28.03.2014 14:46

Málin að skýrast

Ég vil byrja á að þakka frómar óskir mér til handa frá ykkur félögunum. Nú standa málin þannig að búið er að skifta um "Magnetrónu í bb radar og hann orðinn miklu skýrari. Þeirri í stb verður skift út í maí.

Í morgun voru svo teknar myndir af"skilvindunum" og "úrgangsvatnstanknum".Niðurstöður fengnar síðar.Þessum myndum er stolið af netinu og hafa ekkert með mínar skilvindur að gera

Nú svo er það strætó til Stykkishólms á sunnudagskvöld í lenginguna hjá Jósef.verð þar í viku.Þar verður tekið á móti mér af góðum vini Kristjáni Guðmundssyni vélstjóra. Nú þegar ég ferðast um í borg óttans er ég yfirleitt ferjaður af manni með farmannaprófið Sigurði Gunnlaugssyni ekki veitir af í ranghölum fg borgar Nú svo er kallinn í góðu yfirlæti á herb 309. á Sjúkrahótelinu.Og þær skiftast á á morgnana önnur sennilega frá Afríku og hin frá Asíu að kíkja á kallinn. Og þá gildir lögmálið "bara skoða ekki snerta" Þetta hefði nú einh..... jæja ekki lengra út á hinn hála ís

Tengill á færslu

Lokað fyrir álit

25.03.2014 13:57

Klössun

Kallinn er að fara í nokkuð mikla klössun. Radararnir verða uppfærðir og endurnýjaðir. Skolpleiðslur kannaðar. Loks er lenging á teikniborðinu Allavega á að teygja svo á honum að að hægt sé að sprauta einhverju á milli hryggaliða. Þannig að "Síðan" verður kannske í hálfgerðum dvala á mæstunni. Það kemur til með að velta á netsambandi hvar kallinn er staddur hverju sinni. Bless á meðan

Tengill á færslu

Lokað fyrir álit

24.03.2014 21:27

KLÓ

Þó að hér á síðunni eigi helst að fjalla um "fragtskip" þá ætla ég að gera smá undantekningu nú. Það er alltaf fagnaðar efni þegar "nýtt" skip kemur í bæinn. Þótt smálesta fjöldi flotans í bænum bifist lítið upp við það. Eigandinn Georg Eiður Arnarsson er einn af dugmestu "trilluköllum" bæjarins Ekki á hann langt að sækja dugnaðinn því hann er dóttursonur Júlla frá Skjaldbreið. Júlíusar Sigurðssonar sem var elstur þeirra þriggja Skjaldbreiðarbræðra sem voru þekktir og fengsælir fiskiskipstjórar hér í Eyjum á árum áður Georg hefur undanfarin ár róið á bát sínum Blíðu og gert það skínandi gott eins og sagt er. En svo hrundi vélin í vetur svo hann réðist í þessi skifti Fragtskip.123.is óskar Georg til hamingu með nýja bátinn og megi allt ganga honum í haginn með hann

KLÓ heitir báturinn nú en hann fær nú sennilega nafnið BLÍÐA bráðlega

© óli ragg

Svo höfum við það eins og með fragtdallana:

Skipið var smíðað hjá Bátasmiðju Guðmundar í Hafnarfirði Ísland 1990 sem: KLÓ Fáninn var: íslenskur Það mældist: 6.88 ts, 10.41 dwt. Loa: 10.81. m, brd 3.00. m Skipið hefur aðeins gengið undir þessu eina nafni og fáninn er sá sami.Vélaraflið ætti að var nægilegt því í bátnum er 2 Gummingasvélar og munu hestöflin vera 401.47. Gaman að þessu

Tengill á færslu

Lokað fyrir álit

23.03.2014 15:23

Hlífiskjöldur skipanna

Í 39 tbl Lesbókar Morgunblaðsins þ 17-09- 1939 byrtist þessi grein undir nafninu
"Hlífiskjöldur skipanna" En 1 sept. það ár braust WW2 út með mikilli hættu fyrir sjófarendur á N- Atlantshafi Þessi þarna nefndur "Hlífiskjöldur" mun hafa veitt Íslenskum skipum einhverja vörn í byrjum stríðsins En svo kom hafnbann Þjóðverja. Kæmi til stríðs í dag skildi fáninn sem skip Gufuskipafélags AG sigla undir veita þeim íslensku sjómönnum sem á þeim eru nokkra vörn???

