brotnaði í tvennt og varð til á strandstað.

Fyrsti íslenski skipstjóri var Eiríkur Ólafsson skipstjóri (1916-1975)

Með Hauk Lárusson (1916-1975) sem yfirvélstjóra

KETTY DANIELSEN

@Frits Olinga-Delfzijl

Mánafoss

Mynd úr mínum fórum © óþekktur

Hér í höfninni i Guernsey 1969

Hér sem SKY FAITH.

Tengill á færslu

Lokað fyrir álit

05.07.2014 15:49

Mánafoss II

Svona sagði Mogginn frá komu Mánafoss II 19 maí 1971

Mánafoss II var smíðaður 1971 hjá Aalborg Værft Aalborg Danmörk fyrir Eimskipafélag Íslands Það mældist: 3004.0 ts, 4450.0 dwt. Loa: 96.60. m, brd: 14.50. m Skipið var selt 1986 ( Nýja Sjáland ??) og hefur gengið undir þessum nöfnum: 1986 ILE DE LUMIERE II, 1987 ALBERUNI 1988 OCEAN ANGEL 1988 HONG HWA 1995 MYO HYANG 5 1999 BISON 2001 GREEN 2001 BISON 2001 JAT NA MU 2004 BISON. 2000 RYONG AM PO Nafn sem það ber í dag undir fána N-Kóreu. En um þetta ber þeim heimildum sem ég hef aðgang að ekki saman Í einum segir: Decommissioned or lost Í öðrum: Status of ship :Last update :16/10/2012 Total Loss

Skipinu stjórnaði í fyrstu Þórarinn Ingi Sigurðsson ( 1923-1999) skipstjóri

Með Þór Birgir Þórðarson (1923-2001) sem yfirvélastjóra

Hér heitir skipið Mánafoss

Úr mínum fórum © ókunnur

Úr mínum fórum © ókunnur

© Photoship

Hér sem ILE DE LUMIERE II,

Tengill á færslu

Lokað fyrir álit

05.07.2014 13:58

Dettifoss III

Best að halda sér á heimamiðum og rifja upp gömul falleg fv íslensk skip og stjórnendur þeirra Næst á eftir GOÐAFOSS IV kom DETTIFOSS III þ 8 des 1970 Svona sagði Mogginn frá komu skipsins

DETTIFOSS III

© Patalavaca

Skipið var smíðað hjá Aalborg Værft í Aalborg, Danmörk 1970 Það mældist: 3004.0 ts, 4380.0 dwt. Loa: 95.60. m, brd: 14.50. m það hefur aðeins gengið undir tveim nöfnum á ferlinum En það var selt 1989 og skírt NAN XI JIANG. Nafn sem það bar til loka undir kínverskum fána fána. En í þeim heimildum sem ég haf aðgang að segir þetta: Status of ship:" No longer updated by ( LRF ) IHSF 8 since 27-02-2012)

Skipinu stjórnaði fyrst Erlendur Jónsson skipstjóri (1923-2004)

Með Gísla Hafliðason (1925-2013) sem yfirvélstjóra

DETTIFOSS III

Tengill á færslu

Lokað fyrir álit

04.07.2014 19:07

Goðafoss IV

Það er best að halda sér á verri fætinum innanlands og rifja upp gömul falleg íslensk skip og birta misskemmtilegar myndir af þeim. Eins og ég skrifaði í gær fannst mér Skógafoss og Reykjafoss ekki eins falleg skip (skrokkurinn var það þó virkilega) og þau sem voru byggð fyrir og eftir fyrir Eimskipafélag Íslands. Það mætti halda að Viggó hafi lent í lægð hvað teikningar varðaði en ná sér svo á strik með skipunum sem komu strax á eftir En þetta eru nú bara mitt persónulega álit og ekki víst að margir séu mér sammála En mér fannst "þríburarnir" sem komu næst snotur skip Fyrstur kom Goðafoss nr 4 með því nafni hjá EÍ

Þetta blasti við á síðu 3 í Tímanum þ 16 júlí 1970

Hér í reynsluferð

© Handels- og Søfartsmuseets

Fyrst stjórnaði skipinu Magnús Þorsteinsson skipstjóri(1918-)

Meða Árna Beck (1919-1988) sem yfirvélstjóra

Goðafoss IV var smíðaður hjá Ålborg Værft í Ålborg Danmörk 1970 fyrir Eimskipafélag Íslands. Hann mældist 2953.0 ts 4480.0 dwt. Loa: 95.60.m brd: 14.50.m 1989 selur ??? Eimskipafélagið skipið og fær það nafnið Alantic Frost . 191 fær skipið nafnið Sea Reefer. Það rekur upp og strandar fyrir utan höfnina í Peterhead Skotlandi þ 22-08-1992 og var rifið á strandstað

GOÐAFOSS IV

Hér á útleið frá Vestmannaeyjum

@ Tryggvi sig

Hér í brælu á Atlantshafinu

@ photoship

Hér er skipið á siglingu undan Sikiley 1989

@ óliragg

Hér útflaggaður

Hræðileg endalok þessa fallega skip

@ Jim Potting

Tengill á færslu

Lokað fyrir álit

04.07.2014 17:52

Nossan

Ég held að minnið sé ekki að svíkja mig þess meir þegar ég held því fram að vinur minn Þór Kristjánsson fv "Portstate" hafi verið töluverðan tíma á þessu skipi

