Færslur: 2015 Júlí

30.07.2015 21:31

Skipin hans Júlíusar

Einhver frægasti skipstjóri íslenskrar siglingasögu er Teitur Júlíus Júlíniusson Þetta er sem fyrr, ekki æfisaga heldur listi yfir skipin sem hann var á En Ásgeir Jakobsson skrifaði æfisögu Júlíusar 1968 sem hét "Hart í Stjór" Ég hvet menn til að lesa þar um ýmis æfintýri Júlíusar á löngum ferli hans Sjómennskuferill Júlíus hófs vorið 1896. Fyrst á litlu þilskipi En um sumarið á kútter Climax (síðar Fram)

Teitur Júlíus Júliníusson (1877-1973)



Þeim heimildum  sem ég hef undir höndum (Æfisögunni, Stýrimannatal ,Skipstjórar og skip) ber ekki saman um næstu skip. Svo ég set hér inn "glefsu" úr viðtali sem Morgunblaðið átti við hann áttræðan: "Þegar við fluttumst til Akureyrar 1886, fór ég strax á sjóinn, var á opnum bátum og síðan á enska fiskikútternum Fram. Á honum var ég í 7 ár eða þangað til ég fór á Skálholt" Svo mörg voru þau orð m.a. Vorið 1898 ræðst hann á strandferðaskipið SKÁLHOLT .

SKÁLHOLT

                                                                                                                         © Handels- og Søfartsmuseets.dk

Þar er hann svo til að,(eftir áeggjan Godtfredsen þ.v skipstjóra á skipinu) hann settist á skólabekk í Skipstjóra og stýrimannaskólanum í Bogö Danmörk1901 Hann lýkur svo skipstjóraprófi frá skólanum 1902. Eftir skólann fer hann til Hamborgar og ræðst það sem háseti (var ekki kominn með tilskyldan háseta tím) á danska skonnort ELISE HØJ

Myndin er tekin í N-Sields af breska  skólaskipinu WELLESLEY Skipið til vinstri á myndinni mun vera ELISE HØJ

                                                                                                                   © Handels- og Søfartsmuseets.dk

Næsta skip var svo gufuskip,PATRIA þangað ræðs hann sem stýrimanns lærlingur 1903. Það er svo 1904 að hann ræðst sem þriðji stm.á GALÍU. (fann ekki mynd) Það má því segja að þar með var hann kominn á þann stað sem hann ætlaði sér í "Hólinn"

PATRIA

                                                                                                              © Handels- og Søfartsmuseets.dk
En þar var hann svo næstu fjörutíu ár.Hann verður svo skipstjóri á AUSTRA skipi Thorefélagsins. Þar er hann í þrjú ár en tekur svo við INGOLFI hjá sama félagi og er með hann í tvö ár.Hér er önnur "glefsa" úr viðtalinu við Júlíus):"Það var ákaflega mikið um rottur í Ingólfi.Ég man t.d. eftir því, að í Kaupmannahöfn fékk ég lánaðan rottuhund og drap hann 70 dýr á liðlega klukkutíma. En það sá ekki á, og var nóg af rottunum samt. Þegar við vorum á Siglufirði, fóru þær allar í land svo ekki var ein einasta rotta um borð i skipinu, þegar ég sigldi því í síðasta sinn yfir hafið. Ekki veit ég, hverju þetta sætti, en Siglfirðingar sátu uppi með þennan ófögnuð" Skipið fórst svo í næstu ferð

AUSTRI

                                                                                                                 © Handels- og Søfartsmuseets.dk

En Júlíus var þá í fríi. Þegar fréttist hérlendis að INGÓLFUR hefði farist óttuðust vinir Júíusar að nú væri hann allur. En svo var þetta leiðrétt.Og hér er ein "glefsan" enn úr viðtalinu: "Þegar vinur minn Eggert Claessen frétti um slysið og sendi skeyti til Hafnar að spyrjast fyrir um það, hvort ég hefði verið um borð.

INGOLF

                                                                                                                 © Handels- og Søfartsmuseets.dk
Hann fékk svar þess efnis, að svo hefði ekki verið. Þá sendi hann mér svohljóðandi jólaskeyti: - Den drukner ikke som hænges skal! Þetta er með betri skeytum, sem ég hef fengið um ævina".Næsta skip Júíusar var svo annað skip Eimskipafélags Íslands GOÐAFOSS I Allir vita endalok þess skips

GOÐAFOSS á Húsavíkurhöfn 2 júlí 1915

                                                                                           Mynd úr mínum fórum © óþekktur

Meðan Júlíus var að jafna sig eftir þann atburð tók hann að sér skipstjórn á barkskipi ALVITA (ekki fundist mynd) fyrir gamlan vin sinn. Þórarinn Túliníus. Farið var með tómar síldartunnur sumarið 1917 sem saltað var svo í. Um haustið að því loknu hefur Nielsen framkvæmdastjóri E.I hefur samband við hann og biður hann að taka BORG. Lítið flutningaskip sem E.Í rak fyrir Landsjóð.

