24.07.2015 19:56

Jón Steingrímsson III

Áður en við höldum áfram vil ég vekja athygli manna á æfisögu Hannesar Hafstein sem Steinari J Lúðvíksson skráði. En Hannes var þriði stm á Tungufossi I Þar er skemmtilega sagt frá ferð skipsins til Ríó de Janeiro. Og einnig þegar Jón leysir af sem skipstjóri í ferð til Miðjarðarhafsins og Júlíus faðir Hannesar fer með sem farþegi.Og ég vil aftur minna á að þetta er ekki æfisaga Jóns heldur yfirlit yfir skipin sem hann sigldi á Við skildum við Jón þar sem hann er eigilega milli skipa. En þó tengdur TUNGUFOSSI

Jón um borð í einu af skipunum sem hann var á erlendis

Mynd úr bók Jóns Steingrímssons með leyfi afkomenda © óþekktur
Og atvik honum óhagstæð gera það að verkum að hann hættir störfum hjá Eimskipafélagi Íslands.En ekki lætur þessi dugmikli sjómaður árar í bát heldu leita út fyrir landsteinana..Fyrsta erlenda skipið sem hann skráist sem þriðji stm.á hét CHOLUTECA (systurskip Tröllafoss). En skipið var eitt af KNOT skipunum frægu hét fyrst BIGHT KNOT

Hér heitir CHOLUTECA, ESPERANZA

Var það vorið 1959.Þetta varð nú stutt vera því United Fruit & co sem átti skipið var að fækka við sig skipum .Varð þetta því aðeins ein ferð en samt stóð þó yfir í einn og hálfan mánuð.En þarna var Jón komin að hjá National Bulk Carries sem disponeraði fjölda skipa,Síðsumars 1959 skráðist hann á næsta skip sem var skaddað Liberty skip WILLIAM R TOLBERT sem lá í Baltimore Var það í eigu D.K Ludwigs.

Systurskip WILLIAM R TOLBERT

© photoship
En skipið hafði tekið niðri við Trinidad og botninn stórskemmst Það átti að sigla skipinu til Japan á bráðabirðar hafæriskírteini þar sem rífa átti það. Og áður en það skeði átti áhöfnin að halda til í skipinu meðan ljúka var við nýtt skip ORE NEPTUNE sem Ludwigs var að láta smíða í Kure Japan.

ORE NEPTUNE

Það skip var tilbúið ársbyrjun 1960 og skráist Jón þar sem annar stm.Var Jón á þessu skipi um sex mánaða skeið. Líkt og þegar Jón leit upp af hvalbak SELFOSS gamla og sá upp í skut TRÖLLAFOSS og dáðist að stærð skipsins kom nú eiginlega svipað fyrir. Þegar hann hafði verið skipstj. á TRÖLLAFOSSI hafði hann séð umfjöllun í Sjómannablaðinu Víking um risaskip sem þá var í smíðum. Þá greip hann löngun til að sigla á þannig skipi. En nú hagaði svo til að Jón fór svo um mitt sumar sem annar stm á olíuflutningaskipið PETROLENE

PETROLENE

© photoship

Eimitt sama skipið og hann var að skoða í Víkingnum nokkrum árum áður. Á þessu skipi ver Jón í rúm tvö ár . Sumarið 1963 ræðst hann sem stm á ORE TITAN.

ORE TITAN.

Er þar stuttan tíma kemur heim í frí En leysir Steinarr Krístjánsson af sem skipstjóri eina ferð á SELÁ.Er þarna var komið sögu var Jón farinn að hugsa til Svía um atvinnu. Og fyrsta tækifærið sem hann fær er snemma vors 1964 á CYGNUS Litlu sænsku skipi sem statt var í Keflavík og vantar stýrimann..Þar fer hann eina ferð( hef ekki fundið mynd af því skipi)

SELÁ I

© T. Diedrich
En ræður sig svo í apríl sama ár á BISKOPSÖ Þar var Jón í rúmt ár. En þar sem svíar taka ekki íslensk skipstjórnarréttindi fullgild fyrr en eftir að teknin hafa verið einskona test ( eins og í mínu tilfelli) varð hann að víkja fyrir svía með full réttindi..

