Færslur: 2013 Desember

22.12.2013 18:34

Það eru að koma jól

Svona af því að flestallir eru sennilega að komast í jólaskapið ætla ég að sýna ykkur
hér hvað kallinn dóttir hans og dótturdóttir eru flink í dansi
Lokað fyrir álit

22.12.2013 13:53

Arnarfell

Í upphafi þessara uppgangstíma sem ég hef fjallað um undanfarið var svokölluð "Nýsköpunarstjórn" við völd í landinu Þ.e.a.s, Sjálfstæðisflokkur og Sósíalistar Margir hafa haldið því fram að þetta hafi verið sú albesta ríkisstjórn sem þessu landi hafi stjórnað. Ekki legg ég dóm á það. En það var bjart yfir fyrir unga sjómenn þess tíma. Hvort sem, þeir tilheyrðu far eða fiskimennsku. Ný skip komu jafnvel mánaðarlega beint úr skipasmíðastöðvum. Og nú var röðin komin að Skipadeild SÍS  Þeir fengu nýtt skip í nóv 1949 smíðað í Svíþjóð Einhverstaðar las ég að byrjað hefði verið á því skipi þegar Skipadeild SÍS keypti það

Þeir voru stoltir Sambandsmenn af sínu nýja skipi sem þeir máttu svo vera                                                                                                                                                                                                                  





Einhverntíma heyrði ég SÚÐINA kallaða "Járnbraut smáhafnanna". Þetta mátti svo sannarlega yfirfæra á Sambandskipin Ég man t.d eftir ARNARFELLI nýju og svo öllum öðrum skipum Skipadeildarinnar í Borgarnesi þegar ég var strákur Og ég er viss um að ARNARFELLIÐ kom með epli í sinni fyrstu viðkomu þar því ég þykist muna eplayktina um borð í skipinu En eina Eimskipafélags skipið sem ég man eftir á þessum árum var Selfoss I. En þetta hafði jú allt með stærð skipanna að gera



Arnarfell I

                                                                                                                   © Hawkey01 Shipsnostalgia

Skipið var smíðað hjá Sölvesborgs Varvs & Rederi Sölvesborg Svíþjóð 1949 Rederi sem Arnarfell, fyrir Skipadeild SÍS Heimahöfn Húsavík Það mældist: 1381.0 ts, 2300.0 dwt.  Loa: 88.80. m, brd: 12.40. m Skipið var selt úr landi 1973 og fékk nafnið ALEXIA og 1979 ELAFRIC Nafn sem það bar þar til það var rifið  hjá Eleusis Shipyards SA, Eleusis Grikklandi í desenber 1983

Sverrir  stýrði ARNARFELLI nýju



ARNARFELL
 
                                                                                       © söhistoriska museum se

En nú er "Snorrabúð stekkur" En tvö af þeim skipafélögum sem þá þekktust mætti
segja að séu á lífi í dag, þótt með breittum nöfnum og mikið breittu eignarhaldi. Þótt hvorugt beri þá gæfu í dag að vera með sín glæsilegu skip undir fallegasta fána heim En ekki meira um það.  Mér hefur alltaf þótt annað skip Skipadeildar SÍS,  Arnarfell vera með fallegustu skipum sem við höfum átt.Í sambandi við þetta skip erum við Heiðar Kristins ekki sammála. Mér fannst alltaf Arnarfellið fallegra en Helgafell. En viðurkenni fúslega að það síðarnefnda hafi verið meira skip


                                                                                       © söhistoriska museum se



                                                                                       © söhistoriska museum se


                                                                                       © söhistoriska museum se


                                                                                                                        @ Malcom Cranfield  Shipsnostalgia

Hér lýkur upptalningunni á "Nýsköpunarkaupskipunum" Geymi  "Flaggskipið"aðeins
Lokað fyrir álit

22.12.2013 13:41

Lagarfoss II

Lagarfoss II var yngstur af "þrílembingunum" svonefndu.Margir telja þessi skip eina mesu "púlshesta" sem Eimskipafélag Íslands hefur átt.Fóru inn á flestallar hafnir landsins Að vísu ekki upp að bryggju í þeim mörgum. Þessi skip og önnur sem komu ný upp úr WW 2 og áhafnir þeirra áttu ríkan þátt í uppbyggingu þess þjóðlífs sem við lifum við í dag, Gleymum því aldrei.

Nýr Lagarfoss


                                                                                                  © Handels- og Søfartsmuseets.dk



                                                                                     © Handels- og Søfartsmuseets.dk



                                                                                                       © Handels- og Søfartsmuseets.dk

Skipið kom nýtt til Reykjavíkur þ 18 maí 1949  Hér í reynsluferðinni                                                                                                    


                                                                                                       © Handels- og Søfartsmuseets.dk

Sigurður Gíslason færði skipið nýtt til landsins



Með Jón Aðalstein Sveinsson sem yfirvélstjóra

Lagarfoss II var yngstur af "þrílembingunum" svonefndu.Margir telja þessi skip eina mesu "púlshesta" sem Eimskipafélag Íslands hefur átt.Fóru inn á flestallar hafnir landsins Að vísu ekki upp að bryggju í þeim mörgum. Þessi skip og önnur sem komu ný upp úr WW 2 og áhafnir þeirra áttu ríkan þátt í uppbyggingu þess þjóðlífs sem við lifum við í dag, Gleymum því aldrei.

