Svo er það Fjallfoss II .Einhvernveginn held ég að hann hafi verið betur "heppnaður" en litli bróðir Tungufoss I Mér hefur líka einhvern veginn alltaf þótt hann fallegra skip þó kannski sjáanlegi munurinn hafi verið lítill.


Hér að hlaupa af stokkunum

                                                                                  © Handels- og Søfartsmuseets.dk

Skipið var byggt hjá  Burmeister & Wain í Kaupmannahöfn Danmörk 1954 sem Fjallfoss Fáninn var íslenskur  Það mældist: 1796.0 ts, 2600.0 dwt. Loa: 93.10. m, brd: 13.50. m Skipið hefur gengið undir þessum nöfnum: 1977 CASCIOTIS -1981 PSATHI - 1989 VEFA - 1990 SEA FRIENDS 1994 GOD'S GRACE Nafn sem það ber í dag undir fána Nígeríu En þetta segir um skipið í þeim gögnum sem ég hef undir höndum "No Longer updated by (LRF) IHSF(since 26-08-2011)

                                                                                  © Handels- og Søfartsmuseets.dk
Stólar já eða tæki voru ekki mikið fyrir mönnum í brúnni


                                                                                  © Handels- og Søfartsmuseets.dk
En vel búið að mönnum annarstaðar


                                                                                  © Handels- og Søfartsmuseets.dk


                                                                                  © Bobby Ships Nostalgia

Hér á meðal stóru skipana í London á sínum tíma


                                                                                  © Fairfield Ships Nostalgia

Hér eru tvo skip sem tilheyrðu íslenska kaupskipaflotanum sáluga. Tungufoss I og Fjallfoss II Mikill velunnari síðunnar Guðmundur Guðlaugsson sendi mér myndina

Hér eru þeir bræður. Tungufoss í forgrunni

                                                 Úr safni Sjómannadagsráðs © ókunnur

Tungufoss I og Fjallfoss II  Og voru fyrstu afturbyggðu skipin sem Eimskipafélag Íslands létu byggja. Þó skipin líktust Tröllafossi ekki mikið sagði einn af skipstjórum félagsins mér að reynslan af honum hefði verið í bakhöndinni vi smíði þessara Tökum fyrir fyrra skipið Tungufoss

Hér að hlaupa af stokkunum

                                                                       © Handels- og Søfartsmuseets.dk


Skipið var byggt hjá Burmeister & Wain í Kaupmannahöfn Danmörk 1953 sem Tungufoss Fáninn var Íslenskur Það mældist: 1176.0 ts, 1700.0 dwt. Loa: 79.90. m, brd: 11.60. m Skipið hefur aðeins gengið undir tveim nöfnum en 1974 fékk það nafnið AL MEDINA Þ. 03-06-1976 sökk það á .20°.35´0 N og 072°.45´0 A.  Á leið frá Djibouti til Mumbay í ballast Þá undir fána Kýpur

Hér í reynsluferðinni ???


                                                                       © Handels- og Søfartsmuseets.dk



        © Handels- og Søfartsmuseets.dk

Þær voru smekklegar íbúðirnar í Tungufoss


                                       © Handels- og Søfartsmuseets.dk

Febrúarmánuður 1959 mun lengi verða minnst, sem eins hörmulegasta slysamánaðar i sögu Íslands.  í 34 ár ( Halaveðrið 1925 ) hafði grimmd Ægis ekki bitnað jafn sárlega á þjóðinni og þarna 1959.

                                                                       Úr safni Sjómannadagsráðs © ókunnur

Og viðlíka grimmd hefur hann ekki sýnt síðan.  Þjóðin var lengi i sorg og samúð allra beinist til hinna mórgu, sem svo skyndilega höfu verið sviptir ástvinum sínum þennan hræðilega febrúar mánuð. Þar sem 42 sjómenn týndu lífi. Af tveimur skipum.  Annað skipið togarinn Júlí fórst víð Nýfundnaland með honum 30 menn. Hitt, vitaskipið Hermóður fórst má segja við bæjardyrnar 10 dögum seinna. Með skipinu fórust 12 menn. Þarna urðu yfir 50 börn  föðurlaus.