Skipin sem um er rætt könnumst við mörg okkar við

Hér heitir Katla MANCHIONEAL

© Sjöhistorie.no

Skipið var smíðað hjá Burmeister & Wain í Kaupmannahöfn Danmörk1911 sem MANCHIONEAL Fáninn var: norskur Það mældist: 1654.0 ts, 2010.0 dwt Loa: 77.80. m, brd 10.90. m Skipið gekk undir þessum nöfnum: 1934 KATLA - 1945 REYKJAFOSS - 1949 NAZAR - 1955 CERRAHZADE Nafn sem það bar síðast undir tyrkneskum fána En það var rifið í Tyrklandi 1967

Hér sem KATLA með "öryggisskildina" á síðunum

. úr mínum fórum © ókunnur
GULLFOSS I

                                                                                        © Sigurgeir B Halldórsson

Skipið var smíðað hjá Kjøbenhavns Flydedok í Kaupmannahöfn 1915. Það þjónaði svo Eimskipafélaginu til 1940 að það var kyrrsett af þjóðverjum í Kaupmannahöfn Félagið hafði fengið tryggigarféð skipsins úborgað og var það því félaginu óviðkomandi þegar það fannst í Kiel 1945 illa farið eftir að þjóðverjar höfðu notað það sem sjúkraskip um tíma. 1947 keyptu færeyiskir aðilar það og skírðu það Tjaldur. Skipið var svo í eigu þeirra til 1953 að það var rifið í Hamborg

Gullfoss I með dönsku með "öryggisskildina" á síðunum í WW1

                                                                                        © Handels- og Søfartsmuseets.dk
Á stjórnpalli GULLFOSS I

                                                                                        © Handels- og Søfartsmuseets.dk

Tengill á færslu

Lokað fyrir álit

23.03.2014 12:36

Skip Samvinnumanna

Það eru kannske ekki margir sem vissu að á tímabili áttu Íslenskir Samvinnumenn stærsta skip í flota Samvinnumanna í heimi þ.e.a.s m/s HELGAFELL Í 8 tbl Samvinnunnar sem útkom 01-08-1954 segir m.a:" Íslenzkir samvinnumenn munu vera þeir einu í heimi, sem eiga sinn eigin kaupskipaflota. Að vísu eiga sænskir og brezkir samvinnumenn hluti í skipum með öðrum, og svissneska sambandið á myndarlegan fjótabát á Rín.

HELGAFELL I

© photoship

Nú í sumar bættust þýzkir samvinnumenn í hóp þeirra, sem eiga hafskip. Um miðjan júlímánuð fór fyrsta skip þeirra, Heinrich Lorenz, reynsluför sína og síðan fyrstu ferðina til Finnlands. Skip þetta er nokkru stærra en Sambandsskipin og því í raun réttri stærsta kaupskip samvinnumanna í heiminum. En það heldur ekki þessum heiðri lengi. Þegar hið nýja Helgafell fer reynsluferð sína seinni hluta september, mun það taka þennan titil aftur af Þjóðverjum: Heinrich Lorenz er 3200 þungalestir, en Helgafell 3300!

Heinrich Lorenz sem WIEDAU

Sömuleiðis er Helgafell rúmum meter lengra en þýzka skipið! Það er gaman að svona góðlátlegri samkeppni (sem raunar var engin samkeppni, því hvorugur vissi um hinn), en hitt er ánægjulegast, að samvinnumenn fleiri landa skuli leggja fyrir sig siglingar og ýta úr vör myndarlegum skipum, sem eru eign fólksins sjálfs og sigla í þess þjónustu" Tilvitn.lýkur.

Hér er HEINRICH LORENZ undir nafninu WIEDAU

Skipið var smíðað hjá Jos.L.Meyer í Papenburg Þýskalandi 1954 sem HEINRICH LORENZ Fáninn var: þýskur Það mældist: 1866.0 ts, 2952.0 dwt Loa: 85.50. m, brd 12.30. m Skipið gekk aðeins undir tveim nöfnum En 1959 fékk það nafnið WIEDAU Nafn sem það bar síðast undir sama fána.En 1975 lendir skipið í árekstri við pólst skip Miecsylaw Kalinowski. og endaloks skipsins urðu þessi