Nýr Lagarfoss


                                                                                                  © Handels- og Søfartsmuseets.dk



                                                                                     © Handels- og Søfartsmuseets.dk



                                                                                                       © Handels- og Søfartsmuseets.dk

Skipið kom nýtt til Reykjavíkur þ 18 maí 1949  Hér í reynsluferðinni                                                                                                    


                                                                                                       © Handels- og Søfartsmuseets.dk

Sigurður Gíslason færði skipið nýtt til landsins



Með Jón Aðalstein Sveinsson sem yfirvélstjóra


Lagarfoss II var yngstur af "þrílembingunum" svonefndu.Margir telja þessi skip eina mesu "púlshesta" sem Eimskipafélag Íslands hefur átt.Fóru inn á flestallar hafnir landsins Að vísu ekki upp að bryggju í þeim mörgum. Þessi skip og önnur sem komu ný upp úr WW 2 og áhafnir þeirra áttu ríkan þátt í uppbyggingu þess þjóðlífs sem við lifum við í dag, Gleymum því aldrei.

Nýr Lagarfoss


                                                                                                  © Handels- og Søfartsmuseets.dk



                                                                                     © Handels- og Søfartsmuseets.dk



                                                                                                       © Handels- og Søfartsmuseets.dk

Skipið kom nýtt til Reykjavíkur þ 18 maí 1949  Hér í reynsluferðinni                                                                                                    


                                                                                                       © Handels- og Søfartsmuseets.dk

Sigurður Gíslason færði skipið nýtt til landsins



Með Jón Aðalstein Sveinsson sem yfirvélstjóra



Hér er skipið í friði og spekt í Hull



                                                                         © Peter William Robinson

Skipið var smíðað hjá Burmeister & Wain í Kaupmannahöfn Danmörk 1949  sem: LAGARFOSS Fáninn var: íslenskur  Það mældist: 2923.0 ts, 2700.0 dwt. Loa: 94.70. m, brd 14.10. m Skipið  gekk undir þessum nöfnum: 1977 EAST CAPE - 1980 HOE AIK Nafn sem það bar síðast  undir fána HONDURAS En skipið mun hafa verið tekið af skrá 2002

Hér að koma til Eyja í bræluskít


                                                                                            © Tryggvi Sig

Hér í óþekktri höfn að leiðarlokum sennilega


                                                                                                                                © photoship



                                                                                                                                © photoship


                                                                                                                          © photoship

Lagarfoss II lenti í nokkrum hremmingum  miklum bruna 18 apríl 1950 Um það það má lesa Hér og fleiri voru þær  hér  má sjá færslu um tvær af þeim





Lokað fyrir álit

21.12.2013 23:46

Dettifoss II

Dettifoss II var næsta nýja skip í Íslenska kaupskipaflotanum á uppgangs árunum eftir WW 2


                                                                                                                      © Tryggvi Sig


DETTIFOSS
II var smíðaður hjá Burmeister & Wain í Kaupmannahöfn 1949 fyrir Eimskipafélag Íslands Skipið mældist: 2918.0 ts  2700.0 dwt. Loa: 94.60 m brd: 14.10,m .Eimskipafélagið selur skipið Carlos A.Go Thong & Co á Philipseyjum 1969 og fær það nafnið DON SULPICIO  og  1976 DON CARLOS GOTHONG  sömu eigendur. Skipinu hvolfdi í höfnina í  Cebu 12.10.1978

Hér er skipið í smíðum


                                                ©Handels- og Søfartsmuseet.dk



                                                                                                ©Handels- og Søfartsmuseet.dk





                                                                                                   ©Handels- og Søfartsmuseet.dk

Jón Eiríksson færði DETTIFOSS II heim nýjan



DETTIFOSS II



                                                                                                   © Malcom Cranfield  Shipsnostalgia





                                                                                                               © photoship



                                                                                                                       © photoship

Lokað fyrir álit

21.12.2013 18:37

Hæringur

Það var bjart yfir mörgu hvað varðaði "seaside" íslenskt þjóðlífs rétt fyrir 1950. Hvalfjörðurinn fylltist af síld eftir hörmungarsumur fyrir Norðurlandi. Aðeins örfáar beinamjölsverksmiðjur við Faxaflóa til að vinna aflann Tekin voru stór flutningaskip (T.d TRUE KNOT og KNOB KNOT systurskip TRÖLLAFOSS) til að flytja síldina í bræðslu fyrir norðan

Það var aldrei hægt að hæla Hæringi blessuðum fyrir fegurð Hér undir sínu fyrsta nafni  MAUCH CHUNK


                                                                                                                    © L. Pesha,

Og svo var keypt stórt málmflutningaskip W J.CONNERS að nafni frá USA. Og var því breitt í fljótandi síldarbræðslu sem skildi mala gull næstu ár. En eins og allir vita bregðast krosstré sem önnur. Og kaupin á þessu skipu urðu eitt stærsta fiaskó í sögu islenskra flotans. Og satt að segja er ekki hægt að kenna neinu um það öðrum en blessaðri síldinni sem ástundum hefur leikið okkur grátt


Hér sem W J.CONNERS



                                                                     US Army Photo

Þegar skipið var komið til landsins lét síldin ekki sjá sig. Sennilega fælst þetta ferlíki,Hann hafði verið byggður í Union DD skipasmíðastöðinni í Buffalo og hljóp af stokkunum 24-04-1901 undir nafninu"Mauch Chunk"fyrir Lehigh Valley Tptn Co, Buffalo og ætlað til hrájárnflutninga.Skipið var 116,3 metra langt og 15,4 m breitt með 1800 ha 3ja þjöppu gufuvél.Skipið hafði gengið kaupum og sölum og undir ýmsum nöfnum: 1921 W.J.CONNERS  1947 MALACCA STRAITS - 1948 W.J.CONNERS -

Hér sem HÆRINGUR



1948 er það svo selt Hæringi h/f í Reykjavík sem breytir því í fljótandi Síldarverksmiðju.Skipið kom til landsins 1948 en lá bundin við Ægisgarð  með 2 undantekningum.1950 sigldi skipið austur á land og lagðist við akker á Gunnólfsvík þar sem það tók á móti 4-5 þús mál.1 mál samsvaraði ca 135 kg.
Svo eftir langa reiðileysisdvöl í Reykjavíkurhöfn fór svo að síðustu tvö ár sín hér við land lá Hæringur í mynni Elliðavogs og Grafarvogs. Hafði honum verið siglt með stefnið upp í moldarbakka sem þar var. Á þessum stað stóð skipið þar til það var selt til Noregs í september 1954.