                                                                    Skannað úr bók © ókunnur

Þegar þarna var komið sögu var ég búinn að vera sjómaður í tæp sex ár. Og ég þekkti margar af mönnunum sem fórust. Aðallega af Júlí .Ég var hér í Vestmannaeyjum þegar þessi ósköp gengu yfir. Ég var málkunnugur kokknum á Hermóði (sem að vísu var þarna í afleysingum) og hafði verið að spjalla við hann nokkru áður en hann fór í sína hinstu för. Einmitt um sameiginlega kunninga á Júlí. Og maður átti eiginlega bágt með að trúa fyrstu fréttum sem bárust af Hermóðsslysinu. En hin bitri sannlekur kom svo brátt í ljós.


                                                                    Skannað úr bók © ókunnur

Hermóður var byggður hjá  Finnboda Varf í Stockholm Svíþjóð fyrir Ríkissjóð Íslands Það mældist: 209.0 ts,  Loa: 34.0. m, brd: 7.03. m Skipið gekk aðeins undir þessu eina nafni En það fórst við Stafnes ??? 18 febrúar 1959

Ég minntist aðeins á Akraborg I hjá Skallagrím í fyrradag

Hér í reynsluför

                                                                 © Handels- og Søfartsmuseets.dk
                                                                 © Torfi Haraldsson

Hver réði teikningum og öllum útbúnaði veit ég ekki. En við komuna 1956 var það minnstakosti 20 árum eftir tímanum að mínu áliti.. Trélúgur og segl yfir þeim látum það nú vera. En einfalda bómur með tógertum var nú ekki alveg eftir nýustu tísku þess tíma. Afturlest sem tók að mig minnir 16 ts vitagagnlaus nema sem afturpikkur. Og gangar sitthvoru megin við yfirbyggingu ofandekks sem sinnu engum tilgangi öðrum en að þar sullaðist bara sjór inni í veltingi.Hásetar matsveinn og aðstoðarmaður í vél bjuggu framm í og mötuðust þar. Í brælum þurfti að sæta lagi að komast klakklaust með soðninguna klakklaust fram í.

Hér á sama stað orðin svört


                                                                               © Ástþór Óskarsson

Það er bersýnilegat að teikningin af Laxfossi hefur verið höfð til hliðsjónar þegar Akraborg var teiknuð. Það er oft með endemum hvernin íslendingar stóðu stundum að t.d útbúnaði m.a í brú og á fleiri stöðum. Ég kom eitt sinn upp í brú á nýju íslensku skipi. Og ég hreinlega spurði "Hvaða helv.... asni stjórnaði þessu " þá meinti ég niðurröðunina á stjórntækjunum. Ég vissi ekki að sá hinn sami stóð við hliðina á mér.

Hér orðin "supplyship"


                                                                                          © Photoship


Maður sem ég átti svo eftir að sigla mikið með. Það virðist alltaf vera síður ef þannig er staðið er að málum að mennirnir sem eiga að vera við stjórntækin sem sett eru í nýju skipin eru elstu starfandi skipstjórarnir sem jafnvel eru að hætta. Hafa ekkert fylgst með og eru bara ánægðir með ef þetta er eins og þeir hafa unnið með sl 20-30 ár

Hér  sem CAPTAIN ZEEV HAYAN  á  Rhódos, 13 Október 1984


                                                                                             © Tony Garner

Mikill velunnari síðunnar Guðmundur Guðlaugsson sendi mér nokkrar myndir sem munu birtast hér á næstunni.Hér er sú fyrsta.Skemmtileg mynd frá Reykjavíkurhöfn. Tekin á árunum 1947 - 1952


                                                                       Úr safni Sjómannadagsráðs


Svarta skipið við Sprengisandinn hét Lingstroom og var sennilega leiguskip hjá SÍS.Utan á honum er varðskipið Ægir. Utan á honum tollbáturinn Örn og hafnsögubáturinn Nóri?? Við Ægisgarð má þekkja Vatnajökul, vitaskipið Hermóð dráttarbáturinn Magna dýptkunarskipið Grettir

Ég er mikið búinn að spekulera í skipinu að norðanverðu við Sprengisandinn fyrir framan Herðubreið sem ég tel að sé svarta skipið þar.fyrir aftan.Radarinn minnir á Sæbjörg en mér þykir brúin afsanna það  Svo er Laxfoss í forgrunni. Þarna sjá menn að ekki var nú mikið hugmyndaflug til staðar þegar Akraborg var teiknuð Bara gamli Laxfoss (byggður 1935 lengdur 1945) straumlínulagaður. Og skipið Lingstroom er búið að vera mér erfitt. Hvergi stafur um það í þeim gögnum sem ég hef aðgang að

Dráttarbátar með slökkviliðsmenn og slíkir um borð í skipinu sjálfu munu hafa náð tökum á eldinum í MSC Flaminia í gærkveldi þ 24 þ.m. Dráttarbáturinn ANGLIAN SOVEREIGN er búinn einhverjum laserhitamærir sem getur fylgst með hita um borð í havaristanum.