BISKOPSÖ

Eftir dvölina þarna dreif Jón sig í að fá full sænsk réttindi sem honum reyndist létt að standast. Eftir það réði hann sig hjá Transatlantis skipafélaginu í Gautaborg Fyrsta skip hans þar var KANANGOORA . Þar var hann í eitt ár.

KANANGOORA .

© söhistoriska museum se
Hann var svo í fríi hér heima síðla sumars 1966 þegar olíuskipið Bera frá f.g skipafélagi lá hér við Lauganestanga og losaði olíu. Þarna vantaði annan stm og af því Jón var við hendina ef svo má að orði komast var hann beðin að taka starfið sem hann og gerði. Og var hann fimm mánuði þar um borð.

Hér hefur BERA fengið nafnið ATHENIAN VICTORY

© Rick Cox
Eftir það ræðs hann á ALBANY sem var að hálfu í eigu f.g félags og Saléns skipafélagsins. Fór hann þar um borð í í maí 1967. Þarna komst hann aðeins með tærnar inn hjá Salén félagsins sem átti eftir að hagnast honum seinna. Á þessu skipi sigldi hann í þrettán mánuði .

ALBANY

© söhistoriska museum se
En nú var Transatlantic búið að selja 14 skip og komið í vandræði með fastráðna stýrimenn..Og Jóni var sagt að hann þyrfti að bíða um tíma eftir starfi. Hann setti sig þessvegna í samband við aðra útgerða menn.Þ.á.m íslenska konsúlinn í Helsingborg, útgerðarmanninn. Helge Winck. Jón fór svo á skip hans I.W.WINCK (hef ekki fundið mynd af skipinu) Þarna fór hann eina ferð En það var síðasta ferð skipsins undir sænskum fána.En það hafði verið verið selt til S Ameríku.

TÄRNSJÖ

© söhistoriska museum se
Eftir það tók hann tímabundið starf á litlu sænsku olíuskipi TÄRNSJÖ sem sigldi á ströndinni þarlendis.Þar gerði hann stutt stans en réðist svo sem yfirstm í afleysningu á HASTING frekar lítið frystiskip.

HASTING

Það var svo í mars 1970 að Jón ræðst á POLAR VIKING skip sem hann átti svo eftir að sigla með í fjögur ár fyrst sem yfirstm síðar sem skipstjóri í hálft annað ár.En svo þegar Jón var í fríi var skipið selt og honum sagt upp POLAR VIKING var síðasta skipið sem Jón var á áður en hann réðist til Salén skipfélagsins

POLAR VIKING

Það er búið að vera óvenjulega leiðinleg að færa inn á síðuna í kvöld svo Salén skipin verða að bíða En ég vona að allavega flest hafi að lokum skilað sér inn

Tengill á færslu

Lokað fyrir álit

22.07.2015 22:20

Jón Steingrímsson II

Þetta er ekki nein æfisaga Jóns Steingrímssonar. Frekar svona yfirlit yfir þau skip sem hann var á En æfisögu sína segir hann sjálfur Í bókunum: "Kolakláfar og Kafbátar" og:" Um Höfin til Hafnar" Ræð ég þeim sem ekki hafa lesið þessar bækur að gera það

Stýrimannaskólinn 1936

Við skildum við Jón þegar hann var kominn í Stýrimannaskólann í Reykjavík haustið 1934.Milli bekkja var hann á bæði vélbátum og togara Einnig strax eftir að hafa lokið náminu.

GULLFOSS I

© Handels- og Søfartsmuseets.dk

En 1.okt 1937 ræðst hann sem háseti á GULLFOSS I Og er viðloðandi hann sem háseti og þriðji stýrimaður þar til skipið er yfirgefið af íslendingum í Kaupmannahöfn þ 18 okt 1940.Eftir hernám þjóðverja í Danmörk.Undan skilin var þó ein ferð á SELFOSS I Jón kom svo ásamt skipsfélögum sínum heim með ESJU í hinni frægu Petsamoferð.Svo er hann á ýmsum skipum m.a eina ferð á BRÚARFOSSI I . Þar til 23 okt 1941 að hann ræðst háseti á SELFOSS I.