Hér sem Hæringur



                                                                                                          Mynd úr mínum fórum © óþekktur

Ingvar E Einarsson var allan tíman skipstjóri á HÆRINGI Ingvar skrifaði nafn sitt skýrt í siglingasögu íslendinga Hann varð fyrstur íslenskra skipstjóra til að sigla skipi sínu í gegn um Panamaskurð þá skipstjóri FANNEY. Svo kom Bjarni Jónsson með TRÖLLAFOSS síðan Ingvar aftur og þá HÆRING



Að morgni þess 12 mars 1951 var starfsmaður Reykjavíkurhafnar að þíða vatnleyðslu með olíulampa undir Ægisgarði þegar eldur læsti sig í bryggjuna En betur fér en á horfðist. Sverrir Hannesson segist muna atburðinn Sjá álit frá honum við færsluna "Fyrir ca 60 árum"

Svona var fyrirsögn  Alþýðublaðsins um atburðinn





Lokað fyrir álit

20.12.2013 21:06

Katla

Um það leiti sem þessi skip komu var ritað: "Íslensku þjóðinni er það áreiðanlega ljóst, hversu þýðingarmikið það er fyrir hana að vera vel búin að skipum til siglinga umhverfis landið og til útlanda. Hún byggir eyland, sem er, þegar ræðir um sjóferðir, fjarlægt öðrum löndum.Í siglinga málunum verður íslenska þjóðin fyrst og fremst að treysta á sjálfa sig.Siglingamálin eru þessari þjóð þýðingarmikið sjálfstæðismál. Það hefur henni einnig verið ljóst allt frá því er hún gerði Gamla sáttmála við Hákon Noregskonung. En eitt atriði þess samnings var að konungur skyldi sjá um að nauðsynleg sigling héldist til landsins"   Hvað hefur breyst síðan 1948 ???.  Næsta skip í upptalningunni er KATLA

Svona sagði Morgunblaðið frá skipinu 27 nóv 1948



Rafn Sigurðsson stýrði KÖTLU frá byrjun til dauðadags 12 sept 1960 (hann varð bráðkvaddur um borð í skipi sínu) að undanskildum nokkrum mánuðum 1957 að hann fylgdist með smíði og sigldi heim næstu nýsmíði útgerðarinnar ÖSKJU

Rafn Sigurðsson



Skipið var smíðað hjá Sölvesborgs Varvs  í Sölvesborg Svíþjóð 1948 Fyrir Eimskipafélag Reykjavíkur. Skipið mældist: 1331 ts ,2325 dwt. Loa: 83.77.m brd 12.38.m. Skipið var selt 1966 M.Marcantonakis    á Kýpur og fær nafnið DELFI 1973 er skipið selt til Rokopoulos & Souris   og fær mafnið Las Palmas.Skipið var selt 1978 og fær nafnið Rana Og sama ár fær það gamla nafnið Katla Skipið var rifið á  Gadani Beach Pakistan 1981


Hér nýleg í Vestmannaeyjum



                                                                                                                                                             @Tryggvi Sig

Hér á siglingu á Humber

                                                                                                                      @ Malcom Cranfield  Shipsnostalgia


Hér í erlendri höfn 1965


                                                                                                            © T.Diedrich
Hér sem Delfi 1967


                                                                                                            © T.Diedrich

Lokað fyrir álit

20.12.2013 20:17

Goðafoss III

GOÐAFOSS III mun hafa verið næstur í röðinni hvað nýsmíðar varðaði eftir WW 2
Svona sagði Morgunblaðið frá komu skipsins 24 mars 1948



GOÐAFOSS III var smíðaður hjá Burmeister & Wain í Kaupmannahöfn 1948 fyrir Eimskipafélag Íslands Skipið mældist 2905.0 ts 2675 dwt.Loa: 94.70.m brd: 14.10.m Skipið var selt grískum aðilum 1968 og skírt ARIMATHIAN og 1970 fær það nafnið KRIOS. Það sekkur 24-01-1971 á 02°17´N og 029°55´W. Skipið var þá á leið frá Montevideo til Pireus með bæði frosið kjöt og lifandi sauðfé


                                                                                            Mynd úr mínum fórum © óþekktur

Pétur Björnsson stýrði skipinu í fyrstu


Pétur Björnsson (1887-1978)
Með Hallgrím Jónsson sem yfirvélstjóra
Hallgrímur Jónsson(1890-1975)
 
Hér er skipið að lesta á frosinn fisk í Vestmannaeyjum

                                                                                                                                     ©Tryggvi Sigurðsson                                                                           
Hér að losa í New York


                                                                                       Mynd úr mínum fórum © óþekktur
Lokað fyrir álit

20.12.2013 19:34

Hermóður

Í þessari upprifjun á uppbyggingu íslenska kaupskipaflotans eftir WW 2 gleymdi ég þessu litla skipi sem svo sannarlega tilheyrði honum Hermóður II Sem kom til landsins nokkrum dögum fyrr en Foldin

Svona sagði Morgunblaðið frá komu skipsins 12 nóv 1947




Guðni Sigmundsson Thorlacius hafði marga fjöruna sopið hvað sjómennsku varðaði Hann var í fríi þegar skipið fórst





                                                                       Úr safni Sjómannadagsráðs © ókunnur

Hermóður var smíðaður hjá  Finnboda Varf í Stockholm Svíþjóð fyrir Ríkissjóð Íslands Það mældist: 209.0 ts,  Loa: 34.0. m, brd: 7.03. m Skipið gekk aðeins undir þessu eina nafni En það fórst við Stafnes í ofviðri 18 febrúar 1959