Borg

                                                                                                                        Mynd úr mínum fórum © óþekktur
Sem hann svo gerir. Síðan liggur leiðin á WILLEMOES 1918 (seinna SELFOSS I) LAGARFOSS I 1921 Og svo BRÚARFOSS I 1927 Og var með hann svo næstu 13 ár eða til 1940 að hann hætti sjómennsku aldurs vegna (63 ára) Þá ræðist hann til Sjóvá og starfaði þar næstu tuttugu ár

WILLEMOSE

                                                                                                                          © Handels- og Søfartsmuseets.dk

LAGARFOSS I


                                                                                                    Mynd úr mínum fórum © óþekktur
BRÚARFOSS I


                                                                                                                                         © photoship

Hér er að lokum árituð mynd sem Emil Nielsen hefur sent Júlíusi



Og Júlíus umvafinn blómum á áttræðisafmælinu


Tengill á færslu
Lokað fyrir álit

29.07.2015 13:59

JOHN WULFF

Í gær skrifaði ég um John en hér má lesa um JOHN WULFF
Tengill á færslu
Lokað fyrir álit

28.07.2015 22:00

John

 

 

John hét hann þessi einusinni."Hvað er svo merkillegt við það" Jú hann var rifinn sama ár (1970) og annað skip HANSA TRADE sem margir gamlir sailorar kannast við hljóp af stokkunum hjá sömu skipssmíðastöð

JOHN

 

 

                                                                                                               © Marcel Gommers

 

 

Skipið var smíðað hjá Neptun AG í Rostock Þýskalandi 1926 sem: HELGA  L.-M.RUSS  Fáninn var: þýskur Það mældist: 1709.00 ts, 2675.00 dwt. Loa: 82.00. m, brd 12.50. m Skipið gekk undir þessum nöfnum:1946 HESNES - 1947 RITA - 1962 JOHN Nafn sem það bar síðast undir Panama fána En skipið var rifið í Skotlandi 1970

JOHN

 

 

 

 

                                                                                                                 ©  Patrick Hill

 

 


 

 

                                                                                                                             © photoship

                                                                                                                            © Rick Cox

 


                                                                                               © Marcel Gommers

 

Tengill á færslu
Lokað fyrir álit

28.07.2015 14:41

Skipin hans Óla Tomm m.m

Það voru margir ungir íslenski sjómenn sem leituðu sér atvinnu á erlendum skipum á síðustu öld.Og gera enn. Einn þeirra var Ólafur Tómasson lengst af stýrimaður Hjá Eimskipafélaginu. Sem ávallt var kallaður "Óli Tomm".


Ólafur Tómasson stýrimaður (1908-1977)

                                                                                                                                                                                      © Mynd úr bók Ólafs með leyfi afkomenda

En sem fyrr tek ég skýrt fram að þetta er ekki æfisaga heldur frekar skýrsla um skip Ólafs.En æfisögu hans má lesa í bók Jóhannesar Helga,"FARMAÐUR Í FRIÐI OG STRÍÐI" Þar sem Ólafur rekur sjóferðaminningar sínar. Virkilegs skemmtileg bók sem ég hvet menn til að lesa.Sjómennskuferill Ólafs hefst 1923 á ESJU I

ESJA I


                                                                                           Úr mínum fórum © ókunnur
Síðan lá leiðin á Gullfoss I.Það eru fá ártöl skráð í æfisögu Ólafs  og því erfitt að sjá hvenær hann skráir á þetta eða hitt skipið.En á GULLFOSSI vinnur Ólafur sig upp úr starfi þjóns á öðru farrými í starf háseta.

GULLFOSS I


                                                                                        © Handels- og Søfartsmuseets.dk

En vorið 1927 talar hann við Sigurð Pétursson skipstjóra á skipinu og biður um að fá  að vera vinnandi farþegi til Kaupmannahafnar þar sem hann ætli  sér að fá starf á erlendum skipum Gefur Sigurður honum loforð um það ef hann fari einnig til Emils Nielsen forstjóra Eimskipafélagsins og fái leyfi hans. Þetta gerði Ólafur og ekki stóð á leyfi hjá Nielsen sem aftur spurði Ólaf hvað hann hyggðist fyrir.Ég hyggst fara í siglingar og koma svo heim aftur fara í Stýrimannaskólan og fá þá stöðu hjá Eimskipafélaginu. Við getum nú athugað það sagði Nielsen en hvenær yrði það. Eftir svona hálft annað ár.Ef ég verð hérna enn þá skal það svo vera..

SIðurður Pétursson t.h á stjórnpalli GULLFOSS I Hann reyndist Ólafi vel

                                                                                        © Handels- og Søfartsmuseets.dk
Þegar til Kaupmannahafnar kom fékk hann svo að búa og matast um borð í GULLFOSSI meðan skipið stansaði þar. Og Sigurður skipstjóri lagði inn gott orð fyrir hann hjá skipamiðlara sem hann þekkti .Eftir að GULLFOSS fór heim aftur settist Ólafur að í Sjómannaheimili. Á fimmta eða sjötta degi kemst hann svo á  POLONIU fimmtán þúsund tonna farþega skip í eigu Baltic -Ameríkulínunnar en þarna í leigu þýskrar ferðaskrifstofu sem rak það sem skemmtiferðaskip í Miðjarðar og N-Afríkusiglingum.

POLONIA

                                                                                                                                       © photoship

Það var svo um haustið að Ólafur fótbrotnar. Það skeði þannig að hann og fleiri voru að mála annan skorsteininn þegar plankinn sem þeir stóðu á brotnaði. Þetta skeði í Danzig Póllandi Ólafur lá í sjúkraklefa skipsins þar til skipið kom til Kaupmannahafnar. Þar var hann fluttur á sjúkrahús þar sem hann dvaldi næstu sex vikur. POLONIA var þá komin í Ameríkuferðirnar aftur.

OREGON

                                                                                                                            © photoship

Eftir að Ólafur losnaði af spítalanum nennti hann ekki að bíða eftir skipinu úr fyrstu ferðinni en réði sig á OREGON sjö þúsund tonna kornflutningaskip.Sem komið vsr til Hafnar með korn í danska ölger. Skipið átti að losa í Danmörk og síðan í Noregi . Eftir þrjár hafnir í Noregi kom skipið til Odense. Þar komst Ólafur að því að skipið átti þar að fara í þriggja mánaða klössun. En ekki til S-Ameríku eins og honum hafði skilist . Fékk hann sig þá stax lausan og hélt aftur til Hafnar.. Hann ræður sig svo á tankskipið EMMU MÆRSK ..