HELGAFELL I

@Predrag Pavic

Smíðað 1954 í Oskarshamns Varv. Oskarshamn Svíþjóð Sem HELGAFELL Fáninn var Íslenskur Það mældist .2194.0 ts 3250.0 dwt. Loa;88.2 Brd 12.4.SÍS selur skipið 1979 og fær það nafnið Susan. Skráður kaupandi Mouhahal Sg Co 1982 er skipið selt og fær nafnið Laurence( í sumum gögnum Lawrence) Skráður kaupandi Navimpex. 31-03-1982 brennur skipið í Constanta.Það er svo rifið í Indlandi í nóv, 1988

Tengill á færslu

Lokað fyrir álit

20.03.2014 11:42

Höegh St.Petersburg

Þetta bílaflutningaskip er í aðalhlutverki nú um stundir í hinu stórfurðulega flugvélahvarfi. Svona segja frændur vorir og "stórvinir" norðmenn frá hlutverki skipsins

HÖEGH ST. PETERSBURG

© Pilot Frans

Skipið var smíðað hjá Daewoo SB & ME Co í Okpo S-Kóreu 2009 sem: HÖEGH ST. PETERSBURG Fáninn var: norskur Það mældist: 68392.0 ts, 27352.0 dwt. Loa: 228.78. m, brd 32.25. m Skipið hefur aðeins gengið undir þessu eina nafni og sama fána

HÖEGH ST. PETERSBURG

Tengill á færslu

Lokað fyrir álit

18.03.2014 19:40

Vidfoss

ICE BIRD hefur fengið nafnið VIDFOSS

VIDFOSS

                                                                                                            © Marcel & Ruud Coster

Skipið var smíðað hjá Århus Flydedok í Århus Danmörk 1990 sem
Ice Clipper Það mældist:3652.0 ts 3039.0 dwt. Loa: 92.90 m brd 15.40 .
1992 fékk skipið nafnið San Carlos Pride. Og 1993 nafnið Ice Bird Nafn sem það bar svo þar til nýlega að það fékk nafnið VIDFOSS og er að sjálfsögðu undir fána: Antigua and Barbuda

VIDFOSS

                                                                                                       © Marcel & Ruud Coster
Vidfoss er í Sandvedalá sem er í Hildal i Odda kommúnu Hördalandi,Noregi

   Tekið af Wikipedia,© Frokor

ICE BIRD

Tengill á færslu

Lokað fyrir álit

18.03.2014 16:05

STIGFOSS

Nú er Eimskip farið að skýra skip sín eftir fossum í Noregi Nýlega hefir ICE STAR fengið nafnið STIGFOSS

© Marcel & Ruud Coster

Skipið var smíðað hjá Århus Flydedok í Århus Danmörk 1990 sem Ice Star fyrir danska aðila. Það mældist:3652.0 ts 3039.0 dwt. Loa: 92.90 m brd 15.40 Skipið hefur nú fengið nafnið STIGFOSS ,en er undir fána Antigua and Barbuda Að sjálfsögðu

© Marcel & Ruud Coster

Stigfoss mun vera í ánni Istra, sem er á Mæri og Römsdal, Noregi

Tekið af Wikipedia,© Frokor
Ice Star

© Maestro
Ice Star

Tengill á færslu

Lokað fyrir álit

18.03.2014 12:33

Tai An Kou

TAI AN KOU er merkilegt skip af svokallaðri "Heavy Lift Vessels" gerð . Minni skip af þessari gerð munu hafa komið hingað til lands

TAI AN KOU

© Arjan Elmendorp

Skipið var smíðað hjá Guangzhou Intnl í Guangzhou,Kína 2003 sem:
TAI AN KOU Fáninn var: kínverskur Það mældist: 14184.0 ts, 18000.0 dwt. Loa: 156.00. m, brd 32.20. m Skipið hefur aðeins gengið undir þessu eina nafni og fáninn er sá sami

TAI AN KOU

Tengill á færslu

Lokað fyrir álit

17.03.2014 16:13

Wilson Larvik

Wilson Larvik var hér í dag og losaði salt

WILSON LARVIK

© óliragg

Skipið var smíðað hjá Slovenska Lodenice í Komarno, Slóvaníu 2010 sem: NIKLAS Fáninn var: Líberíu Það mældist: 2452.0 ts, 2500.0 dwt. Loa:87.83. m, brd12.80. m Skipið hefur aðeins gengið undir tveim nöfnum:En 2013 fékk það nafnið WILSON LARVK Nafn sem það ber í dag undir sama fána

WILSON LARVIK

© óliragg

© óliragg

Hér sem NIKLAS

Tengill á færslu

Lokað fyrir álit

16.03.2014 12:57

Morning Glory

Það hverfur fleira en flugvélar nú til dags Sem illmögulegt er að útskýra. Þetta tankskip MORNING GLORY er horfið með farm að virði US $ 24 milljónum.