                                                                    Skannað úr bók © ókunnur

                                                                    Skannað úr bók © ókunnur
Lokað fyrir álit

20.12.2013 17:02

FOLDIN

Við skulum halda okkur við uppgang Kaupskipaflota íslendinga eftir WW 2




En eftir VATNAJÖKLI kom skip sem smíðað var fyrir skipafélagið Fold í Reykjavík hjá Kalmar Varv í Kalmar í Svíþjóð 1947 (tilbúið í nóv) sem FOLDIN. Það mældist 621.0 ts  ??? dwt. Loa: 51.81 ,m brd: 8,80 m. Jöklar h/f í Reykjavík kaupa skipið 1952 og fær það nafnið Drangajökull. Skipið fórst 1,5 sml  NNW af Stroma í Pentland Firth 28-06-1960. Mannbjörg varð. Og ég held að minnið sé ekki að klikka þegar ég held að messastrákurinn hafi heitið Vilhjálmur Þ Vilhjálmsson og var einusinni í borgarstjóri í Reykjavík Mér fannst alltaf Foldin/ Drangajökull með fallegri skipum í flotanum

Hér sem  FOLDIN

                                                                               Úr mínum fórum © ókunnur

Hér sem Drangajökull

                                                                                          Úr mínu safni © ókunnur

Hinn dugmikli skipstjóri Ingólfur Möller sem færði Foldina nýja til landsins Og var með skipið lungan úr tímanum sem það var til                                                                                          

Hér sem Drangajökull

                                                                               Úr mínu safni © ókunnur



Hér að lesta tunnur í Flekkefjord 1956


                                                        © Guðlaugur Gíslason


                                                                                            © Guðlaugur Gíslason
Hér komin með farminn til Íslands


                                                                                            © Guðlaugur Gíslason


Hann gat verið svalur inn Massachusetts Bay Drangajökulsmenn að berja ís af
Maðurinn til vinstri mun vera Sigurður Eyjólfsson Þekktur "Jöklamaður"

                                                                        © Guðlaugur Gíslason

Hér eru  tveir"Jöklar" staddir í New York sennilega 1955.Vatnajökull og Drangajökull Þetta er virkilega söguleg mynd  Og ímyndið ykkur að þessi litlu skip skuli hafa verið í siglingum vestur um haf jafnvel um hávetur Það væri verðugt verkefni fyrir vel rithæfan mann að skrifa bók um "vesturhafssiglingar" íslendinga á síðustu öld. Þótt ekki hafi skipin sem þær stunduðu, verið stór yfir höfuð þá held ég að þessi hafi verið með þeim minnstu


                                                                                            © Guðlaugur Gíslason
Lokað fyrir álit

20.12.2013 16:09

Þrjú skip á þremur dögum

Það voru mörg gæfuspor stiginn hvað islenska skipaflotans varðar upp úr WW 2 Lítum á baksíðu Þjóðviljans þ 09-09-1047



VATNAJÖKULL I


                                                                Úr safni Hjörvars Sævaldsonar © Bjarni Bjarnason


Vatnajökull var smíðaður fyrir Sölumiðstöð Hraðfrystihúsa íLidingöverken,Lindingö Svíþjóð1947 Mældist :924 ts Loa:61,50 m brd 9,70 m Skipið selt til Grikklands 1964 og fær nafnið Evancelistria V Það varð fyrir stýrisbilun og rak á land við Sardínu 19-01-1981 Og grotnaði svo niður í höfninni í Gagliari 

Hinn farsæli skipstjóri á Vatnajökli Bogi Ólafsson fyrir miðri mynd með áhöfn sinni


                                                   Úr safni Hjörvars Sævaldsonar © ókunnur
VATNAJÖKULL I


                                                                                                © Rick Cox



                                                                Úr safni Hjörvars Sævaldsonar © Bjarni Bjarnason

Lokað fyrir álit

20.12.2013 11:53

Eftir WW2

Einhverntíma,einhverstaðar las ég að fáar þjóðir hefðu komið ríkari út úr WW 2 en íslendingar. Ekki skal ég rengja það. En ég tel mig líka hafa lesið einhverstaðar að hlutfallslega hefði manntjón íslendinga verið svipað og bandaríkjamanna í umræddu stríði  Hvað um það ég efast um að aðrar þjóðir hafi byggt skipaflota sinn eins ört upp og íslendingar.Bæði hvað varðar flutninga og fiskiskip Allavega ef tekið er tillit til hinnar frægu "höfðatölu". Það komu ný skip jafnvel mánaðarlega sum tímabilin. Skoðum mína gömlu vinuveitendur Skipaútgerð Ríkisins Eða "Ríkisskip"eins og það hét síðast.Það má segja að þeir hafi látið smíða fyrsta "farþegaskip" sem smíðað var fyrir íslendinga eftir WW 2 Herðubreið

Herðubreið og fyrsti skipstjórinn hennar


                                                                                                        Úr safni Tryggva Sigg
Guðmundur Guðjónsson




Skipið var smíðað hjá  George Brown & Co í Greenock Skotlandi 1947 sem HERÐUBREIР Fáninn var:íslenskur Það mældist: 366.0 ts, 350.0 dwt Loa: 45.30. m, brd7.60. m Skipið  gekk aðeins undir tveim nöfnum En 1971 fékk það nafnið ELEONORE I Nafn sem það bar síðast undir Panama fánaEn það var rifið í Alsír 1978

Guðmundur færði næsta nýja skip útgerðarinnar SKJALDBREIÐ einnig nýtt til landsins