Og menn þar eru tilbúnir blossi eldurinn upp aftur Mikil þoka hefur tafið björgunar aðgerðir í bili. En strax og henni léttir munu menn fara um borð í hið laskaða skip. Slökkva alla smáelda sem kunna að finnast og kanna skemmdir nánar.Gert var ráð fyrir að fleiri björgunarmönnum takist að komast um borð í dag. Og þá átti að athuga með að sigla skipinu undir eigin vélarafli til en óákveðinnar hafnar í Evrópu. Í dag 25 var "hjörðin" 260 sml vestur af Brest í Frakklandi. Hér fyrir neðan eru myndir frá eldsvoða í  Hanjin Pennsylvania 2002. Þær sýna hina ömurlega eyðileggingu sem eldur hefur í för með sér


                                                                                          © Maritime Bulletin


                                                                                          © Maritime Bulletin


                                                                                                  © Maritime Bulletin

NSB hefur nú staðfest að dráttarbáturinn FAIRMOUNT EXPEDITION byrjaði að draga  MSC FLAMINIA að kveldi þess 20 þ.m. Í átt að Evrópu. Á meðan kjást dráttarbátarnir ANGLIAN SOVEREIGN og CARLO MAGNO við eldinn til skiftis. Auk þess eru slökkviliðsmenn um borð skipinu sjálfu sem nota slökkivitæki þess til að verja svæðið fyrir framan yfirbygginguna.

Þessi er að draga

                                                                                          ©  Hannes van Rijn


Frekar gengur ferðin hægt eða um 5 sjm á klst. 10° halli er komin á skipið.

Þennan


                                                                                          ©  Maritime Bulletin

Hér fyrir neðan er bréf sem barst einu blaði sem hefur fjallað um málið og sem t.d gagnrýnt hefur framgönu rekstraraðilan harðlega. Ég læt bréfið fara óþýtt svo allt sé nú rétt: " My family's household goods are on this vessel. Despite my giving NSB the container number, they still cannot tell me if it was in holds 4,5,or 6. Is there a diagram or blueprint of this vessel? I am sure anyone with goods on board are very frustrated with the lack of information"

Meðan þessir skiftast á að reyna að slökkva eldinn


                                                                                  © Derek Sands



                                                                                         © Marcel & Ruud Coster
Svo mörg voru þau orð. Og eitt er víst þessi bruni á eftir að draga, kannske margra ára dilka á eftir sér. Ef maður leyfir sér að vera vel háfleygur



Hér er svo öll hersingin


                                                                                               © Maretime Bulletin

Nú er komið meira skipslag á Oceanic En það hefur sennilega verið á reynsluferðinni í dag en þá voru þessar myndir teknar í IJmuiden,Hollandi

                                                                                       © Marcel & Ruud Coster
Skipið er byggt hjá Shipyard Hartman Marine Shipbuilding BV í Urk Hollandi 2012 sem Oceanic. Það mældist 2979 ts  3500 dwt  Loa:92,90 m. brd:15,0 m. Skipið mun vera hannað til flutninga á vindmyllum og efni í þær






                                                                                       © Marcel & Ruud Coster



                                                                                       © Marcel & Ruud Coster


                                                                                       © Marcel & Ruud Coster
Á myndinni hér fyrir ofan finnst mér eiginlega vera vafi á hvort hann er að koma eða fara!!!!!


                                                                                       © Marcel & Ruud Coster

Hér eru tölvumyndir sem ég fann á netinu. Á þeim sést fyrirhuguð notkun skipsins

Ekkert hefur heyrst frá rekstraraðila MSC Flaminia  NSB Niederelbe síðan 20 þ.m. En svo virðist eftir AIS virðist skipið nú vera í togi. Stefna 93° --- 95° og hraði frá 5 uppí 5.5 sml. C.a  600 mílur eru til næstu hafna annaðhvort við Biscayflóa eða Englandi


                                                                                              © Maritime Bulletin
Nú rekstraraðilinn hefur gert "Lloyd's Open Form salvage contrac" signed with Smit og er því inni í myndinni að reyna að koma skipinu fyrr til hafnar undir eigin vélarafli. Menn eru eiginlega vissir um að röng lestun á "dangerous goods" hafi valdið eldsvoðanum. Einnig eru margir farmeigendur sem eiga gáma í skipinu farnir að óróast því rekstraraðili skipsins vill eða getur ekki gefið þeim upp staðsetningar á gámum þeirra í skipinu.