BRÚARFOSS I

© photoship

SELFOSS I

Úr mínum fórum © Ókunnur

Og byrjar þar eiginlega samfeldur ferill hans hjá Eimskipafélagi Íslands sem stóð til 1958. Á SELFOSSI lýkur svo hásetaferillinn. En þar verður hann annar stýrimaður strax eftir fyrstu ferðina En á skipinu var hann svo hálft annað ár.Næsta skip var svo DETTIFOSS Þar sem hann fór eina ferð. Síðan á FJALLFOSSI I lungan úr árinu 1944 Og þaðan lá leiðin á LAGARFOSS I.Þar var hann þegar friður komst á í Evrópu.Á þessum árum voru miklar "hrókeringar" á stýrimönnum hjá Eimskipsfélaginu.

DETTIFOSS I

Mynd úr mínum fórum © óþekktn

REYKJAFOSS

Mynd úr mínum fórum © óþekktn

FJALLFOSS I

© Sigurgeir B Halldórsson
LAGARFOSS I

Mynd úr mínum fórum © óþekktur
Strax eftir stríðið var Jón ýmist á REYKJAFOSSI , SELFOSSI,og FJALLFOSSI Og á honum var hann svo stöðugt frá því í júí 1948-maíloka 1951. Skipið var þá selt og afhent í Gautaborg.

REYKJAFOSS II

@ PWR

Áhöfnin kom sem farþegar heim með GULLFOSSI Seinna þetta sumar fór svo Jón ásamt fleirum til Ítalíu og tóku við REYKJAFOSSI II sem Eimskipsfélagið hafði þá nýlega keypt.Þar var hann í rúmt ár. Þar næst fimm mánuði á SELFOSSI I Og svo aftur á REYKJAFOSS II Síðan lá leið Jóns til Kaupmannahafnar í okt.1953 á nýsmíðað skip TUNGUFOSS.I

TUNGUFOSS.I

© Charlie Hill frá Swinefleet/Peter William Robinso

Á Tungufossi fer Jón að leysa af sem skipstjóri.Þar var hann svo þar til að í lok árs 1954 að hann tekur við skipstjórn á TRÖLLAFOSSI. Honum segist svo frá í æfisögu sinni: "Í síðustu ferð minni á SELFOSSI I nokkrum mánuðum áður,var mér minnistætt þegar við komum til Reykjavíkur seint um kvöld og bundum rétt fyrir aftan TRÖLLAFOSS Ég var fram á bakka og mændi upp í rassgatið á þessu mikla skipi og hugsaði sem svo að þarna væri eflaust gott að vera.Þá grunaði mig síst af öllu síst þessi snöggu skipaskifti"

TRÖLLAFOSS hér í Hamborgr

Á Tröllafossi er hann svo um hríð ýmist sem yfirstýrimaður eða skipstjóri Svo aftrur á TUNGUFOSS En örlögin grípa svo í taumana 1958. En þá lýkur veru hans hjá Eimskipafélaginu.Og þessum hluta skipssögu Jóns

Hér er Jón fyrir miðju sem yfirstm.á TRÖLLAFOSSI

Mynd úr bók Jóns Steingrímssons með leyfi afkomenda © óþekktur

Hér er Jón sem skipstjóri á Tungufoss Með honum á mynd er Albert yfirvélstj.

Mynd úr bók Jóns Steingrímssons með leyfi afkomenda © óþekktur

Tengill á færslu

Lokað fyrir álit

21.07.2015 22:29

Jón Steingrímsson I

Ég á góðan vin á Ísafirði Heiðar Kristinsson fv skipstjóra sem oft blæs mér í brjóst efni til að skrifa um.T.d að skrifa um markverða sjómenn og skip.Nú ætla ég að skrifa um sjómann sem þræddi veginn upp í skipstjórastöðu. Hér á ég við Jón heitinn Steingrímsson (1914-2004) fv skipstjóra.