                                                                                                    © Sigurgeir B Halldórsso
n

Skipið var smíðað hjá  George Brown & Co í Greenock Skotlandi 1947 sem SKJALDBREIР Fáninn var:íslenskur Það mældist: 370.0 ts, 350.0 dwt Loa: 45.30. m, brd7.60. m Skipið gekk aðeins undir þessum nöfnum: 1966 VIKING BLAZER - 1969 MARIANTHI - 1970 ALEXANDROS V - 1980 FROSINI Nafn sem það bar síðast undir grískum fána En það var svo rifið í Grikklandi (Perama) 1984

Skipaútgerð Íslands var líka fyrst til eftir WW 2 að koma með"alvöru" (með mikilli virðingu fyrir "Breiðunum") farþegaskip

HEKLA



                                                                                   Úr safni Tryggva Sigg

Og skipstjóri hennar Ásgeir Sigurðsson



Skipið var smíðað hjá Aalborg Værft í Aalborg Danmörk 1948  sem HEKLA Fáninn var: íslenskur  Það mældist:1456.0 ts, 557.0 dwt Loa: 72.70. m, brd 11.00. m Skipið  gekk undir þessum nöfnum:1966 KALYMNOS - 1968 ARCADIA - 198 KALYMNOS Nafn sem það bar síðast undir grískum fána En skipið var rifið í Grikklandi 1983
Lokað fyrir álit

19.12.2013 16:55

Eimskipafélag Íslands

Eftir ca 28 daga eru 100 ár síðan stofnað var í Reykjavík félag sem fékk nafnið Eimskipafélag íslands h/f. Eins furðulegt og það kann að hljóma komu tveir danir mikið við sögu um stofnun þess. Þeir Thor Jensem og Emil Nielsen. En sá síðarnefndi varð fyrsti framkvæmdastjóri nýja félagsins



Á 20 ára afmæli kom þetta fram um þróun skipastóls félagsins 1915. Tvö skip 2300 dwt 1921 Þrjú skip 4800 dwt 1927 Fjögur skip 6300 dwt 1928 Fimm skip 7400 dwt. 1930 sex skip  9400 dwt Fjögur skip sem þá voru í notkun hjá félaginu lét það byggja Gullfoss.1915 Goðafoss 1921 Brúarfoss 1927 og Dettifoss 1930. Tvo af skipunum sem í notkun voru hafði félagið keypt notuð. Lagarfoss 1917 og Selfoss  1928 En félagið hafði gert skipið út fyrir Landsjóð frá 1917

Skip og skipstjórar þeirra voru 1934 þessi

SigurðurPétursson



Skip hans GULLFOSS I


                                                                                                     Mynd úr mínum fórum © ókunnur
Jón Eríksson




Skip hans LAGARFOSS I



                                                                                                     Mynd úr mínum fórum © ókunnur



Pétur Björnsson



Skip hans Goðafoss


                                                                                                         ©Handels- og Søfartsmuseets


Júlíus Júníusson



Skip hans BRÚARFOSS


                                                                                                     Mynd úr mínum fórum © ókunnur


Ásgeir Jónasson



Skip hans Selfoss


                                                                                                     Mynd úr mínum fórum © ókunnur

Einar Stefánsson



Skip hans DETTIFOSS I


                                                                        Mynd úr mínum fórum © óþekktur


Mannamyndir skannaði ég úr gömlum bókum
Lokað fyrir álit

17.12.2013 23:44

Farmennska

það dettur í mig einstaka sinnum að fara að hugsa. Og þá stundum sem nú, um íslenska farmenn sem er að blæða út. Þá meina ég sem stétt..Hverjum er um að kenna hvorki get ég eða vil dæma um. Var of lengi frá landinu til að geta það af einhverju viti. En eitt er víst hverjum sem það er að kenna þá er virkilega illa komið fyrir stéttinni . Og sökudólkarnir hverjir þeir svo eru ættu að skammast sín. Nokkuð sem þeir sennilega ekki kunna. Þessi stétt sem siglu mörgum af fallegustu og best viðhöldnu skipunum sem sáust á höfunum Þessi stétt sem ekki síður flutti björg í bú íslendinga,en fiskimennirnir,með fullri virðingu fyrir þeim.Lítið yrði úr aflanum ef engin væri til að flytja hann til neytenda erlendis.Að maður tali nú ekki um nauðsynjavörur erlendis frá


HVASSAFELL var fyrsta nýsmíðin eftir WW2 Að ég held. En þegar skipið var keypt til landsins var smíði þess langt komið


                                                                                   © söhistoriska museum se

Mér hefur oft fundist farmenn ekki fengið þann sess í sögunni sem þeim ber.Ég minnist þess að við fiskimenn töluðum stundum um "tuskubelli" (þið fyrirgefið orðbragðið ) innfjarðarsjóara mublusjómenn o.sv.fr.En farmennska krafðist ekki síður mikillar sjómennsku en fiskimennska. Allaversta ísing sem ég hef  lent í var t.d.  um borð í farskipi. Máttarvöldin greina ekki farmenn frá fiskimönnum. Þessi misskilningur stafaði kannske af að farmennirnir sáust kannske helst við að þvo og mála í höfnum stundum hangandi í stillönsum einhverstaðar á skipinu.