Mynd af Vesseltracker.com © sést á henni

Skipið var smíðað hjá Kanasashi í Toyohashi, Japan 1993 sem: BANDAR AYU Fáninn var: Panama Það mældist: 21804.0 ts, 36345.0 dwt. Loa: 179.90. m, brd 28.10. m Skipið hefur gengið undir þessum nöfnum: 2005 PERGIWATI - 2008 GULF GLORY - 2014 MORNING GLORY Nafn sem það ber í dag undir fána N-Kóreu

Mynd af Vesseltracker.com © sést á henni

Hér má lesa meira um þennan dularfulla atburð

Tengill á færslu

Lokað fyrir álit

15.03.2014 19:34

Lagarfoss I

Fyrir 110 árum eða í júní 1904 hljóp nýtt skip af stokkunum hjá Nylands Værft í Kristjaníu (Osló) í Noregi fyrir þarlenda aðila, H.Klær & co, Skipið var gefið nafnið PROFIT Það mældist 1126 ts loa:68,6 m brd 10.3.m..Eimskip kaupa skipið 1917 og fær það nafnið LAGARFOSS.1920 var skipið eiginlega endurbyggt og mældist þá 1211 ts 1600 ts dwt,Það var rifið í Kaupmannahöfn 1949

LAGARFOSS I

Mynd úr mínum fórum © óþekktur

Við skulum grípa niður í Morgunblaðið þ 20 maí 1917 En EI hafði leigt togara til að sigla móti skipinu. Og var lúðrasveit með í för:
"Nú var siglt þangað er hann lá og þá er komið var svo nærri, að heyra mátti milli skipanna, lék hornaflokkurinn »Eldgamla ísafold«. Þá var svo skamt í milli, að menn gátu séð hvar á hlið hins nýja skips voru máluð þrjú »Dannebrog« og orðin »Lagarfoss. - Danmark*. En þegar enn nær dró, sást aftan á skut skipsins letrað: »Lagarfoss, Reykjavík«.Gullfoss sigldi hingað til lands með dönsku merki á hliðunum. En þau voru þó þvegin af áður en skipið kom hingað, til þess að vér Reykvíkingar skyldum ekki hafa þá raun að horfa á þau.

LAGARFOSS I við komuna til Reykjavíkur í fyrsta sinn 1917

Mynd úr mínum fórum © óþekktur

Siðan höfum vér þó séð hverja vernd danski fáninn getur veitt okkur, en »Lagarfoss« siglir umhverfis landið hálft og hampar því hvarvetna framan í menn að dönsku einkennin séu »skjöldur vor og skjól«. Á þetta lengi svo að ganga, að vér siglum undir fölskum fána, villum á okkur heimildir, okkur sjálfum til stórtjóns ef til vill? Og svo vona ég að menn hneyklist eigi á þessum útúrdúr frá ferðasögunni. Hann er fram kominn vegna þess, hve illa lét í eyrum að fagna dönsku skipi, sem vér eigum þó sjálfir, með "Eldgamla Isafold" Tilvitnun lýkur

LAGARFOSS I

Mynd úr mínum fórum © óþekktur

Lagarfoss I sigldi farsællegaí báðum WW. Í ferðum milli Íslands og USA 1917-1920 Og skipið var statt í Halifax í hinnu miklu sprengingu sem þar varð 1917 án þess þó að skemmast 1920 var skipið eiginlega endurbyggt í Kaupmannahöfn Eftir það var skipið bæði í ferðum til Vesturheims og Evrópu Eftir 1922 var það eingöngu í Evrópusiglingum 1927 byrjaði skipið að sigla áætlunarferðir þar sem siglt var frá Kaupmannahöfn um Leith til Djúpavogs og síðan um Austfirði,Norðurland til Norðurfjarðar á Ströndum Þar snúið við og sigld sama leið til baka.