Jón Steingrímsson skipstjóri

Afi Jóns var hið ástsæla ljóðskáld og prestur Matthías Jochumson. Faðir Jóns Steingrímur var þekktur læknir á Akureyri. Hugur Jón hneigðist til sjómennsku strax á barnsaldri, Faðir hans hafði sem nýútskrifaður læknir í Kaupmannahöfn ráðið sig sem skipslæknir á A-Asíufarið PRINS VALDERMAR

PRINS VALDERMAR skipið sem faðir Jóns var á sem skipslæknir

© Handels- og Søfartsmuseets.dk
Og skrifað bók um ferðina sem sonurinn las og drakk í sig Jón skráðist á sitt fyrsta skip um vorið 1928. Skipið hét STRÖNA og var einskonar birgðarskip fyrir norska síldveiðiflotann út af Norðurlandi. Fyrsta ferðin var til Bergen í Noregi að sækja kol,salt og tunnur. Síðan var lónað á miðunum og skipunum veittur beini þegar með þurfti. Svo er leið að haust fékk Jón sig lausan og komst heim.Ekki vakti þessi sjómennska neinar heitari ástríðu til sjómennskunnar hjá honum. En hann settist á skólabekk í M.A fljótlegs þegar í land var komið Næsta sumar var hann svo við brúarsmíði á Norðurlandi.Um haustið 1929 fór móðir hans með hann og þrjú yngstu börn sín til Reykjavíkur

Ströna fyrsta skipið sem Jón skráðist á 1928

Ferðuðust þau með "DRONNING ALEXANDRINE". Á leiðinni suður forhertist Jón og fastákvað að gerast sjómaður. Er suður kom settist hann í Gagnfræðiskóla Reykvíkinga En dugði ekki veturinn heldur réði sig sem þjón yfirmanna á GOÐAFOSS II Ætlunin var að komast þar á "dekkið" sem ekki tókst og varð hann fljótt leiður í þjónsstarfinu.

GOÐAFOSS II
Mynd úr gömlum ritum um E.Í © óþekktur

Hann hætti því síðsumars á GOÐAFOSSI. Komst hann þá strax í brúarvinnu fyrir norðan og las svo utanskóla 3 og 4 bekk M.A fram á vetur. Hann hafði sótt um starf á erlendum skipum og strax eftir áramót 1930-31 kom skeyti um laust starf sem hann gat fengið. Var það á dönsku seglskipi SUZANNE sem statt var í Le Harve í Frakklandi. Utan fór Jón með BRÚARFOSSI til London svo með lestum og ferjum til Le Harve

SUZANNE

Jón lét eftir sig stórt og skemmtilegt safn ljósmynda frá veru sinni á SUZANNE. Sonur hans Ársæll læknir var svo vingjarnlegur að senda mér slatta af þeim en plássins vegna birti ég bara nokkrar hér

Mynd úr safni Jóns Steingrímssons með leyfi afkomenda © óþekktur

Eftir að hafa siglt um heimshöfin í tæp tvö ár aðalega til Vestur Indía á SUZANNE fanns Jóni tími kominn að skifta um skip og afskráðist því af skipinu í Le Harve. Eftir mánaðar frí það réði Jón sig a norskt bananaflutningaskip CADMUS

CADMUS

Þarna sigli Jón um hríð en skipið sigldi milli Frakklands og frönsku eyjanna í V Indíum, Martinique og Guadeloupe o fl. Svo kom að því að vistinni lauk á þessu skipi.Ástæðan var sú að í einni ferðinni upp til Frakklands kom skeyti um að þegar skipið væri útlosað í Bordeaux skyldi það koma heim til Osló og þar ætti að leggja því. Í Bordeaux dvaldi í tvo mánuði en ýmiss atvik höguðu því til að hann varð handlama um hríð og gat ekki fengið skipsrúm í þann tíma En svo fékk hann stöðu sem léttmatrós á dönsku skipi er BOGÖ hét.

BOGÖ

Mynd úr bók Jóns Steingrímssons með leyfi afkomenda © óþekktur

Það flutti flugvélabensín í tunnum til Madeira, Senegal og Kanaríeyja. Á Bogö var Jón í átta mánuði. Þrátt fyrir að líka vel þarna um borð var komin ókyrrð í hann svo hann afskráðist af skipinu í nóvember 1933 í Bordeaux og hélt til Kaupmannahafnar. Þar réði hann sig milli jóla og nýars sem léttmatros á danskt sem sem hét TEKLA

TEKLA

En á þessu skipi var dvölin stutt því að í fyrstu höfn sem var pólsk Neuefahrwasser skifti hann um skip við danskan háseta af seglskipi FUGLEN frá Ærösköping og sigldi nú sem fullgildur háseti þar.