TRÖLLAFOSS var stærsta skip flotans um tíma Var keyptur  notaður  Fyrsta skip Eimskipafélags Íslands eftir WW2


                                                                © Charlie Hill frá Swinefleet/Peter William Robinson

Þetta var misskilningur af sama toga og sagt var að við togarakallarnir værum alltaf fullir því að margir af okkur sáust ekki öðruvísi.Fólk sá ekki til okkar á sjó Eins sá fólk ekki til farmanna að koma böndum á farm sem losnað hafði eða moka til í lestum og kolaboxum ef með þurfti eða þvíumlíku. Miskilningur er oft út af vankunnáttu um staðreyndir Það gæti líka hafa örlað á einhverskonar öfund það fengu færri en vildu pláss á þessum skipum. Ég komst nokkrum sinnum í farmannspláss en komst fljótlega að raun um að við félagarnir,ég og"Bakkus" félagi minn sem þá var áttum þangað ekkert erindi

VATNAJÖKULL var fyrsta kaupskipið sem pantað var og smíðað fyrir íslendinga eftir WW2



                                                                           Úr safni Hjörvars Sævaldsonar © Bjarni Bjarnason

En maður verður hugsi yfir framtíð íslenskra siglinga ekki síður en fiskveiða.Hvar endar þetta.Ný og fullkomin skip fást ekki mönnuð íslendingum.Það getur varla verið langt í að útlendir hafnsögumenn verði ráðnir við hafnir landsins.Þó ég viti um eitt dæmi að ekk iskipstjórnar lærður hafnsögumaður hafi sinnt því starfi,og það gerði hann með svo miklum sóma að frægt var út um heim.Þá meina ég hinn mikla atorkumann Jón Sigurðsson kenndan við Látra í Vestmannaeyjum.



GOÐAFOSS III Var fyrsta skipið sem smíðað var fyrir Eimskipafélag Íslands eftir WW 2  Hér við komuna til Reykjavíkur í mars 1948




GULLFOSS var stolt íslenska flotans á eftirstríðsárunum 

                                                                                                © söhistoriska museum.se

ÞYRILL var fyrsta olíuskipið sem keypt var til landsins eftir WW2



                                                                 Mynd úr safni Guðlaugs Gíslasonar

HERÐUBREIÐ var fyrsta skip sem Skipaútgerð Ríkisins lét byggja eftir WW 2

 

                                                                 Mynd úr safni Tryggva Sig

 

Ég skrifaði smá færslu í gær um hluta af Reykjavíkurhöfn  Lífið við hana var þá allt annað en nú.Og hugur margs ungs manns hefur mögulega  beinst að sjómennsku við að koma þangað í gamla daga. Kannske við að veiða kola við Verðbúðar eða Loftsbryggju. Hvar sjá unglingar nútímans eitthvað í líkingu við það sem við sáum. Hvergi. Bryggjur,allavega sem flutningaskip liggja við eru nú  lokuð almenningi  Gullaldarskeið íslenskrar farmennsku var ekki runnið upp 1953. En þegar ég hugsa um gömlu góðu höfnina langar til taka mér bessaleyfi til að breyta aðeins teksta Ása úr Bæ þegar hann yrkir um götuna sína.Breyta nafninu götu ú höfn þó það standist engin lögmál bragfræði:

Ó, gamla gatan mín, í

Ó, gamla höfnin mín,
ég glaður vitja þín,
og horfnar stundir heilsa mér.
Hér gekk ég gullin spor,
mín glöðu æskuvor
sem liðu burt í leik hjá þér.

Þá áttu glæsileg.stór og falleg íslensk farskip eftir að prýða þessa höfn.

BRÚARFOSS II eitt af alfallegustu skipum íslenska kaupskipaflotans sáluga

                                                                                                      © Handels- og Søfartsmuseets.dk

Skip eins og"Selfoss og Brúarfoss sem komu 1958 og1960,.Skip sem að mínu mati eru fallegustu farskip sem prýtt hafa úthöfin.Já nú er Snorrabúð stekkur Ég held að síðasta flutningaskipið sem byggt var fyrir Íslendinga og undir þeirra fána hafi verið BRÚARFOSS IV sem kom nýr til Reykjavíkur  fyrsta júlí 1996 Eða fyrir 17 árum. Ég tel ekki ferjurnar Baldur og Herjólf eða hafrannsóknarskip með Það er ekkert tilefni til að gleðjast þótt við skipin hér á landi bætist fleiri skip með Caribbeanflaggi í skut  Þetta er Ísland í dag.

BRÚARFOSS IV

                                                                                                                ©  Andreas Spörri

Hér á árum árum áttu sumir ráðamenn stóra drauma,allavega á Sjómannadag um að gera Ísland að stórveldi í siglingum.Já það er sælt að láta sig dreyma en sú von hefur nú misst vængi sína Íslenska endurreisnin hófst upp úr næstsíðustu aldamótum Við fengum fullveldi við fengum svokallað lýðræði Og síðast og allsekki síst við fengum fallegan þjóðfána Sem allir SANNIR íslendingar eru stoltir af. Það sker í augun að sjá hann í mismunandi ástandi lafa sem gestafána í eigin landi nú til dags Og allt það sem gerst hefur best og mest síðan hér á landi síðan um næst síðustu aldamát er beint eða óbeint runnið frá þeim ávöxtum sem íslensk sjómannastétt hefur skapað  Íslensk stjórnvöld ættu að sjá þann gæfuveg að íslenskir sjómenn sigli ÍSLENSKUM skipum prýdd sínum eina þjóðfána um heimshöfin Íslenskir sjómenn sem eru stoltir af sínu þjóðerni 


Þetta litla skip INGÓLFUR var fyrsta kaupskip sem byggt var sérstaklega fyrir íslendinga Með alíslenska áhöfn