                                                                                                                                               © photoship
Á þessu skipi er hann svo í átján mánuði.Eins og  samningar í "langfart" sögðu til um í þá daga.Það munaði minnstu að Ólafur réði sig á skólaskipið KÖBENHAVN En danskur skipstjóri á EMMU MÆRSK kom í veg fyrir það Og bjargaði þannig lífi hans en skólaskipið hvarf eftir brottför frá La Plata í Argentínu

Þessi mynd sem er sennilega síðasta mynd sem tekin var af KÖBENHAVN er tekin frá EMMU MÆRSK við brottför þess skips frá La Plata

                                                                                               © Mynd úr bók Ólafs með leyfi afkomenda

Hann skráist af skipinu í New York. Ræður sig þar eina ferð á "drullukláf" sem SVERGEN (fann enga mynd) hét og átti að lesta ál frá Nýfundnalandi til Hamborgar Þar afskráist Ólafur og fer þaðan til Hafnar þar sem hann kemst heim sem vinnandi farþegi á BRÚARFOSSI.

Falleg málverk af "Gamla BRÚSA" málað af Robert Panitzsch 1937


                                                                                             Úr safniFinn Bjørn Guttesen
Það gerðust ýmsir atburðir á þessum skipum sem skemmtilegt er að lesa um í f.g bók Er heim kemur byrjar hann að búa sig undir nám í Stýrimannaskólan í Reykjavík.Fer ferð og ferð á GULLFOSSI og ÓÐNI.Nýtur leiðsagnar stýrimannana á þessum skipum við væntanlegt nám Í Stýrimannaskólann innritast hann svo 1930.

Óðinn I

                                                                                                          Mynd skönnuð úr gamalli bók © óþekktur

Á ýmsum fiskibátum og á SUÐURLANDINU á milli bekkja Hann lýkur farmannaprófi 1932

Skólapiltar 1931-2


Hann lendir í slæmum veikindum og fer fyrst á Vífilsstaði og síðar eitt sumar norður á Strandir. Hann nær sér nokkurnveginn Upp úr því fór hann á SKELJUNG og LAXFOSS .

Skólabræður Ólafs í Farmannadeildinni 1932. Þarna má sjá margan kappan sem seinna urðu þekktir skipstjórar og hafnsögumenn



SUÐURLAND Hér sem M.DAVIDSEN

                                                                                               © Handels- og Søfartsmuseets.dk

LAXFOSS

                                                                                                               Mynd skönnuð úr gamalli bók © óþekktur

SKELJUNGUR I

                                                                                                      © Sigurgeir B Halldórsson
Eftir að hann hafði náð sé alveg að fullu hélt hann á fund Nielsen forstjóra Eimskipafélagsins og hermir upp á hann loforðið gamla. Og forstjórinn stóð við sitt og Ólafur fór um borð í sitt gamla skip, GULLFOSS I 

GULLFOSS I


                                                                                              Mynd skönnuð úr gamalli bók © óþekktur

ESJA II

                                                                               © Handels- og Søfartsmuseets.dk

Og er svo á honum þar til skipið var kyrrsett í Kaupmannahöfn þ 9 apríl 1940  Áhöfnin kom svo heim með ESJU II úr hinni frægu Persamóferð 15 okt 1940. Ólafur er svo sem II stm stýrimaður á DETTIFOSSI þar til dagar þess skips voru taldir  Hér  má sjá endalok þess skips

Dettifoss


                                                                                                          Mynd skönnuð úr gamalli bók © óþekktur

Eftir það á REYKJAFOSSI I þar til 1947 að hann mættir sjómennsku og gerist forstjóri Togara afgreiðslunnar

Hér er REYKJAFOSS I í Vestmannaeyjum


                                                                                                © Tryggvi Sigurðsson

Hér eru svo að lokum nokkrar myndir úr bókinni um æfi Ólafs Tómassonar

Hluti skipshafnar á EMMU MÆRSK

                                                                                                        © Mynd úr bók Ólafs með leyfi afkomenda
Skipshöfn GULLFOSS I 1925

                                                                                                          © Mynd úr bók Ólafs með leyfi afkomenda

Síðasta skipshöfnin á GULLFOSSI I 1940

© Mynd úr bók Ólafs með leyfi afkomenda

                                                                                                    

Tengill á færslu
Lokað fyrir álit

26.07.2015 16:13

Hofsjökull II

on



Tengill á færslu
Lokað fyrir álit

25.07.2015 14:43

Jón Steingrímsson IV

"Síðan" var svo óþæg við mig í gær að ég hreinlega gafst upp. En hvað um það.Þegar við skildum við Jón hafði hið góða skip POLAR Viking verið selt og hann mist starf sem honum þótti mikill fengur í. Hann var í fríi þegar bréfið um sölu skipsin og uppsögnina barst. Hann skrifaði nú til nokkura skipaútgerða og fékk jákvæð svör



BALTIC WASA

                                                                                                                          © söhistoriska museum se

Best leist honum á Salénútgerðina.Og hjá þeim hóf hann störf í mars 1974 Salén var vel stætt og um þessar mundir stærsta kaupskipa útgerðarfélag í Svíðþjóð..Félagið rak á þessum árum sjö risaolíuflutninga skip ( ULCC Ultra Large Crude carriies ) 16 Stórflutningaskip (bulk carries ) og 16 nýtísku og hraðskreið kæliskip. Einnig hafði það um 80 þesslags skip á leigiu Launin hjá þeim voru góð Tvöfaldar áhafnir á hverju skipi og skift á fjögurra mánaða millibili.Allar ferðir greiddar og fæðispeningar í fríum,

ATLANTIC WASA

                                                                                                                           © Rick Cox

Fyrsta skip Jóns  BALTIC WASA eitt af bulc carrier skipum félagsins. Siða lá leiðin á nýsmíði bulc carrier sem fékk nafnið ATLANTIC WASA sem Jón kom um borð í í Saiki,Japan .Næst skip hét ATLANTIDE og var ávaxta flutningaskip
ATLANTIDE

                                                                                                                                           © Chris Howell

Síðan ARGONAUT einnig kæliskip


                                                                                                                                   © Chris Howell
Nú í apríl 1977 fer Jón aftur á ATLANTIDE og var þar framm í nóv 1977. En þetta voru síðustu ferðir skipsins undir sænskum fána.