FUGLEN

© Handels- og Søfartsmuseets.dk

Á þessu skipi var Jón svo það sem eftir lifði vetrar En afskráðist svo af því í Finnlandi snemmsumars 1934. Hélt svo til Kaupmannahafnar og komst þar um borð í GULLFOSS sem vinnandi farþega. Þ.e.a.s fékk að vinna um borð upp í fargjaldið. Fór síðan á síld og var á henni fram í ágústlok Og settist svo í Stýrimannaskólann í Reykjavík þá seinna um haustið

Tengill á færslu

Lokað fyrir álit

19.07.2015 20:54

Gamall bátur

Hér er saga um gamlan vel varðveittan bát

Faxen

Tengill á færslu

Lokað fyrir álit

19.07.2015 16:35

Þungaflutningaskip

Þungaflutningaskip hafa verið til umfjöllunar hér á síðunni undanfarið Hér er eitt MARIAECK

MARIAECK

Skipið var smíðað hjá Van Duijvendijk's í Lekkerkerk Hollandi 1969 sem: MARIAECK Fáninn var:þýskur Það mældist: 499.00 ts, 1083.00 dwt. Loa: 77.00. m, brd 13.10. m 1975 var skipinu breytt í Heavy Lift Vessels Eftir það mældist það 687.00 ts 1100.00 dwt.Og loa:92.00. Skipið gekk undir þessum nöfnum: 1981 MARI-LIFT - 1985 JELLYN - 1987 SPRING - 1995 AGIA KYRIAKI Nafn sem það bar síðast undir grískum fána En það var rifið í Aliaga 2007

MARIAECK

Hér má lesa meira um skipið

Tengill á færslu

Lokað fyrir álit

19.07.2015 14:47

Fyrir 14 árum

Það var mikið umleikis við Hafnarfjarðarhöfn þ10 júlí 2001 Þegar níu fiskibátar bættust við þann flota á einu bretti. En flutningaskipið Wiebke kom með þá frá Kína Svona segir "Mogginn m.a frá þessu:"Siglingin frá Kína tók alls 80 daga en skipið flutti einnig með sér varning til annarra hafna á leiðinni. Wiebke er þýskt skip og sérbúið til þungaflutninga en það er 153 metra langt og 8.500 brúttótonn og er því eitt stærsta skip sem lagst hefur að bryggju í Hafnarfirði. Skipið er með heimahöfn skráða í St. John's á Nýfundnalandi".(misskilningur ath mín)

Úr Morgunblaðinu 11 Júlí 2001

WIEBKE.Þarna að flytja skemmibáta

© Sinisa Aljinovic

Skipið var smíðað hjá Sietas í Neuenfelde Þýskalandi 2000 sem: WIEBKE Fáninn var: Antigua and Barbuda Það mældist: 8397.00 ts, 9531.00 dwt. Loa: 151.70. m, brd 21.20. m Skipið hefur aðeins gengið undir þessu eina nafni og hefur sama fána

WIEBKE

Tengill á færslu

Lokað fyrir álit

19.07.2015 12:56

Árekstur

Um kl 0220 í nótt rákust saman ferjan STENA JUTLANICA og tankskipið TERNVIND Þetta skeði við Vinga úti fyrir Götaborg Svona segja svíarnir frá þessu

Skemmdir á TERNVIND

Mynd úr Göteborgs Posten © ekki getið

Skemmdir á STENA JUTLANDICA

Mynd úr Göteborgs Posten © ekki getið

STENA JUTLANDICA

Skipið var smíðað hjá Van der Giessen-de Noord í Krimpen a/d Ijssel Hollandi 1996 sem: STENA JUTLANDICA III Fáninn var:sænskur Það mældist: 26691.00 ts, 6559.00 dwt. Loa: 182.40. m, brd 28.40. m Skipið hefur gengið undir þessum nöfnum: Strax 1996 var III tekið af svo eftir stóð STENA JUTLANDICA Nafn sem það ber í dag undir sama fána

STENA JUTLANDICA

TERNVIND

Skipið var smíðað hjá Dearsan Gemi í Tuzla Tyrklandi 2008 sem: SAKARYA Fáninn var: Malta Það mældist: 7321.00 ts, 11258.00 dwt. Loa: 130.00. m, brd 19.80. m 2014 fékk skipið nafnið TERNVIND Nafn sem það ber í dag undir DIS fána