LAGARFOSS I

Mynd úr mínum fórum © óþekktur

Í þessum ferðum var skipið svo til 1940 að Norðurlönd lokuðust vegna stríðsins. Þá hóf skipið aftur Vesturheimsferðir og sinnti þeim til 1945 að stríðinu lauk Eftir það sigldi það aftur til Norðurlanda og Evrópu Þar til yfir lauk En 13 mars 1949 þegar skipið var statt í brælu undan Danmerkurströndum brotnaði öxull aðalvélarinnar. SELOSS I dró þá skipið inn til Frederikshavn. Ekki þótti borga sig að gera við vélina og var skipið selt til niðurrifs Það kom svo til Kaupmannahafnar í togi 13 apríl 1949 og var rifinn þar. Hafði þá þjónað Eimskipafélagi Íslands í 32 ár

Fyrsti skipstjóri hérlendis var Ingvar Þorsteinsson

Með Gunnar W Sörensen sem yfirvélstjóra

LAGARFOSS I

Mynd úr mínum fórum © óþekktur

LAGARFOSS í Reykjavíkurhöfn eftir stríð

Tengill á færslu

Lokað fyrir álit

13.03.2014 15:29

MERMAID

Þetta skip sem er undir undir Moldóvíufána (en í eigu grikkja) MERMAID lenti í vandræðum í Åbenrå, Danmörk En þangað kom skipið á sunnudag með farm af Silikat (einhver tegund af kísil) "Port State" stöðvaði skipið m.a.fyrir brot á reglum MLC (Maritime Labour Convention). Sem tóku gildi í ágúst 2013 Og var skipið sett í 3 mánaða bann við komu í aðrar EU hafnir

Hér sem FEHN CENTURY

                                                                                                            © Pilot Frans

Skipið var smíðað hjá Krupp Ruhrorter í Duisburg þýskalandi 1985 sem: MERMAID Fáninn var: þýskur Það mældist: 1857.0 ts, 2200.0 dwt. Loa: 80.70. m, brd 12.70. m Skipið hefur gengið undir þessum nöfnum: 2011 FEHN CENTURY - 2013 MERMAID Nafn sem það ber í dag undir fána Moldóvíu

Hér sem MERMAID

                                                                                                            © Pilot Frans

                                                                               © Pilot Frans

Hér má lesa meir um vandræði skipsins

Tengill á færslu

Lokað fyrir álit

12.03.2014 17:07

YUSUF CEPNIOGLU

Tyrkneska gámaflutningaskipið YUSUF CEPNIOGLU strandaði aðfaranótt sl laugardags 8 mars við Mykonos island í Eyjahafi.

Skipið var smíðað hjá Peters, Hugo SY í Wewelsfleth Þýskalandi 1995 sem NORTHSEA Fáninn var: ATG Það mældist: 4984.0 ts, 6928.0 dwt Loa: 116.40. m, brd 19.50. m Skipið gekk undir þessum nöfnum: 1995 TEXEL BAY - 1996 NORTHSEA TRADER - 1997 GRACECHURCH COMET - 1999 NORTHSEA TRADER - 2000 MSC KRASNODAR - 2001 NORTHSEA TRADER - 2010 YUSUF CEPNIOGLU Nafn sem það bar síðast undir tyrkneskum fána

Hér er skipið sem NORTHSEA TRADER

Dapurleg sjón

Tengill á færslu

Lokað fyrir álit

10.03.2014 19:02

Í eldlínunni mars 1941

Dagana 10 til 12 mars í ár eru 74 ár síðan þrjú íslensk skip voru í eldlínunni á N Atlantshafi

REYKJABORG RE 64

Þann10 var b/v Reykjaborg RE 64 skotin í kaf af þýskum kafbát Skipstjóri hét Ásmundur Sigurðsson og var bróðir okkar ástsæla skólaskóla Stýrimannaskólans Jónasar Og ef minnið er ekki að bregðast mér þá var einn af aðaleigendum skipsins Guðmundur Jónsson löngum kendur við gamla skip sitt Skallagrím. Guðmundur var faðir hins farsæla skipstjóra á Skeljungi II og Kyndli I Péturs sem margir eldri farmenn muna eftir Hér má lesa inn á Uboat.com nákvæmlega um hvað skeði Reykjaborgin hafði lagt af stað frá Reykjavík síðdegis þ 8 mars 1941 áleiðis til Fleetwood

