29.11.2014 18:23

Freyja

Um daginn var ég að hlusta á þátt Þorsteins J á gömlu "gufunni" Smásögur minnir mig að sá þáttur heiti. Þá hafði hann skemmtilegt viðtal við Einar Vignir Einarsson skipstjóra En Einar er skipstjóri á þessu skipi FREYJU

FREYJA

© Marcel & Ruud Coster

Skipið var byggt hjá Hitzler í Lauenburg,Þýskalandi 1974 sem ESSBERGER PILOT Fáninn var: Líbería Það mældist: 1338.0 ts, 2091.0 dwt. Loa: 77.10. m, brd: 12.60. m Skipið hefur gengið undir þessum nöfnum: 1977 SOLVENT EXPLORER - 1987 TOM LIMA - 1992 ESSBERGER PILOT - 1997 HORDAFOR PILOT - 1999 FREYJA Nafn sem það ber í dag undir fána Möltu

FREYJA

Tengill á færslu

Lokað fyrir álit

27.11.2014 15:14

Fyrsta og síðasta

Ég verð að biðja menn sem skoða síðuna um að hafa smá biðlund í sambandi við færslur á henni .Ég er ekki hættur, þetta er of gaman til þess. En ég tók að mér verkefni sem hefur aðeins teigst úr. Og þó tuttugu og fjórir klt séu í sólarhringnum er nennan mín ekkert í samræmi við það. Og ég þakka þeim sem hafa hana til kíkja hér inn þrátt fyrirt léleg afköst síðuhaldara og sendi þeim líka kærar þakkir fyrir tryggðina við síðuna. En hér eru tvö skip. Það fyrra er það fyrsta sem ég skráðist á fyrir tæpum sextíu og tveimur árum Og það seinna það síðasta sem ég skráðist á fyrir 8 árum síðan

ELDBORG

Eldborg var byggð hjá Moss Værft í Moss Noregi 1932 Grímur h/f kaupir skipið 1934.Undir stjórn Ólafs Magnússonar var Eldborgin alltaf með aflahæstu skipum og oft hæst á sumarsíldveiðum fyrir Norðurlandi.Og ég held að metið sem hann sló 1943 rúm 30.000 mál og tunnur standi enn (ef miðað er bara við Norðurland) En hvað um það.Ég byrjaði minn sjómanns feril 1953 á þessu skipi. Tók þá við hjálparkokks og ælustjóra stöðunni af Þorvaldi Jónssyni skipamiðlara til margra ára.Ég var um borð þegar þessi mynd sem hér er fyrir ofan var tekin.Eftir knattspyrnuleik í Reykjavík. Skipið var selt til Noregs rétt eftir að Akraborg komst í gagnið.Fékk þar 1st nafnið Ferking.Síðan nafnið Raftöy.Skipið var svo rifið 1965

VALBERG

© oliragg
Ég fór með góðum vini mínum Garðari Valberg Sveinssyni að sækja þetta skip til Ólafsvíkur 2006 en Garðar var þá nýbúinn að kaupa það hingað til Eyjum. Við fórum með það í Njarðvíkur. Þar sem það fór í slipp og síðar fórum við með það hingað til Eyja. Þar lauk mínum sjómannsferli. VALBERG var smíðað í Stálvík ,í Garðabæ 1969 sem SAXHAMAR. Það mældist 111 ts Skipið var svo lengt 1972 og mældist þá 125 ts .Síðan var byggt yfir það 1981. Garðar kaupir það 2006 og gefur því nafnið VALBERG.Það var notað í verðgæslu í Norður sjó. Í sambandi við olíuborpalla. Hann selur svo bátinn 2013 Skipið heitir í dag ARNAFELL HF 90 og er skrá sem "vinnuskip"

Tengill á færslu

Lokað fyrir álit

18.11.2014 11:58

Jónas skrifar

Ekki ætla ég mér að fleiri skoði síðuna þessa heldur en blað margra landsmanna Eða að fara í samkeppni við það !!!!!! En tveir eða þrír sem ekki lesa það kíkja kannske hér inn. Þess vegna ætla ég að birta hér grein eftir góðan vin minn Jónas Garðarsson sem birtist í fg blaði í morgun.Og sem mér finnst eiga erindi við alla sjómenn hér um lands Þetta er heimasíða um fragtskip því er greinin sett hér inn

Tengill á færslu

Lokað fyrir álit

16.11.2014 15:40

ACHAEOS

Í framhaldi af næst síðustu færslu um Grísku ferjuna ACHAEOS Má bæta þessu við
ACHAEOS