                                                                                      Mynd úr mínum fórum © óþekktur

Munum að land vort fannst forðum af því að til voru djarfir menn sem lögðu út á hafið,þrátt fyrir ófullkomin skipakost. Uppáhalds efni í ræðuhöldum ráðamanna á tillidögum var hér á árum áður var um að við hefðum misst sjálfstæðið þegar við nenntum ekki lengur að sigla.  Og um hve þarft það sé sjálfstæðri eyþjóð að sjá um sínar siglingar. En þeir láta farmannastéttinni blæða út hægt og hægt. Þá er eins og blóðið sé frosið í þeirra eigin æðum. Einusinni var það krafa til að ná  flutningum til landsins að þeir færu fram með íslenskum skipum. En svo seldi einhver andsk...... sál sína og nú er staðan döpur í meira lagi  Ekkert hefur verið gert til hagræðis íslenskri farmennskiu að mínu viti. Í þjóðvísu frá Álandseyjum segir m.a."vem kan ro utan årar" Já hver getur róið án ára. Íslensk stjórnvöld hafa ekki vilja í dag til að leggja til árarnar .Því miður.Og það er hverjum einasta svokölluðum alþingismanni til ævarandi skammar að láta þessi mál lönd og leið

Endalok fyrsta kaupskipsins  sem pantað og smíðað var fyrir íslendinga eftir WW 2 má kannske herma upp á íslenska farmenn sem stétt um þessar mundir Við eigum ennþá dugmikla farmenn sem eiga mikið hrós skilið. En því miður muna ráðamenn hvaða stöðu þeir gegna, það bara einn dag á ári. Aðra 364 mega þeir bara éta sk.. Þ.e.a.s sjómennirnir Það hefur enginn alþingismaður og því síður ráðherra áhuga á þeim þá daga


VATNAJÖKULL  komin að fótum fram eins og farmannastéttin sem slík





                                                                                                                                           @yvon




                                                                                                                                                                                          @yvon

Lokað fyrir álit

17.12.2013 22:25

Fyrir ca 60 árum

Oft í skamdeginu tekur Nostalgía mann heljartaki. Og nú langar mig að þið komið mér út á Ægisgarð fyrir 60 árum.Fylgdarmaðurinn er sem sagt hinn þá 15 ára hjálparkokkur á Eldborginni.

Hjálparkokkurinn við líkan af ELDBORGINNI 60 árum og rúmum 60 kg seinna


                                                                                            © Brynjar Ragnarsson

Við Ægisgarð lágu oft skip með mikla sögu bak við sig. Árið er 1953 og það er einhver mánudagur eða fimmtudagur því þá fer Eldborgin  bara tvær Akranesferðir kl 0800 og 1700. Við verðum að vera snögg því þennan dag á hjálparkokkurinn að sjá um 3 kaffið og hann slóraði við uppvaskið eftir hádegismatinn.Við austanverðan Ægisgarð liggur eitt af frægustu skipum Íslenska flotans fyrr og síðar.Verksmiðjuskipið Hæringur.

HÆRINGUR OG FANNEY


                                                                                                          Mynd úr mínum fórum © óþekktur

Hann hafði verið byggður í Union DD skipasmíðastöðinni í Buffalo og hljóp af stokkunum 24-04-1901 undir nafninu"Mauch Chunk"fyrir Lehigh Valley Tptn Co, Buffalo og ætlað til hrájárnflutninga.Skipið var 116,3 metra langt og 15,4 m breitt með 1800 ha 3ja þjöppu gufuvél.Skipið hafði gengið kaupum og sölum og undir ýmsum nöfnum: 1921 W.J.CONNERS  1947 MALACCA STRAITS - 1948 W.J.CONNERS - 1948 er það svo selt Hæringi h/f í Reykjavík sem breytir því í fljótandi Síldarverksmiðju.Skipið kom til landsins 1948 en lá bundin við Ægisgarð þar til hann var seldur til Álasunds með 2 undantekningum.1950 sigldi skipið austur á land og lagðist við akker á Gunnólfsvík þar sem það tók á móti 4-5 þús mál.1 mál samsvaraði ca 135 kg.

HÆRINGUR var kannske frægastur fyrir að slitna frá bryggju og loka Reykjavíkurhöfn um tíma 5 jan 1954



Eftir mikla þrautsegju og dugnað hafnsögumanna og starfsmanna hafnarinnar tókst að koma skipinu aftur að bryggju.Í ljóði sem ort var um atburðinn segir m.a:"En Hæringur karlinn var kátur / að komast nú loksins úr höfn ,/ og fádæmasvipmikil siglingin var / um sæfexta freyðandi dröfn. / Það var næstum eins og hér áður, / þegar útgerðin dafnaði best / þá var sími í stafni og skrifstofa í skut / en skuldunum safnað í lest / Engan grunaði þá hvað í loftinu lá / yfir ládauðum stjórnmálasæ / Þá var skipulagt allt,þá var skemmtilegt allt, / þá var skipstjórinn indælis gæ"  Skipið bræddi síld í Álasundi í nokkur ár en var svo rifinn í Sandnessjöen 1957.

YOG 32


                                                                                                          Mynd úr mínum fórum © óþekktur

Utan á Hæringi láu oft hin ýmsu skip.Fastagestur utaná honum var YOG 32 sem var Ameríkst olíuskip af svokallaðri YOG-5 Class Gasoline Barge (Self-propelled):gerð byggt 1944, í RTC Shipbuilding Corp., Camden, N.J.Skipið var 53 m langt og 10 m breitt með 1700 ha diselvél.Þetta skip sem setti ásamt Hæring svip sinn á höfnina var notað af ameríska hernum til olíuflutninga úr Hvalfirði til Keflavíkur.En lá lengst af utan á Hæringi.Sjóliðarnir eignuðust kærustur í Reykjavík eins og gengur og komu þær stundum í heimsókn.Einu sinni lágum við í klössun á Eldborginni utaná YOG 32 sem aftur var 3 skip frá Hæring.Svo einn daginn fór annað skipið sem lá utan á Hæring og komu þá allar"kærusturnar"um borð til okkar.Þær voru lítt að sér í skipategundum og töldu bara skipin.En þær voru fljótar að átta sig á að um borð um Eldborg var lítið um Coke,nælonsokka eða tyggjó. Manni er stundum hugsað til þessara stúlkna í núinu. Þær eins og ég og fl höfðu gaman að skemmta sér. En eru í dag kannske ornar ráðsettar frúr til margra ára langömmur m.m kannske En aftur að hafnar rápinu Skipið hvarf af landi brott og skiftir um flokk verður YO 48(Fluel Oil Barge)Ensíðar er það dregið til Nofolk og verður það YWN (non-self-propelled) Water Barge.1975 var skipið svo rifið.