                                                                                          © Maritime Bulletin

Í fyrstu getgátum sem fram komu frá björgunaraðilum var talað um 700 - 1000 gáma sem "total lost" Nú tala þeir um 100 - 1500 "badly burnt". En eitt er víst að eftir þennan eldsvoða já og fleiri í gámaflutningaskipum undanfarin ár verða reglur um lestun og losun á "dangerous goods" hertar að mun. En það er eins og það er menn reyna alltaf að fara kring um  lög og reglur til að spara peninga

Á föstudaginn varð sprenging og bruni í ónefndu skipi í höfninni
i  Port Harcourt, Nígeríu..

Port Harcourt



Að minstakosti þrjátíu manns munu hafa verið um borð. Sumir fleygðu sér í sjóinn réttara sagt vatnið þar sem borgin stendur við fljót ( Bonny River minnir mig). Aðeins þrír af þeim snáðu landi. Skipið mun hafa verið einskonar þjónustuskip fyrir borpallana og mennina á þeim. Eitthvað hefur þessi þjónusta verið fjölbreitt því í brunanum fórust tólv ætlaðar vændiskonur.Eiganda skipsins er nú leitað af lögreglinni

                                                                                                © Maritime Bulletin

Annar dráttarbáturinn ANGLIAN SOVEREIGN kom að havaríistanum í gærmorgun og sá þriðji CARLO MAGNO  var væntanlegur í hádeginu í dag á staðinn. Fleiri slökkviliðsmenn eru komnir um borð í hið nauðstadda skip og berjast þar við eldinn með tiltækum tækjum þess. Eitthvað mun vera á reyki með röðina á gámunum  í MSC Flaminia. Því rússneskt flutningafyrirtæki sem átti gáma af lúxusvörum um borði vildfi fá að vita hvar þeir gámar hafi verið staðsettir í skipinu.. En hafa engin svör geta fengið hvorki frá eigendum skipsins NSB Niederelbe eða umboðsskrifstofum þess.


                                                                                               © Maritime Bulletin




                                                                                               © Maritime Bulletin


                                                                                               © Maritime Bulletin

CARLO MAGNO


                                                                                               © Marcel & Ruud Coster

Skipið var byggt hjá Rosetti SY í Ravenna,Ítalíu 2006 sem CARLO MAGNO Fáninn var ítalskur Það mældist: 1650.0 ts, 1400.0 dwt. Loa: 55.40. m, brd: 15.50. m Skipið hefur aðeins gengið undir þessu eina nafni og fáninn er sá sami

CARLO MAGNO



                                                                                               © Marcel & Ruud Coster



                                                                                               © Marcel & Ruud Coster


                                                                                               © Marcel & Ruud Coster

Eins og fyrr sagði er annar vélstjóri af Hanjin Ottawa kominn um borð í havaríistan. Þegar hann hafði verið fluttur yfir hét H. Ottawa áfram ferð sinni í Súez Hann mun reyna að virkja  MSC Flaminia's "firefighting system" Vélstjórinn er búinn að staðfesta að eldurinn eða reykur frá honum hefur engin áhrif haft í vélarrúmi eða í íbúðum í yfirbyggingu




´                                                                                                © Maritime Bulletin


´                                                                                                © Maritime Bulletin

Önnur sprenging varð í skipinu þ18 þegar slökkvistarf var að hefjast. En mér skilst að eldurirnn hafi brotist út eftir sprengingu þann 14. Þannig að þetta virðist vera stórhættulegt slökkvistarf  Einnig virðist eldurinn vera farinn að breiðast meir aftureftir skipinu.  Á fyrstu myndum af brunanum má sjá t.d. alla stafina MSC á síðunni en nú eru þeir farnir að hverfa í reyk.  En nú mun þriðji dráttarbáturinn vera væntanlegur á staðinn á hádegi á morgun laugardag. Eftir því sem mér skilst er skrokkurinn sjálfur ekki að sjá skemmdur utanfrá að sjá en vegna bruna á efnum inni í skipinu og sjódælingum er komin 8-10 °halli á skipið. Björgunarmenn láta hafa eftir sér að það gæti tekið vikur að slökkva eldinn í skipinu svo unt væri að draga það til Evrópu til viðgerðar