ATLANTIDE


                                                                                                                                               © Michael Neidig

En það hafði verið selt til Grikklands Þá er röðin komin að SNOW FLOWER.

SNOW FLOWER.
                                                                                                                                           © Chris Howell

                                                                                                © söhistoriska museum se

Sem Jón var svo á þar til hann hætti farmennsku en sjómennsku hélt hann áfram á fimm tonna trillu sem hann keypti sér og gerði út frá Hafnarfirði Jón lést svo þ 26 júni 2004 Blessuð sé minning þessa sóma manns  
Tengill á færslu
Lokað fyrir álit

24.07.2015 19:56

Jón Steingrímsson III

Áður en við höldum áfram vil ég vekja athygli manna á æfisögu Hannesar Hafstein sem Steinari J Lúðvíksson skráði. En Hannes var þriði stm á Tungufossi I Þar er skemmtilega sagt frá ferð skipsins  til Ríó de Janeiro. Og einnig þegar Jón leysir af sem skipstjóri í ferð til Miðjarðarhafsins og Júlíus faðir Hannesar fer með sem farþegi.Og ég vil aftur minna á að þetta er ekki æfisaga Jóns heldur yfirlit yfir skipin sem hann sigldi á Við skildum við Jón þar sem hann er eigilega milli skipa. En þó tengdur TUNGUFOSSI

Jón um borð í einu af skipunum sem hann var á erlendis

                                                                        Mynd úr bók Jóns Steingrímssons með leyfi afkomenda © óþekktur
Og atvik honum óhagstæð gera það að verkum að hann hættir störfum hjá Eimskipafélagi Íslands.En ekki lætur þessi dugmikli sjómaður árar í bát heldu leita út fyrir landsteinana..Fyrsta erlenda skipið sem hann skráist sem þriðji stm.á hét CHOLUTECA (systurskip Tröllafoss). En skipið var eitt af  KNOT skipunum frægu hét fyrst BIGHT KNOT

Hér heitir  CHOLUTECA, ESPERANZA

                                                                                                                                     © photoship

Var það vorið 1959.Þetta varð nú stutt vera því United Fruit  & co sem átti skipið var að fækka við sig skipum .Varð þetta því aðeins ein ferð en samt stóð þó yfir í  einn og hálfan mánuð.En þarna var Jón komin að hjá National Bulk Carries  sem disponeraði fjölda skipa,Síðsumars 1959 skráðist hann á næsta skip sem var skaddað Liberty skip WILLIAM R TOLBERT  sem lá í Baltimore Var það í eigu D.K Ludwigs.

Systurskip WILLIAM R TOLBERT

                                                                                                                     © photoship
En skipið hafði tekið niðri við Trinidad og botninn stórskemmst Það átti að sigla skipinu til Japan á bráðabirðar hafæriskírteini  þar sem rífa átti það. Og áður en það skeði átti áhöfnin að halda til í skipinu meðan ljúka var við nýtt skip ORE NEPTUNE sem Ludwigs var að láta smíða í Kure Japan.

ORE NEPTUNE

                                                                                                                                      © Leo Johannesen

Það skip var tilbúið ársbyrjun 1960 og skráist Jón þar sem annar stm.Var Jón á þessu skipi um sex mánaða skeið. Líkt og þegar Jón leit upp af hvalbak SELFOSS gamla og sá upp í  skut TRÖLLAFOSS og dáðist að stærð skipsins kom nú eiginlega svipað fyrir. Þegar hann hafði verið skipstj. á TRÖLLAFOSSI hafði hann séð umfjöllun í Sjómannablaðinu Víking um risaskip sem þá var í smíðum. Þá greip hann löngun til að sigla á þannig skipi. En nú  hagaði svo til að Jón fór svo um mitt sumar sem annar stm á olíuflutningaskipið PETROLENE

PETROLENE

                                                                                                                                                © photoship

Eimitt sama skipið og hann var að skoða í Víkingnum nokkrum árum áður. Á þessu skipi ver Jón í rúm tvö ár . Sumarið 1963 ræðst hann sem stm á ORE TITAN.

ORE TITAN.

                                                                                                                             © Rick Cox

Er þar stuttan tíma  kemur heim í frí En leysir Steinarr Krístjánsson af sem skipstjóri eina ferð á SELÁ.Er þarna var komið sögu var Jón farinn að hugsa til Svía um atvinnu. Og fyrsta tækifærið sem hann fær er snemma vors 1964 á CYGNUS Litlu sænsku skipi sem statt var í Keflavík og vantar stýrimann..Þar fer hann eina ferð( hef ekki fundið mynd af því skipi)

SELÁ I


                                                                                                               © T. Diedrich
En ræður sig svo í apríl sama ár á BISKOPSÖ Þar var Jón í rúmt ár. En þar sem svíar taka ekki íslensk skipstjórnarréttindi fullgild fyrr en eftir að teknin hafa verið einskona test ( eins og í mínu tilfelli) varð hann að víkja fyrir svía með full réttindi..

BISKOPSÖ

                                                                                                               © söhistoriska museum se


Eftir dvölina þarna dreif Jón sig í að fá full sænsk réttindi sem honum reyndist létt að standast. Eftir það réði hann sig hjá Transatlantis  skipafélaginu í Gautaborg  Fyrsta skip hans þar var KANANGOORA . Þar var hann í eitt ár.


KANANGOORA .