TERNVIND

Tengill á færslu

Lokað fyrir álit

18.07.2015 21:59

Happy Dover

Án þess að hafa hugmynd um það þá geri ég ráð fyrir að þetta skip sé á vegum Eimskip. En hér má lesa um hvað málið snýst

HAPPY DOVER

Skipið var smíðað hjá Zhejiang Ouhua SB Co í Zhoushan Kína 2011 sem: HAPPY DOVER Fáninn var:hollenskur Það mældist: 14784.00 ts, 16800.00 dwt. Loa: 156.50. m, brd 22.80. m Skipið hefur aðeins gengið undir þessu eina nafni og fáninn er sá sami

HAPPY DOVER

Tengill á færslu

Lokað fyrir álit

18.07.2015 20:13

Eimskipafélag íslands 50 ára

Eimskipafélag Íslands hafði ýmislegt á prjónunum hvað varðaði framtíðina á 50 ára afmælinu 1965.Enda hafði 1964 verið mjög hagstætt félaginu Við skulum líta á fréttir frá félaginu árið 1965 Tvö af skipum félagsins hafa verið seld úr landi, þar sem þau voru orðin gömul og dýr í rekstri Tröllafoss, sem var 19 ára gamall, keyptur 1948 af E. f. fyrir 4.5 millj. kr., var seldur fyrir rúml. 10.1 milljón kr.

TRÖLLAFOSS á ströndinni

Reykjafoss var seldur fyrir 9 milljónir kr,en skipið var 17 ára gamalt, keypt 1961 fyrir rúmar 10 milljónir Eimskipafélagið hefur gert samninga við Alborg Værft í Danmörku um smíði tveggja skipa, sem geta flutt um 3.500 tonn af vörum hvort. Heildarkostnaður við hvort þeirra er um 56 milljónir kr.

Reykjafoss II

Annað skipið var afhent félaginu s.l. fimmtudag,(skrifað 21 maí 1965) en því hefur verið gefið nafnið Skógafoss, og er það væntanlegt til Reykjavíkur um miðjan júní n.k. Síðara skipið kemur væntanlega í október eða nóvember í haust Áform um byggingu nýs farþegaskips eru á prjónunum og hefur verfð leitað til Alborg Værft um tillögur og uppdrætti að nýju skipi og er á næstunni von á hvorutveggja.

Skógafoss I

© Peter William Robinson

Gert er ráð fyrir, að nýtt farþegaskip, sem tæki 350 farþega, muni ef til vill kosta um 200 milljónir króna. Langan tíma mun taka að hrinda áformi um nýtt farþegaskip í framkvæmd. Farþegar með skipum Eimskip 1964 voru alis 7955, þar af 7193 með Gullfossi. Var þetta 1350 farþegum fleira en 1963 og hefur farþegafjöldinn aldrei verið meiri í sögu félagsins.Um þetta leiti var Eimskipafélagið með 3 leiguskip á sínum snærum. Þessi skip voru frystiskip og hvert öðru fallegra að mínu mati Fyrst ber að nefna skip sem seinna komst í eigu félagsins

ECHO

@Jan Harteveld

PLAYA DE LAS CANTERAS

Skipið var smíðað hjá Soc Espanola de CN (SECN) í Sestao Spáni 1964 sem:PLAYA DE LAS CANTERAS Fáninn var: spænskur Það mældist: 1568.00 ts, 1455.00 dwt. Loa: 82.70. m, brd 11.80. m Það gekk aðeins undir þessu eina nafni og fáninn var sá sami Skipið var rifið á Spáni 1985

PLAYA DE LAS CANTERAS

PLAYA DE MASPALOMAS

Skipið var smíðað hjá Soc Espanola de CN (SECN) í Sestao Spáni 1965 sem: PLAYA DE MASPALOMAS Fáninn var: spænskur Það mældist: 1568.00 ts, 1453.00 dwt. Loa: 82.70. m, brd 11.80. m Það gekk aðeins undir þessu eina nafni og fáninn var sá sami Skipið var rifið á Spáni 1986

Tengill á færslu

Lokað fyrir álit

17.07.2015 22:16

Kyndill I

Við höldum áfram í olíunni En meira var um að vera hvað hana varðaði þarna 1955 Það byrjaði 20 júlí með þessu:

Og svo aðfaranótt 26 okt 1955

Pétur Guðmundsson (1917-1984) stjórnaði skipinu fyrstu 16 árin

Yfirvélstjóri var Jóhannes Þórðarson. En um hann hef ég engar upplýsingar

KYNDILL

Mynd úr mínum fórum © óþekktur

Skipið var smíðað hjá Pettje Shipyard Waterhuizen Hollandi 1955 fyrir Shell á Íslandi og Olíuverslun Íslands.Það mældist 778.0 ts.969.0 dwt Loa:60.30.m brd:10.0 m Skipið var selt til Englands(Effluents Svcs) 1974 og fær nafnið THIRLMERE. Eftir mínum heimildum var skipið rifið í Milford Haven 1988

KYNDILL

Mynd úr mínum fórum © óþekktur

@ photoship

Hér heitir skipið THIRLMERE

Tengill á færslu

Lokað fyrir álit

17.07.2015 21:05

Betty Mærsk

Ef maður flettir Morgunblaðinu þ 9 júni 1955 finnur maður þessa frétt á annari síðu:

BETTY MÆRSK

Skipið var smíðað hjá Boelwerf í Tamise Belgíu 1955 sem BETTY MÆRSK Fáninn var: danskur Það mældist: 8754.00 ts,13160.00 dwt. Loa: 146.10. m, brd 19.30. m 1964 var skipinu breytt í tanker/chemical carrier og breyttist dwt þá í 12184.00 Skipið gekk undir þessum nöfnum: 1963 LACQ III - 1964 PRESIDENT ANDRE BLANCHARD Nafn sem það bar síðast undir frönskum fána Og það var rifið í Frakklandi 1977

BETTY MÆRSK

Tengill á færslu

Lokað fyrir álit

15.07.2015 20:19

Síldarflutningar fyrir 50 árum

Einusinni flutti hann olíu og um tíma síld til Íslands af miðunum. Svo brennivín Síðast lá hann bara og grotnaði niður á Ítalíu POLANA hét hann þegar hann var í síldarflutningunum hérlendis fyrir 50 árum

Hér heitir hann UNIONE SECONDO

© Yvon Perchoc

Skipið var smíðað hjá Krogerwerft í Schacht-Audorf ,Þýskalandi 1964 sem:POLANA Fáninn var: sænskur Það mældist: 500.00 ts, 1043.00 dwt. Loa: 63.00. m, brd 9.70. m 1971 var skipinu breitt í "wine/alcohol tanker" Skipið hefur gengið undir þessum nöfnum: - 1966 SIRION - 1971 ELPIDA II - 1976 UNIONE SECONDO Nafn sem það ber í dag undir fána ítölskum fána En þetta segir um skipið í þeim gögnum sem ég hef aðgang að :"No Longer updated by (LRF) IHSF (since 16/09/2010)"

UNIONE SECONDO

Tengill á færslu

Lokað fyrir álit

15.07.2015 18:08

Síldin

Þ 5 ágúst n.k eru 50 ár frá því að þetta skip SÍLDIN þá nýkeypt til landsins kom í fyrsta skifti til heimahafnar sinnar Reykjavík Hlaðið tæpum 20 þúsund málum af síld af Hjaltlandsmiðum.Eigandi skipsins var
Síldar- og Fiskimjölsverksmiðjunnar í Reykjavík Ég get alveg fullyrt að þetta skip malaði gull fyrir eigendur sína þegar það var í íslenskri eigu.

Hér sem HERTHA

Skipið var smíðað hjá Blythswood SB Co í Scotstoun Skotlandi 1954 sem HERTHA Fáninn var norskur Það mældist: 2588.0 ts, 3463.0 dwt. Loa: 93.30. m, brd: 13.40. m Skipið gekk undir þessum nöfnum: 1965 SILDIN - 1970 ORSEOLO Nafn sem það bar síðast en það var rifið á Ítalíu í september 1977

Fyrsti (og að ég held eini) íslenski skipstjóri skipsins hérlendis var Guðni Jónsson (1915-1974)

Meða Hörð Reyni Jónsson (1930) sem yfirvélstjóra

Hér sem HERTHA

Hér sem SÍLDIN

Tengill á færslu

Lokað fyrir álit

14.07.2015 23:11

Meira Tröllafoss

Eigum við aðeins að líta nánar á yfirmenn á Tröllafossi sem voru á skipinu í fyrstu ferð allavega Allir urðu þessir menn æðstu yfirmenn í brú og vél á skipum E.Í seinna Í brú var þar fremstur í flokki eftir Bjarna Eymundur Magnússon 1 stýrimaður