Sagafjord er næst síðasta skipið (Vistafjord var það síðasta eins og vinur minn Heiðar Kristins grunaði) sem Norwegian America Line lét byggja á ferli félagsins Sem stóð að ég held í sextíu ár. Frá 1913 en það ár létu þeir byggja tvö skip SS Kristianiafjord og SS Bergensfjord. Það verður verðugt verkefni í vetur að skrifa um þetta félag. En snúum okkur að :

Sagafjord

                                                                                            © Chris Howell

Skipið var byggt hjá  Mediterranee í  La Seyne Frakklandi 1965 sem SAGAFJORD  Fáninn var norskur Það mældist: 24002.0 ts, 6253.0 dwt. Loa: 188.90. m, brd: 24.50. m Skipið gekk undir þessum nöfnum: 1996 GRIPSHOLM - 1997 SAGA ROSE  Nafn sem það bar síðast undir fána Bahamas. En skipið var rifið í Jiangyin í Kína í maí 2010

Sagafjord


                                                                                            © Chris Howell

Bæði Sagafjord og Vistafjord virðast hafa verið seld Cunard Line á Englandi 1983


                                                                                            © Chris Howell


                                                                                            © Chris Howell


                                                                                            © Chris Howell


                                                                                            © Chris Howell

Lítið veit ég um þetta furðulega skip annað en það er byggt í Póllandi (skrokkur) en fullbyggt í Hollandi Á að heita Oceanic. Heimahöfn mun verða Urk Hollandi. Eigandi er Global Seatrade Urk, þar í landi. það er 2,999 ts og 3,500 dwt .Meira veit ég hreint ekki um það annað en það er víst ekki fullbyggt enn En mikil skelfing er þetta ófrítt skip, og fyrsta hugsun sem flaug í gegn um hausinn."lengi getur vont verstnað"


                                                                                      © Marcel & Ruud Coste


                                                                                      © Marcel & Ruud Coster



                                                                                      © Marcel & Ruud Coster



                                                                                      © Marcel & Ruud Coster


                                                                                      © Marcel & Ruud Coster

Í gær komst dráttarbáturinn Fairmount Expedition á staðinn þar sem MSC Flaminia hefur verið að brenna undanfarna daga. Einnig var gámaflutningaskipið Hanjin Ottawa komið þangað. Dráttarbáturinn Anglian Sovereign er ekki væntanlegt fyrr en á morgun 19 Gámaflutningaskipið  Hanjin Ottawa er gert út af sama aðila og MSC Flaminia eða  Niederelbe  Schifffarthrtsges.


                                                                                  ©  Martime Bulletin

Ég verð nú að segja að eftir myndum að dæma er það svolítið einkennilegt að æðstu yfirmenn skipsins skuli vera komnir í land á Englandi.Og maður spyr sig líka gerði áhöfnin áhöfnin enga tilraun til að berjast við eldinn sem logaði í framskipinu. Eitthvað eru fréttir af þessu óljósar. Ég hef ekki geta fundið út hvort dallurinn var bara skilin eftir  einn brennandi eftir að skipverjum var bjargað. Og þau tvö skip sem stóðu að björguninni yfirgáfu staðinn. En þetta hlýtur "P and I" klúbburinn að rannsaka

                                                                                  ©  Martime Bulletin

Hanjin Ottawa


                                                                                  ©  Hannes van Rijn

Skipið var byggt hjá Hanjin HI & Construction Co í Pusan Kóreu 2000 sem CONTI MELBOURNE Fáninn var Líbería  Það mældist: 66278.0 ts, 68834.0 dwt. Loa: 278.10. m, brd: 40.30. m Skipið hefur aðeins gengið undir tveim nöfnum en  2000 fékk það nafnið HANJIN OTTAWA Nafn sem það ber í dag undir þýskum fána

Hanjin Ottawa


                                                                                  ©  Hannes van Rijn

Annar vélstjóri af HANJIN OTTAWA mun hafa farið strax um borð í havaríistan eftir að FAIRMOUNT EXPEDITION kom að skipunum kl 1100 LMT í gærmorgun. En hans skip hafði komið á staðinn fyrr um morguninn. Hann mun virka sem tæknilegur ráðunautur þegar alvöru slökkvistörf hefjast. ( við komu Anglian Sovereign ???) En Hanjin Ottawa mun svo halda áfram ferð sinni sem er áleiðis í Suez