                                                                                                                                    © söhistoriska museum se
Hann var svo í fríi hér heima síðla sumars 1966 þegar olíuskipið Bera frá f.g skipafélagi lá hér við Lauganestanga og losaði olíu. Þarna vantaði annan stm og af því Jón var við hendina ef svo má að orði komast var hann beðin að taka starfið sem hann og gerði. Og var hann fimm mánuði þar um borð.

Hér hefur BERA fengið nafnið ATHENIAN VICTORY

                                                                                               © Rick Cox
Eftir það ræðs hann á ALBANY sem var að hálfu í eigu f.g félags og Saléns skipafélagsins. Fór hann þar um borð í í maí 1967. Þarna komst hann aðeins með tærnar inn hjá Salén félagsins sem átti eftir að hagnast honum seinna. Á þessu skipi sigldi hann í þrettán mánuði .

ALBANY

                                                                                                               © söhistoriska museum se
En nú var Transatlantic búið að selja 14 skip og komið í vandræði með fastráðna stýrimenn..Og Jóni var sagt að hann þyrfti að bíða um tíma eftir starfi. Hann setti sig þessvegna í samband við aðra útgerða menn.Þ.á.m íslenska konsúlinn í Helsingborg, útgerðarmanninn. Helge Winck. Jón fór svo á skip hans I.W.WINCK (hef ekki fundið mynd af skipinu) Þarna fór hann eina ferð En það var síðasta ferð skipsins undir sænskum fána.En það hafði verið verið selt til S Ameríku.

TÄRNSJÖ

                                                                                                                  © söhistoriska museum se
Eftir það tók hann tímabundið  starf á litlu sænsku olíuskipi TÄRNSJÖ sem sigldi á ströndinni þarlendis.Þar gerði hann stutt stans en réðist svo sem yfirstm í afleysningu á HASTING frekar lítið frystiskip.

HASTING

                                                                                                                                                     © Chris Howell

Það var svo í mars 1970 að Jón ræðst á POLAR VIKING skip sem hann átti svo eftir að sigla með í fjögur ár fyrst sem yfirstm síðar sem skipstjóri í hálft annað ár.En svo þegar Jón var í fríi var skipið selt og honum sagt upp POLAR VIKING var síðasta skipið sem Jón var á áður en hann réðist til Salén skipfélagsins 

POLAR VIKING

                                                                                                                          © söhistoriska museum            
Það er búið að vera óvenjulega leiðinleg að færa inn á síðuna í kvöld svo Salén skipin verða að bíða En ég vona að allavega flest hafi að lokum skilað sér inn                                                                                         
Tengill á færslu
Lokað fyrir álit

22.07.2015 22:20

Jón Steingrímsson II

Þetta er ekki nein æfisaga Jóns Steingrímssonar. Frekar svona yfirlit yfir þau skip sem hann var á En æfisögu sína segir hann sjálfur Í bókunum: "Kolakláfar og Kafbátar" og:" Um Höfin til Hafnar" Ræð ég þeim sem ekki hafa lesið þessar bækur að gera það

Stýrimannaskólinn 1936



Við skildum við Jón þegar hann var kominn í Stýrimannaskólann í Reykjavík haustið 1934.Milli bekkja var hann á bæði vélbátum og togara Einnig strax eftir að hafa lokið náminu.

GULLFOSS I


                                                                                        © Handels- og Søfartsmuseets.dk

En 1.okt 1937 ræðst hann sem háseti á GULLFOSS I Og er viðloðandi hann sem háseti og þriðji stýrimaður þar til skipið er yfirgefið af íslendingum í Kaupmannahöfn þ 18 okt 1940.Eftir hernám þjóðverja í Danmörk.Undan skilin var þó ein ferð á SELFOSS I  Jón kom svo ásamt skipsfélögum sínum heim með ESJU í hinni frægu Petsamoferð.Svo er hann á ýmsum skipum m.a eina ferð á BRÚARFOSSI I . Þar til 23 okt 1941 að hann ræðst háseti á SELFOSS I.

BRÚARFOSS I


                                                                                                                                         © photoship

SELFOSS I

                                                                                                                                       Úr mínum fórum © Ókunnur

Og byrjar þar eiginlega samfeldur ferill hans hjá Eimskipafélagi Íslands sem stóð til 1958. Á SELFOSSI lýkur svo hásetaferillinn. En þar verður hann annar stýrimaður strax eftir fyrstu ferðina  En á skipinu var hann svo hálft annað ár.Næsta skip var svo DETTIFOSS Þar sem hann fór eina ferð. Síðan á FJALLFOSSI I lungan úr árinu 1944 Og þaðan lá leiðin á LAGARFOSS I.Þar var hann þegar friður komst á í Evrópu.Á þessum árum voru miklar "hrókeringar" á stýrimönnum hjá Eimskipsfélaginu.

DETTIFOSS I


                                                                                       Mynd úr mínum fórum © óþekktn


REYKJAFOSS


                                                                                                                     Mynd úr mínum fórum © óþekktn


FJALLFOSS I


                                                                                                                   © Sigurgeir B Halldórsson
LAGARFOSS I


                                                                                                    Mynd úr mínum fórum © óþekktur
Strax eftir stríðið var Jón ýmist á REYKJAFOSSI , SELFOSSI,og FJALLFOSSI Og á honum var hann svo stöðugt frá því í júí 1948-maíloka 1951. Skipið var þá selt og afhent í Gautaborg.