NOSSAN

Skipið var smíðað hjá Ferus Smit í Westerbroek Hollandi 1990 sem: NOSSAN Fáninn var:sænskur Það mældist: 2248.0 ts, 4250.0 dwt. Loa: 88.30. m, brd 13.20.m Skipið hefur aðeins gengið undir þessu eina nafni en nú er fáninn færeyiskur

NOSSAN

Tengill á færslu

Lokað fyrir álit

04.07.2014 16:19

Brúarfoss II

Eins og ég hef svo oft sagt fannst mér "tvíburarnir" Selfoss II og Brúarfoss II fallegustu skipin í Íslenska kaupskipaflotanum sáluga. Og sérstaklega Brúarfoss Og það verður sennilega aldrei smíðað skip fyrir íslendinga sem sameina kosti hans. Fallegt skip og vel gert úr garði fyrir áhöfn og sýnilega allt gert til að láta henni líða vel um borð t.d

Svona segir Mogginn frá komu skipsins18 des 1960

BRÚARFOSS II

© Mac Mackay

Skipið var smíðað hjá Ålborg Værft A/S í Ålborg Danmörk 1960 fyrir Eimskipafélag Íslands.Það mældist 2337 ts 3460.dwt.Loa:102.3 m.Brd: 15.8m.Eimskip selur skipið 1980 til Panama.Það heldur nafninu. 1984 er það selt til Nova Scotia og fær nafnið HORIZON. 1986 nafni breitt í WILLEM REEFER. 1987 í TRITON TRADER.1989 í GLOBALl TRADER. 1990 í TRITON TRADER .aftur Þ.15/12 1987 þegar skipið var statt 300 sml SA frá Halifax á leið frá New London til Ashdod kastast farmurinn til í skipinu og yfirgaf skipshöfnin það. Það var svo dregið inn til Shelburne NS með 30°halla. Komið var þangað á afangadagskvöld. Þ 26-04-1990 er svo lagt af stað með skipið í togi til Indlands, Það var svo rifið í Alang í ágúst 1990..

BRÚARFOSS II

Jónas Böðvarsson (1900-1988) var fyrsti skipstjóri skipsins

Með Hermann Bæringsson (1908-1988) sem yfirvélstjóra

Það fór vel um menn um borð í Brúarfoss II

Brúarfoss á Sjómannadegi í USA

Á rúmsjó

Í USA

Svona segir Þjóðvilinn Þ 23 okt 1980 frá endalokunum hérlendis En skipið entist 10 ár til má segja

Tengill á færslu

Lokað fyrir álit

04.07.2014 11:14

Selfoss II

Nú er bara að koma sér af betri fætinum og halda sér hérlendis Og skrifa um falleg íslensk fv skip Mér hefur alltaf þótt þeir "bræður" SELFOSS II og BRÚARFOSS II verið fallegustu skipin í Íslenska kaupskipaflotanum sáluga.Einhvern veginn fannst mér SKÓGAFOSS og REYKJAFOSS ekki ná þeim hæðum sem þessi skip voru í Skrokkar þeirra fyrrnefnu þótti mér fallegir en mér fannst þeir ekki bera yfirbyggingarnar ein vel og hinir. Fannst þær ekki.fara skipunum vel. Vera svona hálf kollóttar

Baksíða Moggans 29 nóv 1958

Skipið var smíðað hjá Aalborg Vaerft í Aalborg Danmörk 1958 sem:SELFOSS Fáninn var:íslenskur Það mældist: 2339.0 ts, 3460.0 dwt. Loa: 102.30. m, brd 15.80. m Skipið gekk aðeins undir tveimur nöfnum. En það skemmtilega við það, var að skipið hélt fjórum af sjö stöfum úr fyrra nafni sínu en 1982 fékk það nafnið ELFO undir því nafni gekk skipið uns það var rifið í Pakistan 1985

Skipinu stjórnaði í fyrstu Jónas Böðvarsson (1900-1988) skipstjóri

Með Jón Aðalstein Sveinsson (1894-1958) sem yfirvélstjóra

Svo endaði skipið hérlendis 16 júní 1982

SELFOSS II

@ Anna Kristjáns

Og til að vera óheyrilega skáldlegur má benda á sömu samtöluna út úr ártölunum sem skipið var byggt og rifið eða 23 Þarna bara víxluðust bara 5 og 8

Tengill á færslu

Lokað fyrir álit

Fragtskip Óla Ragg

Myndir af gömlum og nýrri fragtskipum

Færslur: 2014 Júlí

11.07.2014 13:14

Gömul skip

10.07.2014 19:52

Islandia

08.07.2014 12:27

Lokað vegna sumarleyfa

07.07.2014 13:45

MIA B

06.07.2014 17:54

Hofsjökull I

06.07.2014 12:58

Drangajökull II

05.07.2014 20:29

Langjökull

05.07.2014 17:41

Bakkafoss I

05.07.2014 16:18

Mánafoss I

05.07.2014 15:49

Mánafoss II

05.07.2014 13:58

Dettifoss III

04.07.2014 19:07

Goðafoss IV

04.07.2014 17:52

Nossan

04.07.2014 16:19

Brúarfoss II

04.07.2014 11:14

Selfoss II

Tenglar