Eymundur Magnússon (1893 - 1977) Ferill hjá E.Í 1918-1959

Eymundur tók við Tröllafossi af Bjarna 1952 Eftir að hafa verið með Selfoss I sem var fyrsta skipið sem Eymundur stjórnaði sem fastur skipstjóri hjá E.I og Reykjafoss II Uppúr 1950 fór "mccartyisminn" að vaxa fiskur um hrygg

SELFOSS I var fyrsta skip Eymundar sewm fastur skipstj hjá E.Í.

Mynd úr mínum fórum © Ókunnur

Og komúnistahræðslan að heltaka bandaríkjamenn Þeir sáu þá í hverju horni. Nokkrir vinstrisinnaðir farmenn fengu ekki að sigla til USA. Einn þeirra var Eymundur Magnússon. Eymundur mun hafa sagt við Mc Carthy erindrekana sem yfirheyrðu hann:"Ég hef siglt tvær heimstyrjaldir til Bandaríkjanna og var mér tjáð að ég væri að sigla til þess ríkis.þar sem lýðræði sé í hásæti og Bandaríkin séu og eigi að vera öðrum þjóðum þar fremri. Með þessu tel ég mig vera búinn að svara spurningum ykkar" En öðlingurinn Eymundur var að láta í minni pokann.

Annar stýrimaður á Tröllafossi við komuna var Stefán Dagfinnsson

Stefán Dagfinnsson (1895-1959) Ferill hjá E.I 1919-1959

Fyrsta skip Stefáns sem fastur skipstj.hjá E.Í var Brúarfoss I

BRÚARFOSS I

© Coll. R.Cox Sea the ships

III stm á Tröllafossi var Eiríkur Ólafsson

Eiríkur Ólafsson (1916-1975) Ferill hjá E.Í 1941-1964

Fyrsta skip Eiríks sem fastur skipstj. hjá E.Í var Mánafoss I

Mánafoss I

Svo eru það vélstjórarnir Annar vélstj var Ágúst Jónsson

Ágúst Jónsson ( 1901-1976) Ferill hjá E.Í 1926-1967

Ágúst varð seinna yfirvélstjóri á skipum E.Í

III Vélstjóri var Einar Sigurjónsson

Einar Sigurjónsson (1910-1961) ferill hjá E.Í 1941-1961

Einar varð seinna yfirvélstjóri á ýmsum skipum E.Í

IV vélstjóri var Sigurður Hallgrímsson

Sigurður Hallgrímsson (1921-2003) Ferill hjá E.Í. 1945-1950

Sigurðu átti ekki langan feril hjá E.Í

Loftskeytamaður var Einar Benediktsson

Einar Benediktsson (1900-1953) Ferill hjá E.Í 1928-1953

Einar var loftskeytamaður á ýmsum skipum E.Í Lengst af á Lagarfossi I og Tröllafossi

Tengill á færslu

Lokað fyrir álit

14.07.2015 19:58

Tröllafoss

Þann 8 maí 1948 renndi nýkeypt skip sér á ytrihöfnina í Reykjavík eftir 80 daga ferð frá upphaflegum brottfararstað San Franisco. Þetta var TRÖLLAFOSS hingað keyptur af Eimskipafélagi Íslands.Það hefði sennilega verið hægt að skrifa heila bók um það ferðalag.Ef ráð hefði verið í tíma tekið

Hann þótti mikið skip

Skipið var byggt hjá Consolidated Steel Corp í Wilmington CA í USA 1945 sem: COASTAL COURSER Fáninn var: USA Það mældist: 3805.0 ts, 5032.0 dwt. Loa: 103.20. m, brd 15.20. m Skipið hefur gengið undir þessum nöfnum: 1948 TRÖLLAFOSS - 1964 SEOUL Nafn sem það bar síðast undir fána Líberíu En 29-08-1973 lá skipið við akkeri á ytri höfn Inchon í Kóreu. Skall á rok skipið fór að draga akkerið og rak úu úr því á land. Var það rifið á staðnum

Fyrsti íslenski skipstjóri á skipinu var Bjarni Jónsson