FANNEY


                                                                                                          Mynd úr mínum fórum © óþekktur

Eitt af mörgum skipum sem lágu oft við Ægisgarð var Fanney skip Fiskimálanefndar og Síldarverksmiðja ríkisins.Þetta skip var smíðað í Tacoma(ekki langt frá Seattle) á vesturströnd USA Smíði skipsins tók 58 daga. Það var 158 ts að stærð og því var siglt til Íslands og var fyrsta íslenska skipið sem var siglt gegn um Panamaskurðin.Sjóleiðin var 9095 sml. Endalok þess skips urðu þau að það sökk undan Horni eftir að hafa siglt á ísjaka 2 maí 1968. Vestanverðu við Ægisgarð lá í mörg ár bátur að nafni Bragi.Skipið var byggt í USA 1944.Eftir langa legu hallandi undir flatt við Ægisgarð gekk það kaupum og sölum í mörg ár.Endalokin urðu þau að það var rifið á Neskaupstað1971.

BRAGI


                                                                                                Mynd úr mínum fórum © óþekktur

Utan á Braga lá í mörg ár b/v Íslendingur.skip með sögu bak við sig .Skipið var byggt í Englandi 1893.Var 146 ts með 2ja þjöppu gufuvél.Það kemst í eigi Íslendinga 1908.9 des 1926 sökk það af ókunnum orsökum þar sem það lá á legu sinni á Eiðsvíkinni..Skipinu var bjargar af sjávarbotni 1941 og það endurbyggt og sett í það 500 ha Fairbanks diselvél.Það gekk svo kaupum og sölum þar til 1961 að það var tekið af skrá.

Gömul mynd af ÍSLENDING  Skipið var mikið breytt þarna 1953


                                                                                                Mynd úr mínum fórum © óþekktur

Fleiri skip höfðu mismunandi viðlegu við Ægisgarð en við höfum ekki tíma til að skoða fleiri.3 kaffið er á næsta leiti og svo er það Akranesferð kl 1700.En á eitt skip sem ég tel eiginlega öruggt að legið hafi við Ægisgarð einhverntíma.Þó ekki þarna 1953 ástæðan var sú að það fórst 13 jan 1952 við Orkneyjar og með því 8 menn.Skipið mun hafa verið smíðað fyrir Dr Charcot, Jean-Baptiste Hvort þarna var komið hið fræga skip Dr Charcot, Jean-Baptiste" FRANÇAIS"veit ég ekki fyrir víst en tel töluverðar líkur á að svo sé.Eftir því sem ég kemst næst voru bara 2 skip smíðuð fyrir doktorinn FRANÇAIS og Pourquoi pas? Eftir bók Jóns Björnssonar var Eyfirðingur smíðaður í Frakklandi fyrir Dr Charcot En ef svo var þá átti þetta skip mikla sögu áður en það komst í eigu Íslendinga.Það var smíðaða úr eik 1908 af virtum skipasmið:" Pere Gautier" í St.Malo.Fyrir Dr Charcot,

FRANÇAIS seinna EYFIRÐINGUR



                                                                                                          © Photoship

Hinn þekkta vísindamann sem fórst með þá verandi skipi sínu Pourquoi pas? En aðalástæðan fyrir að ég hef skipið með í þessum hugleiðingum er að það hafði fyrir nokkrum árum áður  komið nokkrum sinnum í Borgarnes til að lesta hey til óþurrkasvæða N og A-lands.Þá hafði myndast smá kunningsskapur milli mín og kokksins sem hét Vernharður Eggertson.Vernharður sem var 43 ára er hann fórst var skáld og skrifaði undir nafninu"Dagur Austan" Hann var mikill ævintýramaður Tók t.d þátt í Borgarastríðinu á Spáni Og í hitteðfyrra (að mig minnir) kom út bók um ævintýri hans En nú þarf hjálparkokkurinn af Eldborginni að fara að drífa sig um borð og hella upp á könnuna.2 skeiðar af kaffi og brot af kaffibæti Og smá sletta af sósulit að skipan kokksins

Lokað fyrir álit

16.12.2013 19:46

MORMACPENN

MORMACPENN hét hann þessi sem á sínum tíma "ruddi"niður nyrðri hafnarvitanum í innsiglingunni í Reykjavík Atvikið átti sér stað þ 21 nóv 1954


                                                                                                                 © photoship


Skipið var smíðað hjá Ingalls í Pascagoula USA 1946 sem MORMACPENN  Fáninn var: USA   Það mældist: 7909.0 ts, 12979.0 dwt Loa:n 150.00. m, brd 21.20. m Skipið gekk aðeins undir tveim nöfnum:En 1971 fékk það nafnið SILVER LARK Nafn sem það bar síðast undir sama fána. En skipið var rifið á Taivan1972


MORMACPENN


                                                                                                                 © photoship
Svona sagði Mogginn frá atvikinu þ 23 nóv 1954





MORMACPENN


                                                                                                                 © photoship

Ég man eftir þessum atburði Ég var þá byrjaður á Eldborginni. Og við lágum í Reykjavíkurhöfn og heyrðum skruðningana þegar skipið rakst á.
Lokað fyrir álit
Flettingar í dag: 1019
Gestir í dag: 77
Flettingar í gær: 572
Gestir í gær: 96
Samtals flettingar: 3600061
Samtals gestir: 501300
Tölur uppfærðar: 17.6.2019 10:31:04
clockhere