REYKJAFOSS II



                                                                                                                                                                               @ PWR


Áhöfnin kom sem farþegar heim með GULLFOSSI Seinna þetta sumar fór svo Jón ásamt fleirum til Ítalíu og tóku við REYKJAFOSSI II sem Eimskipsfélagið hafði þá nýlega keypt.Þar var hann í rúmt ár. Þar næst fimm mánuði á SELFOSSI I Og svo aftur á REYKJAFOSS II Síðan lá leið Jóns til  Kaupmannahafnar í okt.1953 á nýsmíðað skip TUNGUFOSS.I

TUNGUFOSS.I

                                                                           © Charlie Hill frá Swinefleet/Peter William Robinso

Á Tungufossi fer Jón að leysa af sem skipstjóri.Þar var hann svo þar til að í lok árs 1954 að hann tekur við skipstjórn á TRÖLLAFOSSI. Honum segist svo frá í æfisögu sinni: "Í síðustu ferð minni á SELFOSSI I nokkrum mánuðum áður,var mér minnistætt þegar við komum til Reykjavíkur seint um kvöld og bundum rétt fyrir aftan TRÖLLAFOSS Ég var fram á bakka og mændi upp í rassgatið á þessu mikla skipi og hugsaði sem svo að þarna væri eflaust gott að vera.Þá grunaði mig síst af öllu síst þessi snöggu skipaskifti"

TRÖLLAFOSS hér í Hamborgr

                                                                                                                                         © Björgvin S Vilhjálmsson

Á Tröllafossi er hann svo um hríð ýmist sem yfirstýrimaður eða skipstjóri Svo aftrur á TUNGUFOSS En  örlögin grípa svo í taumana 1958. En þá lýkur veru hans hjá Eimskipafélaginu.Og þessum hluta skipssögu Jóns

Hér er Jón fyrir miðju sem yfirstm.á TRÖLLAFOSSI

                                                                                       Mynd úr bók Jóns Steingrímssons með leyfi afkomenda © óþekktur

Hér er Jón sem skipstjóri á Tungufoss Með honum á mynd er Albert yfirvélstj.

                                                        Mynd úr bók Jóns Steingrímssons með leyfi afkomenda © óþekktur

Tengill á færslu
Lokað fyrir álit

21.07.2015 22:29

Jón Steingrímsson I

Ég á góðan vin á Ísafirði Heiðar Kristinsson fv skipstjóra sem oft blæs mér í brjóst efni til að skrifa um.T.d að skrifa um markverða sjómenn og skip.Nú ætla ég að skrifa um sjómann sem þræddi veginn upp í skipstjórastöðu. Hér á ég við Jón heitinn Steingrímsson (1914-2004) fv skipstjóra.

Jón Steingrímsson skipstjóri



Afi Jóns var hið ástsæla ljóðskáld og prestur Matthías Jochumson. Faðir Jóns Steingrímur var þekktur læknir á Akureyri. Hugur Jón hneigðist til sjómennsku strax á barnsaldri, Faðir hans hafði sem nýútskrifaður læknir í Kaupmannahöfn ráðið sig sem skipslæknir á A-Asíufarið PRINS VALDERMAR

PRINS VALDERMAR skipið sem faðir Jóns var á sem skipslæknir


                                                                                                                          © Handels- og Søfartsmuseets.dk
Og skrifað bók um ferðina sem sonurinn las og drakk í sig Jón skráðist á sitt fyrsta skip um vorið 1928. Skipið hét STRÖNA og var einskonar birgðarskip fyrir norska síldveiðiflotann út af Norðurlandi. Fyrsta ferðin var til Bergen í Noregi að sækja kol,salt og tunnur. Síðan var lónað á miðunum og skipunum veittur beini þegar með þurfti. Svo er leið að haust fékk Jón sig lausan og komst heim.Ekki vakti þessi sjómennska neinar heitari ástríðu til sjómennskunnar hjá honum. En hann settist á skólabekk í M.A fljótlegs þegar í land var komið Næsta sumar var hann svo við brúarsmíði á Norðurlandi.Um haustið 1929 fór móðir hans með hann og þrjú yngstu börn sín til Reykjavíkur


Ströna fyrsta skipið sem Jón skráðist á 1928

                                                                                 © Mynd úr bók Jóns Steingrímssons með leyfi afkomenda © óþekktur

Ferðuðust þau með "DRONNING ALEXANDRINE". Á leiðinni suður forhertist Jón og fastákvað að gerast sjómaður. Er suður kom settist hann í Gagnfræðiskóla Reykvíkinga En dugði ekki veturinn heldur réði sig sem þjón yfirmanna á GOÐAFOSS II Ætlunin var að komast þar á "dekkið" sem ekki tókst og varð hann fljótt leiður í þjónsstarfinu.

GOÐAFOSS II
                                                                                     Mynd úr gömlum ritum um E.Í © óþekktur

Hann hætti því síðsumars á GOÐAFOSSI. Komst hann þá strax í brúarvinnu fyrir norðan og las svo utanskóla 3 og 4 bekk M.A fram á vetur. Hann hafði sótt um starf á erlendum skipum og strax eftir áramót 1930-31 kom skeyti um laust starf sem hann gat fengið. Var það á dönsku seglskipi SUZANNE sem statt var í Le Harve í Frakklandi. Utan fór Jón með BRÚARFOSSI til London svo með lestum og ferjum til Le Harve

SUZANNE

                                                                                                                                    © photoship

Jón lét eftir sig stórt og skemmtilegt safn ljósmynda frá veru sinni á SUZANNE. Sonur hans Ársæll læknir var svo vingjarnlegur að senda mér slatta af þeim en plássins vegna birti ég bara nokkrar hér

                                                                 Mynd úr safni Jóns Steingrímssons með leyfi afkomenda © óþekktur


                                                           Mynd úr safni Jóns Steingrímssons með leyfi afkomenda © óþekktur


                                                                  Mynd úr safni Jóns Steingrímssons með leyfi afkomenda © óþekktur


                                                                                    Mynd úr safni Jóns Steingrímssons með leyfi afkomenda © óþekktur


                                                                   Mynd úr safni Jóns Steingrímssons með leyfi afkomenda © óþekktur


                                                              Mynd úr safni Jóns Steingrímssons með leyfi afkomenda © óþekktur


Eftir að hafa siglt um heimshöfin í tæp tvö ár aðalega til Vestur Indía á SUZANNE fanns Jóni tími kominn að skifta um skip og afskráðist því af skipinu í Le Harve. Eftir mánaðar frí það réði Jón sig a norskt bananaflutningaskip CADMUS

CADMUS

                                                                                                              © Sjöhistorie.no

Þarna sigli Jón um hríð en skipið sigldi milli Frakklands og frönsku eyjanna í V Indíum, Martinique og Guadeloupe o fl. Svo kom að því að vistinni lauk á þessu skipi.Ástæðan var sú að í einni ferðinni upp til Frakklands kom skeyti um að þegar skipið væri útlosað í Bordeaux skyldi það koma heim til Osló og þar ætti að leggja því. Í Bordeaux dvaldi í tvo mánuði en ýmiss atvik höguðu því til að hann varð handlama um hríð og gat ekki fengið skipsrúm í þann tíma En svo fékk hann stöðu sem léttmatrós á dönsku skipi er BOGÖ hét.