Ásmundur Sigurðsson Skipstjóri

Eins og sést inni á U-bout.com komust þrír skipverjar á fleka.Sem þeir hírðust á í sólarhring áður en var bjargað af korvettunni HMS PIMPERNEL En þá var einn þeirra látinn af sárum sínum Togarinn Vörður fann svo flekann og kom með hann til Reykjavíkur 17 mars 1941

Aðrir sem fórust með REYJABORG

Runólfur Sigurðsson skrifstofustjóri Fiskimálanefndar var farþegi með Reykjaborg

Hér er flekinn af Reykjaborg hífður í land úr Verði

Þeir sem komust á björgunarflekan af Reykjaborg:

Eyjólfur Jónsson háseti (1904-1988)

Sigurður Hansson kyndari ( 1910-1951)

Kristófer Óskar Vigfússon komst á flekan en lést af sárum sínum fyrstu nóttina Bróðir hans Guðjón var 1 vélstj á Pétursey sem sökkt var 2 dögum seinna

FRÓÐI

Línuveiðarinn Fróði var einnig á leið til Fleetwood þegar árás (frá U Boat.com) var gerð á það kl 0800 LMT þ 11 mars 1941 Af 11 manna áhöfn komust 6 lífs af úr hildarleiknum En skipið komst við illan leik til Vestmannaeyja. Vélskipið Skaftfellingur sem einnig var á leið til Fleetwood gat látið vita hvernig komið var fyrir skipinu. Og eftir að gengið var úr skugga um að skip kæmi á móti Fróða hélt Skafftfellingur áfram En Fróði hélt áfram ferð sinni til Eyja Það er skemst að segja að hjálparskipið sem sentvar á móti Fróða fór á mis við hann Skipstjóri Fróða Gunnar Árnason lifði af árásina sjálfa er særðist til ólífis í henni Honum tókst þó helsærðum að stjórna siglingu skipsins langleiðina til Eyja. Sýndi hann þar af sér aðdáunnarverða karlmennsku mikið viljaþrek og drenglund.En þegar hann fann að hverju dró fól hann skipstjórnina í heldur eina hásetans sem á lífi var Guðmundar Einars Guðmunsssonar Gunnar skipstjóri lést svo af sárum sínum klukkutíma áður en skipið kom til Eyja

Þeir sem fórust með FRÓÐA

Hér eru fjórir af þeim sex sem komust lífs af úr þessum hildarleik

Sverrir Torfason lést 1999

Guðmundur Einar Guðmundsson háseti (1906- 1993)

Sveinbjörn Davíðsson 1 vélstjóri (1912-1986) særðist illa á báðum höndum

Fróði kominn til Reykjavíkur með lík fórnarlambana á þilfari þ 15 mars 1941

PÉTURSEY

Línuveiðarinn Pétursey IS 100 lagði af stað frá Vestmannaeyjum 10 mars 1941 til Fleetwood En skipinu var sökkt (U Boat.com) 12 mars 1941 Enginn af áhöfninni komst af

PÉTURSEY hér sem PAUL SI 25

Þeir sem fórust með PÉTURSEY

Skipið á myndinni er ekki rétta PÉTURSEY. Þetta skip hafði borið nafnið PÉTURSEY en var svo gefið nafnið ÖRN GK 5 1932 Það skip fórst svo með allri áhöfn út af Mánáreyjum 8 ágúst 1936

Tengill á færslu

Lokað fyrir álit

Fragtskip Óla Ragg

Myndir af gömlum og nýrri fragtskipum

Færslur: 2014 Mars

28.03.2014 14:46

Málin að skýrast

25.03.2014 13:57

Klössun

24.03.2014 21:27

KLÓ

23.03.2014 15:23

Hlífiskjöldur skipanna

23.03.2014 12:36

Skip Samvinnumanna

20.03.2014 11:42

Höegh St.Petersburg

18.03.2014 19:40

Vidfoss

18.03.2014 16:05

STIGFOSS

18.03.2014 12:33

Tai An Kou

17.03.2014 16:13

Wilson Larvik

16.03.2014 12:57

Morning Glory

15.03.2014 19:34

Lagarfoss I

13.03.2014 15:29

MERMAID

12.03.2014 17:07

YUSUF CEPNIOGLU

10.03.2014 19:02

Í eldlínunni mars 1941

Tenglar