BOGÖ

                                                                                 Mynd úr bók Jóns Steingrímssons með leyfi afkomenda © óþekktur

Það flutti flugvélabensín í tunnum til Madeira, Senegal og Kanaríeyja. Á Bogö var Jón í átta mánuði. Þrátt fyrir að líka vel þarna um borð var komin ókyrrð í hann svo hann afskráðist af skipinu í nóvember 1933 í Bordeaux og hélt til Kaupmannahafnar. Þar réði hann sig milli jóla og nýars sem léttmatros á danskt sem sem hét TEKLA

TEKLA

                                                                                                              © Handels- og Søfartsmuseets.dk

En á þessu skipi var dvölin stutt því að í fyrstu höfn sem var pólsk Neuefahrwasser skifti hann um skip við danskan háseta af seglskipi FUGLEN frá Ærösköping og sigldi nú sem fullgildur háseti þar.

FUGLEN
                                                                                                        © Handels- og Søfartsmuseets.dk

Á þessu skipi var Jón svo það sem eftir lifði vetrar En afskráðist svo af því í Finnlandi snemmsumars 1934. Hélt svo til Kaupmannahafnar og komst þar um borð í GULLFOSS sem vinnandi farþega. Þ.e.a.s fékk að vinna um borð upp í fargjaldið. Fór síðan á síld og var á henni fram í ágústlok Og settist svo í Stýrimannaskólann í Reykjavík þá seinna um haustið

Tengill á færslu
Lokað fyrir álit

19.07.2015 20:54

Gamall bátur

Hér er saga um gamlan vel varðveittan bát

Faxen

                                                                                                               © José A. Sánchez 

Tengill á færslu
Lokað fyrir álit

19.07.2015 16:35

Þungaflutningaskip

Þungaflutningaskip hafa verið til umfjöllunar hér á síðunni undanfarið Hér er eitt  MARIAECK

MARIAECK

                                                                                                                         © Paul Morgan (simonwp)

Skipið var smíðað hjá Van Duijvendijk's í Lekkerkerk Hollandi 1969 sem: MARIAECK Fáninn var:þýskur Það mældist: 499.00 ts, 1083.00 dwt. Loa: 77.00. m, brd 13.10. m 1975 var skipinu breytt í Heavy Lift Vessels  Eftir það mældist það 687.00 ts 1100.00 dwt.Og loa:92.00. Skipið gekk undir þessum nöfnum:  1981 MARI-LIFT - 1985 JELLYN - 1987 SPRING - 1995 AGIA KYRIAKI Nafn sem það bar síðast undir grískum fána En það var rifið í Aliaga 2007

MARIAECK


                                                                                                                                    © Rui Amaro

Hér má lesa meira um skipið
Tengill á færslu
Lokað fyrir álit

19.07.2015 14:47

Fyrir 14 árum

Það var mikið umleikis við Hafnarfjarðarhöfn þ10 júlí 2001 Þegar níu fiskibátar bættust við þann flota á einu bretti. En flutningaskipið Wiebke kom með þá frá Kína Svona segir "Mogginn m.a frá þessu:"Siglingin frá Kína tók alls 80 daga en skipið flutti einnig með sér varning til annarra hafna á leiðinni. Wiebke er þýskt skip og sérbúið til þungaflutninga en það er 153 metra langt og 8.500 brúttótonn og er því eitt stærsta skip sem lagst hefur að bryggju í Hafnarfirði. Skipið er með heimahöfn skráða í St. John's á Nýfundnalandi".(misskilningur ath mín)

Úr Morgunblaðinu 11 Júlí 2001



WIEBKE.Þarna að flytja skemmibáta

                                                                                                                                         © Sinisa Aljinovic  

Skipið var smíðað hjá Sietas í Neuenfelde Þýskalandi 2000 sem: WIEBKE Fáninn var: Antigua and Barbuda Það mældist: 8397.00 ts, 9531.00 dwt. Loa: 151.70. m, brd 21.20. m Skipið hefur aðeins gengið undir þessu eina nafni og hefur sama fána

WIEBKE

                                                                                                                                 © Sinisa Aljinovic

 
                                                                                                                                 © Sinisa Aljinovic 

 
                                                                                                                                   © Sinisa Aljinovic  
Tengill á færslu
Lokað fyrir álit

19.07.2015 12:56

Árekstur

Um kl 0220 í nótt rákust saman ferjan STENA JUTLANICA og tankskipið TERNVIND Þetta skeði við Vinga úti fyrir Götaborg Svona segja svíarnir frá þessu

Skemmdir á TERNVIND

                                                                                                  Mynd úr Göteborgs Posten © ekki getið

Skemmdir á STENA JUTLANDICA

                                                                                                       Mynd úr Göteborgs Posten © ekki getið

STENA JUTLANDICA

                                                                                                                         © Tomas Østberg- Jacobsen

Skipið var smíðað hjá Van der Giessen-de Noord í Krimpen a/d Ijssel Hollandi 1996 sem: STENA JUTLANDICA III Fáninn var:sænskur Það mældist: 26691.00 ts, 6559.00 dwt. Loa: 182.40. m, brd 28.40. m Skipið hefur gengið undir þessum nöfnum: Strax 1996 var III tekið af svo eftir stóð STENA JUTLANDICA Nafn sem það ber í dag undir sama fána

STENA JUTLANDICA

                                                                                                                        © Tomas Østberg- Jacobsen


                                                                                                                    © Tomas Østberg- Jacobsen

TERNVIND

                                                                                                                                    © Marcel & Ruud Coster

Skipið var smíðað hjá Dearsan Gemi í Tuzla Tyrklandi 2008 sem: SAKARYA Fáninn var: Malta Það mældist: 7321.00 ts, 11258.00 dwt. Loa: 130.00. m, brd 19.80. m 2014 fékk skipið nafnið TERNVIND Nafn sem það ber í dag undir DIS fána


TERNVIND

                                                                                                                                © Marcel & Ruud Coster


                                                                                                                        © Marcel & Ruud Coster


Tengill á færslu
Lokað fyrir álit

18.07.2015 21:59

Happy Dover

Án þess að hafa hugmynd um það þá geri ég ráð fyrir að þetta skip sé á vegum Eimskip. En hér má lesa um hvað málið snýst

HAPPY DOVER

                                                                                                                                       © Marcel & Ruud Coster

Skipið var smíðað hjá Zhejiang Ouhua SB Co í Zhoushan Kína 2011 sem: HAPPY DOVER Fáninn var:hollenskur Það mældist: 14784.00 ts, 16800.00 dwt. Loa: 156.50. m, brd 22.80. m Skipið hefur aðeins gengið undir þessu eina nafni og fáninn er sá sami

HAPPY DOVER

                                                                                                                       © Marcel & Ruud Coster


                                                                                                                      © Marcel & Ruud Coster


                                                                                                                            © Marcel & Ruud Coster


                                                                                                                                   © Marcel & Ruud Coster


Tengill á færslu
Lokað fyrir álit

18.07.2015 20:13

Eimskipafélag íslands 50 ára

Eimskipafélag Íslands hafði ýmislegt á prjónunum hvað varðaði framtíðina á 50 ára afmælinu 1965.Enda hafði 1964 verið mjög hagstætt félaginu Við skulum líta á fréttir frá félaginu árið 1965 Tvö af skipum félagsins hafa verið seld úr landi, þar sem þau voru orðin gömul og dýr í rekstri Tröllafoss, sem var 19 ára gamall, keyptur 1948 af E. f. fyrir 4.5 millj. kr., var seldur fyrir rúml. 10.1 milljón kr.

TRÖLLAFOSS á ströndinni

                                                                                                        © Björgvin S Vilhjálmsson

Reykjafoss var seldur fyrir 9 milljónir kr,en skipið var 17 ára gamalt, keypt 1961 fyrir rúmar 10 milljónir  Eimskipafélagið hefur gert samninga við Alborg Værft í Danmörku um smíði tveggja skipa, sem geta flutt um 3.500 tonn af vörum hvort. Heildarkostnaður við hvort þeirra er um 56 milljónir kr.

Reykjafoss II

                                                                                                                                        © Rick Cox

Annað skipið var afhent félaginu s.l. fimmtudag,(skrifað 21 maí 1965) en því hefur verið gefið nafnið Skógafoss, og er það væntanlegt til Reykjavíkur um miðjan júní n.k. Síðara skipið kemur væntanlega í október eða nóvember í haust Áform um byggingu nýs farþegaskips eru á prjónunum og hefur verfð leitað til Alborg Værft um tillögur og uppdrætti  að nýju skipi og er á næstunni von á hvorutveggja.

Skógafoss I
                                                                                             © Peter William Robinson

Gert er ráð fyrir, að nýtt farþegaskip, sem tæki 350 farþega, muni ef til vill kosta um 200 milljónir króna. Langan tíma mun taka að hrinda áformi um nýtt farþegaskip í framkvæmd. Farþegar með skipum Eimskip 1964 voru alis 7955, þar af 7193 með Gullfossi. Var þetta 1350 farþegum fleira en 1963 og hefur farþegafjöldinn aldrei verið meiri í sögu félagsins.Um þetta leiti var Eimskipafélagið með 3 leiguskip á sínum snærum. Þessi skip voru frystiskip og hvert öðru fallegra að mínu mati Fyrst ber að nefna skip sem seinna komst í eigu félagsins

ECHO


                                                                                                                                                      @Jan Harteveld


PLAYA DE LAS CANTERAS

                                                                                                                © T.Diedrich

Skipið var smíðað hjá Soc Espanola de CN (SECN) í Sestao Spáni 1964 sem:PLAYA DE LAS CANTERAS Fáninn var: spænskur Það mældist: 1568.00 ts, 1455.00 dwt. Loa: 82.70. m, brd 11.80. m Það gekk aðeins undir þessu eina nafni og fáninn var sá sami Skipið var rifið á Spáni 1985

PLAYA DE LAS CANTERAS

                                                                                                                      © photoship

PLAYA DE MASPALOMAS

                                                                                                                                        © T.Diedrich

Skipið var smíðað hjá Soc Espanola de CN (SECN) í Sestao Spáni 1965 sem: PLAYA DE MASPALOMAS Fáninn var: spænskur Það mældist: 1568.00 ts, 1453.00 dwt. Loa: 82.70. m, brd 11.80. m Það gekk aðeins undir þessu eina nafni og fáninn var sá sami Skipið var rifið á Spáni 1986

Tengill á færslu
Lokað fyrir álit
Næsta blaðsíða
Flettingar í dag: 5867
Gestir í dag: 252
Flettingar í gær: 0
Gestir í gær: 0
Samtals flettingar: 195960
Samtals gestir: 8396
Tölur uppfærðar: 14.3.2025 23:12:18
clockhere